السلام عليكم ورحمة الله وبركاته
أخواتي حاسه إني بأنجن , أبغى وحده فاهمه تساعدني لأني بموت من الهم
مشكلتي هي الندم الشديد على كل شيء أقوله أو أسويه
قبل 4 ساعات سألت أختي سؤال وياليتني ما سألتها , والله ندمت ندم شديد شديد شديد وللآن مو قادره أنام من تأنيب الضمير
اللي حصل إني كنت خارج البيت لوقت طويل وبعدها رجعت ودخلت غرفتي ولقيت لمبة لابتوبي تومض وسألت أختي بعفويه كسؤال عادي : إنتي فتحتي اللابتوب أو فلانه فتحته (أختي الثانيه) ؟
ردت برد أوجعني وتجمع الدم في راسي وريقي نشف وحسيت أني أتهمتها وظلمتها
قالت : أقسم بالله ما لمسته
أنا ما قصدت إني أتهمها أبدا , كان قصدي حل لغز وميض اللمبه , لأنها عادة تتوقف عن الوميض بعد مرور ساعه على وضع السكون وأنا تأخرت أكثر من 3 ساعات ومازالت تومض
مت من القهر بعد ما تذكرت إني البارح غيرت إعدادات وضع السكون , لكن للأسف تذكرت بعد ما سألتها
بعدها بساعه قالت لي : ترى لا تحسبين إني مسكت لابتوبك والله ما مسكته
قلت لها : أنا ما أتهمك , أنا بس كنت أبغى أعرف إيش فيها اللمبه تومض من وقت طويل علشان كذا سألتك , مو قصدي أتهمك أو أحاسبك
قالت يمكن اللابتوب خربان ولا شي
قلت لها : يمكن , ويمكن علشان أنا لعبت في إعداداته البارح , وبعدها أختي سكتت وعادي تكلمنا في أمور ثانيه
ما أدري هل الموضوع يستحق الندم من وجهة نظركم أو لا , لكن بالنسبه لي مدمرني وتمنيت إني مت قبل لا أسألها
شي في نفسي يقولي : انتي ظلمتيها , بكرا تشتكي لأهلك بأنك إتهمتيها , انتي فتحتي عيونها على أمور ما كانت تنتبه لها , بكرا من جد تفتحه من وراكي لأنك ما وثقتي فيها , انتي شككتي في نزاهتها ( لأن غرفنا لها شيء من الخصوصيه وما ندخل غرف بعض أو نستخدم أشياء بعض إلا بإستئذان )
يا بنات الموضوع هاذا أتعبني جدا وطار النوم عني وقلبي يدق بسرعه وراسي صدع
وأختي ما أقدر أقول لها أكثر من اللي قلته , لأني بينت لها إن الموضوع سخيف وإنه سؤالي كان عادي لكن أنا أعرفها أحيانا تشيل بخاطرها وتفهم خطأ حتى لو وضحت لها كل شي
ساعدوني لوجه الله أو أدعولي
سؤال أخير : هل الندم ( الشديد ) وليس الندم العادي , هل يكون من الشيطان ؟
ياليت اللي عندها الإجابه تفيدني وبالأدله وجزاكم الله خير
أرجوكم يا إداره تنزلوا موضوعي بسرعه لأني في حال ما يعلم فيه إلا الله
اختي الغالية والله نا تستحق كل هذا ندم
انتي سئلتي ها مجرد سؤال
وأظن سؤالك كان عادي
انا اسئل اخوي هل سؤال أكثر من 100 مرة باليوم
برأيي انج كبرتي الموضوع بصورة مبالغة جدا
يعني حتى لو دخلت وفتحت اللاب توب وش فيها ؟!!! هذا واحد
و اثنين دام اختج ما زعلت منج والدليل انكم تكلمتو في امور ثانية مثل ما قلتي فانسي الموضوع وعشان تريحي ضميرج اكثر روحي لها و اطلبي منها تسامحج و انج ما قصدتي ابدا اتهامها
و اخر شي دام انج تعرفي نفسج من النوع اللي يندم بهالصورة حاولي تفكري مليون مرة قبل ما تقولي او تسوي اي شي
موفقة
استغفر الله العظيم الذي لا إله إلا هو الحي القيوم و أتوب إليه 
لالا حبيبتي لاتندمي ابدا .. اقولك شي اشتري لاختك هديه بسيطة شي هي تحبه واعطيها وقولي لها اسفه لاني نسيت اني لعبت بالاعدادات ومايهون عليا زعلك..وتاكدي هي ستفرح كثيرا ان شاء الله وانتي ستتحسن نفسيتك
الله لآ يشغلنآ الآ بطآعته ..