الفلوس وزوجي

يمكن مشكلتي ما تكون كبيرة مثل باقي الاخوات لكن راح ادخل بالموضوع على طول:
انا متزوجة والحمد لله زوجي انسان كويس بس مرة عليه ضائقة مالية في بداية زواجنا ولكن الحمد لله صبرنا وعدت على خير
وكان هناك بعض المساعدات من اهلي في تلك الفترة .
لكن بعد الامور ما تحلحلت صير كتير يحاسب عالقرش وهو مو مقصر في البيت وبيحاول يوفر اللوازم اما الكماليات شبه ملغية عندو
وهدا شي عادي بنسبة للفترة الي مرة علينا انو يصير حريص لكن كل ما امورو تتحسن بضيقها علينا انا وابنا اكتر
واهلي لايزالو معتقدينا حالنا سيئة مع أنو بحكيلهم الحمد لله انحلت
بس لا يزالو يساعدوني وتقريبا صار اي شي بدي اياه اطلبو منهم
لأنو كتير محبكها واكتر شي مضايقني من زوجي اذا صار عند اهلي مناسبة ولازم اودي هدية بيعملي مشكلة إلها أول ما إلها آخر
واول كلمة بيحكيها هو انا بصرف على اهلك وشو اجاني منهم
نسي لما وقفو جنبنا بضائقتو علما انو ما حدا من اهلو اطلع فيه
وانا كتير بخجل من اهلي وما بحب احكيلهم انو هو ما بخليني اجيب هدية
واذا رضي اجيب هدية بحاول يخليني اجيب شي مو قد المناسبة
علما انو اي مناسبة بتصير عندي ما يقصرو ابدا من احسن واغلى شي
بيجيبولي غير انو اخواني كل ماروح عندهم بيعطوني فلوس
ولم يعرف انو معي فلوس بصير اذا بدي اي شي منو يقولي معك فلوس جيبي الي بدك اياه انا بجيبلك لوازمك الاساسية من اكل وشرب
بدك تتمصرفي اصرفي من الفلوس الي بيعطوك اياها
شو الحل معو علما اني زوجة مطيعة ولا رفض له اي طلب
استعملت اساليب الدلع والغنج بس لعند الفلوس وقفي مونافع اي شي
بس برجع بقول هو مو سيء وانا بحبو كتير