ليش هندي ما بعرف بس كتير طيب
المقادير
5كيلو بندورة حمرا مستوية إذا مو حمراء ما بتطلع طيبة
4بصلات كبيرة
نصف كيلو لحمة ناعمة فيها القليل من الدهنة الناعمة
2 ملعقة كبيرة معجون الطماطم
2 ملعقة سمن أو زيت
ملح وبهار
للتزيين صنوبر
وللتقديم فلفل أخضر رومي
الطريقة
تقشر البندورة وتقطع قطع كبيرة ممكن وضع البذور وممكن إزالتها حسب الرغبة
تقشر البصل ويقطع طوليا جوانح
تتبل اللحمة المفرومة ناعم مع القليل من الملح والفلفل والبهار وتسوى كالأصابع أو كرات وتوضع جانبا
في وعاء الطبخ نضع الزيت أو السمن و نقلب البصل فيه قليلا وبعد ذلك نضع البندورة ومعجون الطماطم ونتركه على نار متوسطة يطهى وتجف ماءه نضع الملح حسب الرغبة نتذوق وبعد ذلك نضع اللحم المسوى أصابع بالبندورة ونتركها على نار هادئة مع التقليب بين الوقت والآخر
بعض الأشخاص يفضلون الكباب الهندي ناشف تماما وبعضهم يحبونه مع بعض المرق أنت وشو بتحبي وممكن بعد طهي البندورة وقبل إضافة اللحم وضع الكمية في صينية فرن ووضع اللحم على وجه الصينية ووضعها بالفرن الحار حتى تجف مع مراعاة الحرارة من القسم الأعلى حتى لا تحترق 
التقديم
نضع الصنوبر على الوجه و يؤكل بجانبها الفليفلة الخضراء والبصل
وصحة وعافية
مابدي رد بدي دعاء 
الله يجبر خاطركم
يم يم يم يم ريحتو وصلى لعندي هههههههه يسلمو حياتي أكيد بيكون بيشهي مادام أنتي ألي محضرتو
جزاك الله كل الخير
كتير طيبه مبينه بارك الله فيكي
يعطيك العافية
أنتو الطيبين شكرا للردود الرائعة
تسلم الايادي