الحقوا يابنات الحقوا ياستات الكشري المصري وصل

ازيكوووو يااخواتي واحشني جداااا النهارده بقي فضلت افكررر اطبخ ايه اطبخ ايه لما كنت هزهق بصراحه فبدووور كده لقيت عدس بجبه ومكرونه قولت توكلت علي الله واعمل كشري مصري نسمي الله انا بحط نوعين مكرونه وشعريه ورز وعدس بجبه انا بسلق العدس والمكرونه لكن الارز مش بسلقه بغسله

وبكون حطه البراد علي النار يسخن

وبعدين احط حتة سمنه واحط الشعريه واقلب وبصراحه انا بجيب بصله صغيرررة جداااا وافرومها واشوحه مع الشعريه مش لقيت غير بصل كبيررر قولت مش هعمل محشي انا فحطيت بصل بودرة

ولما تحمر انزل الارز

وبعدين المكرونه المسلوقه بس مش مهريه يعني باخدها غلوة واحده بس

وبعدين العدس المسلوق واقلبهم كويس واحط مايه مغليه بس بتكون قليله وتحطي الملح

واغطي عليه ولما يغلي اوطي عليه يتردد مع نفسو وابدا اعمل الدقه بجيب توم وقرن شطه وادقهم وابشر طمطتين وصلصه

وبعدين احط حتة سمن وزيت وانزل التوم ولما يصفر وبعدين الطماطم والصلصه

واسبها بقي شويا وعاوزة تزودي مايه براحتك

ونيجي بقي نعمل الكفته بتجيبي نص كيلوو لحمه مفرومه وبصل بودر وتوم بودر وملح وفلفل اسمر وشطه وكسبرة ناشفه وتعجنيها مع بعضها وتسبيها شويا

واكورها في صنيه واحط حتة سمنه وادخلها الفرن او اعملها علي البوتاجاز واغطيها

وبعمل جمب الاكله دي دقت الكشري بتبقي خل وتومه وليمون وشطه وزيت وده شكل الاكل كله اتفضلووو معانا

احلى اكله بالعالم

المشاركة الأصلية كتبت بواسطة أم سيف مرام والله نفسي اجربه لاني اسمع عليه كثير ياريت اجربه بس يظبط معايا تسلم ايديكي

حببتي سهل والله الطريقه دي سهله وبتظبط معاكي وان شاء الله تحبيه

المشاركة الأصلية كتبت بواسطة حبي انت يسلمووو روعة والطريقة واضحة كتير وشكلو بشهي خصوصا انا بحب الاكل الحار

تسلمي حببتي ربنا يكرمك