السلام عليكم اخواتي راح الخص مشكلتي بشكل سريع وارجو افادتي بالنصائح ..:::::
قبل سنتين اكتشفت ان زوجي يكلم وحدة وبعد جدل وزعل عاهدني بعدم تكرار ذلك لاااااااااااااااااكن قبل عدة ايام اكتشفت ان زوجي يكلم وحدة وصار لهم سنتين على هذه الحال ولما واجهته قال ان الرقم لصديق له وانه اعطاه لزوجته من شهر تقريبا قلت له كلم صديقك واسأله عن الرقم القديم وانا اسمع حتى يطمئن قلبي لاكن رفض وحلف لي على القران انه ماهو متزوج لامسيار ولا غيره وانه مايكلم احد بالحرام لاكن اكتشفت اليوم انه كذاب ولما واجهته قال اني قاطع العلاقه معها لاكن امها كلمته وتقول فكنا من شرك واني وعدتها اني ماعاد اكلمها وترجاني اسامحه قلت له انه لو اعترف البارحة وماحلف كان صدقته واني ماعاد اثق فيه راح يحلف اني راح ارجع الثقه ويقول كلام نصه ماسمعته ويحب يدي بس ماقدرت اصدقة الي تهاون على الله يهون عليه البشر على فكرة احنا متزوجين لنا اكثر من 19 سنه وعيالنا في الجامعة طلعت من بيته وقلت احسن لك حتى تعف نفسك تزوج على فكره انا كلمت الرقم الي يكلمه وكلمتني وحده كبيرة في السن تقريبا 40 سنة وبعدين دريت انها امها كشفتها النار تشتعل بصدري وانا الحين في بيت اهلي ماقدرت اجلس له في البيت **
اختي فتشي عن نفسك وانا لا الومك قد يكون النقص فيكي ليش زوجك يكلم بنات وش الغرض ,, ؟؟؟عليكي بأشباعه بالكلام الحلو واللين في القول والفعل .. وقولي له هل تريدني ان اخونك مثلك ؟؟وممكن انه بس يتسلى وعنده وقت فراغ كبير…وفكرة انك روحتي بيت اهلك هذا جزء من حل المشكله وان شاء الله يرجع لكي وتتفاهمي معه وتحطي له شروط قبل الرجعه انه مايكلم …وحرام يكلم بنات ..والله يهديهم البنات اللي يكلمو متزوجين !!!الله يستر عليكي ويستر على زوجك ويوفقك عليكي بالدعاء الدعاء ….تحياتي .
مثل ماقالت اختي عليكي بالدعاء و الاستغفار 🙁
صدقوني انا ماقصرت عليه بشئ ودائما اسأله اذا كان فيه خلق ماهو حابه فيني اغيره له لانه جنتي وناري
يااختي الحي لله في الدعاء ان يهدي زوجك واهتمي في نفسك في مظهرك واسلوبك ووجبته وعند النوم ولاتقولين مااقصررت طووري نفسك وشوفي من اي شخصية هو وكيفية التعامل معه
اختي زوجك شكله يحبك واللي انتي سويتيه صح كان لازم تقسي عليه لين يـتأدب خليه فتره ولا ترجعين الا بشروط
الله يعطيكم العافيه على على نصائحكم المفيدة احس اني لست وحيدة في مشكلتي فلي الكثير من الاخوات الرائعات التي احس بهم قربي يواسوني شكككككككككككككككككككككرا لكم **
السلام عليكم
انا صار لي نفس مشكلتك بس قدرت امسك نفسي حتى اخذت رقمها كنت شاكه لي فتره طويله جدا
بس ماكنت ابي اتهمه لان ماهو مقصر معي بشي ولا حسيت بشي غير اني اشوفه من الشباك يكلم بسيارته الجوال لفتره طويلة ووقت اساله ليه تاخر يقولي كنت بمشوار ومايصدق عرفت ان وراه سالفه
المهم بيووم انفجرت فيه وانكر وحلف لي كذب وكنت عارفه انه كذاب لان الموضوع فوق شهور وشهور وانا كل يووم ادق على الرقم من شريحه ثانيه وهي ترد علي وعرفت وين هي وش عملها واسمها
انكر وانكر لكن مواجهتي كانت اقوى لاني صادقه ومتاكده وهو كذاب وضعيف امامي
تركته وقفلت الباب وراي خليته على اعصابه وقت ورجع يتاسف بعد ماعترف بكل شي لان وقتها كذبت عليه وقلت اعز صديقه لها اعرفها وهي تقولها كل شي عن علاقتكم وقتها تكلم بكل شي
تدرين وين الغلط ان يكون ثقتنا اكثر من المطلوب
لا تشكين بكل شي وتوجعين قلبك بس حلو الحرمه تكون ذكيه ابسط شي تفتح جواله وهو بالحمام وتقرا السجل الاتصالات تقرا الرسائل على شكل دوري خاصه اذا لاحظت عليه خيانه سابقه او شافت امور متغير فيها
الاتصال المستمر على زوجك مايعطيه فرصه ياخذ راحته مع اي مكالمه وطبيعه المكالمات الرجال ماتاخذ غير دقايق الا اذا كان مع امراه فان الحال يختلف لساعات طويلة
اجلسي معه سوي له بالعصر قهوه واقعدي معه اشغليه بامور عياله وحياته معك
الراحه الدائمه له تعطيه فرصه يبحث عن فراغ عاطفي جديد حتى لو كانت مجرد نزوه او تسليه
شوفي وش يحب الزيارات اكثري منها معه وليس بمفردك
اقربي انت وهو من الله صدقيني تزرعي الخوف من ربه
لكن خروجك من البيت ليس حل بل زياده للمشكله كثير حريم تكبرت وعاندت وخسرت زوجها