المحافظة على أدوات التجميل

السلام عليكم صبايا

انا حبيت اكتبلكن الموضوع عن تجربة ، هوو بسيط بس بصراحة انا بجربو ومرتاحة عليه وما بياخد من وقتك دقائق

طبعاً الموضوع واضح من عنوانه وهوو المحافظة على ادوات التجميل :
بدايةً عزيزتي بنصحك باستخدام ادوات من انواع وماركات معروفة يعني مشان صحة بشرتك و مشان تكون بعيدة عن الالتهابات .
ثانياً : موضوع تاريخ انتهاء الصلاحية مهم جداً وابداً لاتهمليه لأنو ممكن يكون المستحضر جيد او ممتاز لكن لما يفقد صلاحيته وينتهي التاريخ رح يصير اسوأ وممكن يضر لا سمح الله

كمان بخصوص حفظ المستحضرات انا بنصح بوضع بعض المستحضرات بالبراد وخاصةً بالصيف لأنو بعض منها بيسيخ وممكن ما تضمني فعاليته

اما بخصوص النظافة
ف اغسلي فرشاة احمر الشفاه و البلشر بشكل مستمر يعني بعد كل استخدام لأنها ممكن تلقط جراثيم بسرعة كبيرة وهيك بتكوني حافظتي على نظافتهن وحميتي بشرتك ونفسك

ايضاً اهتمي بتنظيف ومسح اطراف الزجاجات والعبوات الخاصة بكريمات الترطيب ،. باستخدام قطنة مبللة بالكحول او بأي سائل مطهر مثل الديتول

وأخيراً نصيحة زغيرة ، حاولي انو ماتستخدمي كريم الترطيب اكثر من سنة ، جدديه اكثر من مرة لتحافظي على فعاليته

المشاركة الأصلية كتبت بواسطة /raneemleno/ يسعدني كون اول وحدة ترد على موضوعك المتميز♥♡♥♡♥ شكرا كتير موضوع رووووعة♥♡♥♡♥♡♡♡ وﻻتحرمينا من مشاركاتك الحلوووة يااقمر♥♡♥♡

بيسعدني رد على هيك رد لطيف متلك
عنجد شكراً كتير الك