الحقوني تحولت من انثى جميله ناعمه الى رجل
بسم الله الرحمن الرحيم
يابنات انصحوني هزئوني ممرمطني بس ابغى حل
ثقتي بنفسي ادمرت سرت اكره نفسي ودائماً انظر لنفسي اني ولااااااااا شي كله من زوجي ابي اطلب الطلاق قولولي انا صح ولا غلط
من البدايه انا متزوجه لي سنه وكم شهر عندي بنت عمرها اربع شهور اخذنا بعض بعد قصة حب طوووووووووويله وجميييييييله
والحين انا وصلت لمرحلة الجنووون والله احسني خلاص شعره وانجن ابكي خمس ست ساعات متواصله خلاص تعبت وبربي تعبت
من اول يوم زواج مشاكل على اتفه الاسباب ويقووووول كل شي قدام خوانه خواته كل شي ويجلس يصرخ انا تعبت هذي نكد انا مابغاها فاهمين علي كل وحده قبل ماترد تتخيل ماوقفها قدام اهل زوجها وزوجها يقول عنها كذا
كل يوم طالعلي بمشكله انا كانت تفوت علي اشياء تافهه بحكم اني دوبني متزوجه هو يحوله هالتفاهات لكارثه انا ساكنه فوق اهله يروح يجيب امه خواته تخيلوا
حتى قدام خوانه وابوه
هو يحبني بس مدري شلون اقولكم هو يحسسني اني عدم والله اني مو كذا انا اكيد فيني عيوب لاني بشر مو ملاك والله اني احاول اعدل من نفسي بس مافيه اي نتيجه نهدا يوم وعشره يصير فبيتنا حفله من اصواتنا وضربه لي
الكارثه والمصيبه اني تغيرت 180درجه
مانلام لو الف كتاب بكل كلمه جارحه قالها لي يبغالي ثلاث كتب بالقليل
تخيلو انا مجرووووحه يقولي انتي مافي بالحريم مثلك نهائي لا خواتي ولا خواتك انتي والله لوانك ماخذه صفوة الخلق الرسول يمديه ذابحكي
معقوووله انا عدم لهدرجه وانا مو حاسه بحالي
انا فعلاً تغيرت بس دوبني تغيرت سرت جنيييييييييه مااقوله الا كل تبن ياواطي وامد يدي بعد ماعمري تخيلت اني اسوي كذا لكن كله منه
قوليلي كيف ارجع انثى ناعمه
قولولي كيف اطنشه واوريه اني حييييييييل مجروحه
قولولي كيف اخليه يرحمني دمعتي تكون غاليه عنده
ترى ماكتبت لو ربع من حياتي
تكفن مالي بعد الله غيركن
قولولي كيف انظم وقتي بحيث اني مااطفش واضطر اطلبه مشوار او اي شي
انا جالسه بالبيت مااشتغل مخلصه دراسه
قولولي كيف ارجع مثل اول مابي اعصب ولا اتكبم ولا اصرخ
ويارب جعلها للجنه كل وحده ترد علي
حبيبتي أغلب المشاكل الزوجية من كثرة عصيان الله والبعد عن الله
فتشي عن هذا الشيء في نفسك وزوجك
وطهري بيتك تفوزي في الدنيا والاخرة
وأكثري من الدعاء والاستغفار
|
المشاركة الأصلية كتبت بواسطة لطيفة بكلامي
 حبيبتي أغلب المشاكل الزوجية من كثرة عصيان الله والبعد عن الله
فتشي عن هذا الشيء في نفسك وزوجك وطهري بيتك تفوزي في الدنيا والاخرة وأكثري من الدعاء والاستغفار |
حبيبتي ياليتك مارديتي
انا اخاف ربي بكل شي ولا عمرها وصلت معي للمعاصي
الله يعينك حبيبتي حاول تتغيرين لا الطلاق والله مو حلو اصبر شوي واستخيري الله وطلبي منة الفرج واشكي له حالك يمكن يكتب لك خير الله غفور رحيم
قلبي معك يا اختي ، الله يهدي زوجك ويسخره لك ويسر الحياة قدامك .