السلام عليكم ورحمه الله وبركاته
باطرح لكم مشكلتي وياريت احصل حل من الحكيمات
انا متزوجه من 4 سنوات وحياتي مع زوجي مستقره ونحب بعض ولله الحمد وهو انسان طيب
وحنون وكل شي ويساعدني مع الاولاد واحيانا ف شغل البيت واحمد ربي علي
المشكله انه حصل نقل للسعوديه مع العلم اني خليجي غير سعودي وخبرني انه راح يجلس هناك 3 اشهر او 4 اشهر بعدين انا واولادي نجيه بعد مايرتب امور السكن وكذا
امس اخذت تلفونه ابي اشوف شي في الواتس اب وبالصدفه شف مراسلات بينه وبين شخص
في السعوديه وانتابني الفضول ودخلت
الا اشوف انه يسال عن المسيار وانه ناوي يتزوج مسيار بشكل سري انا هنا انصدمت وانشليت وما قدرت اتحرك من مكاني
لاني ما اتوقعت انه يتزوج وانا مش مقصره معاه في اي شي
اخاف اصارحه ويصير بيننا هواش
واخاف اعديها ويهملني ويهمل اولادي
خبري اهلو بالموضوع بلكي يكون الهم تأثير عليه
قولي له انج ماراح تقدرين تبتعدين عن 3 الى 4 شهور
يقدر يرتب اموره قبل هالفتره
حاولي ماتتأخرين عليه وقنعيه انج فعلا محتاجته و ماتقدرين تبتعدين عن اكثر
علشان تلبين احتياجاته الزوجيه ولا يضطر يأخذ له مسيار
صارحيه بالموضوع وشوفي ايش راح يكون تبريره انشاء الله تخرجي من هذه المشكلة
قولي له هذه الأيام كثر الكلام عن الزواج المسيار وخوفيه أنك لو كنتي مكان الزوجة لا يمكن ان تسامحيه وأنك تعتبرينها خيانة
ولكن من رأيي أعتبره مجرد كلام ربما كان يضحك مع صديقه فقط خاصة اذا كان يحب عائلته لا يمكنه ان يجرحك
ليكن في علمك ان احساس الزوجة لا يخونها و ان شاء الله يكون خير
معقولة ليش يتزوج
علمود3-4 اشهر؟؟؟؟؟
اشوفها صعبة شوية
متأكدة لا يكون مزح بس
اذا تحبيه وتدلليه صعبة يتزوج عليك
الله يفرج همك
الله يكون بالعون
صااارحيه وقوليله مبروك عليك مقدما زواجك السري ….الله يكون بعووونك للاسف حتى لو الزوجه كامله ومومقصره بشي يفكر يتزوج عليها ومافي قدامك غير انك تستسلمين للامر الواقع ودامه طيب معك ومع الاولاد مافي خوف ان شاء الله لكن انتي صاارحيه وبكل هدوء وقوليله انك تخاافين يتغير عليكم انتي واولادك ….انصحك لاتعارضين زواجه ولاتصارخين ولاتنفعلين خليه يشوف العكس …هو خبى عليك نيته بالزواج خوف منك وعلى مشاعرك يفكرك بتعصبين وتكبرين الموضوع وممكن تطلبين الطلااق لكن انتي كووني عاااقله معه قوليله تبي تتزوج تزوج وماله داعي يكون بالسر انا ما اخوف!!! بس اهم شي تعدل وماتقصر بحقي ولابحق عيالي …لانك لو عارضتي زواجه اكيد بيتزوج رضيتي ولامارضيتي الرجال بشكل عام لحط براسه يتزوج بيتزوج كوووني امراءه عااقله وفكرري باولادك لاتفكرين بنفسك بس وفقك الله