السلام عليكم
اني وابن خالتي نحب بعض ومتفقين ننجمع بالحلال ان شاء الله
بس هو متزوج ولهذا السبب قرر ان يتكلم مع مرته ويقنعها
وفعلا تكلم معاها وهي تقريبا ما مقتنعا لهذا اجلنا الموضوع لحين تقبل وحتى هو تكلم مع اهلي على زواجنا وموافقين
لا احد يسالني ليش ما تزوجك قبل ما يتزوج لان الموضوع يطول شرحه
المهم
ابن خالتي رجال متدين ويخالف الله كلش هواية واني وياه متفقين نزوج بعد رضا زوجته
وهو ما مراح يقصر ولا وحدة فينا
اني فقد كتبت موضوعي لان اريد اعرف الزوجهن متزوج عليهن وحدة ثانية كيف تكون علاقتهن ببعض الي عايشين بنفس السكن لاني حابة نكون بنفس السكن
وين الردود خواتي
شو رح جاوبك
المفاهمة بين الضراير على حساب تقبلكم ببعض
ولكن كيف تتصوري رح يكون شعورها و زوجها جايب لها ضرة
حطي حالك مكانها وحتى اذا ما تقبلت وجودك لا تلوميها
اختي اني متفهمة وضعهة ومقدرة حتى اني صار الي هواية منتضرة على موافقتها بكل صبر
بعدين احنة عائلة متفهمة وواعية ونفهم المنطق
وبالمرور الوقت راح تتعود على الوضع ان شاء الله
بس حابة اعرف
هل في كثير عايشين بنفس البيت لو كل وحدة سكن الي عايشين بنفس السكن خلي تكلي كيف عيشتهم
لو انتى مكانها كيف راح تتعاملي معاها😇
الله يكون بالعونبا حبيبتي صلي صلاة استخارة
ولفيها الخير يقدمها ربنا
بصراحة اذا كانت بنية حبابة وبنت ناس وتحترمني راح اعاملها بما يرضى الله
بس راح احط حواجز بيني وبينهة
هذا اذا كنت بمكانها
اما هسة حاليا اني الثانية ان شاء الله
راح احاول اخليها ما تحس بوجودي ابد وحتى ما اكلم زوجي واعمل حركات سخيفة امامها
واذا حاولت تاذيني بكلمة او بحركات اني راح اسكت واصبر واعذرهة لاني من النوع المتفهم والصبور
وحتى اذا ضربتني او اي شي سوت مراح ازعل وراح اتقرب منها
هذا الكلام نابع من قلبي والله يشهد علية
اول ما اتزوجه راح انطي وعد بيني وبين ربي اني اطبق هذا الكلام
لاني شفت تعاسة كثيرة في حياتي وصبرت