الحروف المبهمة
بين صدات الليالي وانحناءات الدروب
………. لالقيت الّي بغيت .. ولالقاني من بغاني
والأمان الّي طلبته خالف بوجهي الهبوب
………. يستفز حروف صمتي لجل ياخذ ما عطاني
من مهد صبح التعاسه لين غصّات الغروب
………. والزمن من زود همّه يرسل جيوش الثواني
كنّي الحاكم ولكن.. مالقى لأرضه شعوب
………. كنّي المركب ولكن.. مالقى حوله مواني
أكثر اللحظات ظلمه.. لـ استلذيت الذنوب
………. واكثر القاسين طيب/ ولو تنكّرته.. لساني
مبهمه هذي الحروف ولو تذوّبها ..تذوب
………. لا تركّز يا رفيقي ولا تفكّر بالمعاني
كلّها دمعه وطاحت واكسرت معها قلوب
………. كلّها شمعه وذابت وانطفى معها زماني
ولا تدري يا رفيقي ..خلّنا نمشي جنوب
………. غيث فكري جاك كلّه وانت خلّك في مكاني
اشرب الحرف برووواقه .. واستلذّه كوب ..كوب
………. ثم قلّي كيف كنت.. وكيف صرت.. وكم أعاني
هذي الدنيا ولكن يا رفيقي من يتوب
………. خلّني همّي واعرفه .. دايم بفعله أناني
بين ضيقات الليالي وانكسارات الدروب
………. ماخذ ٍ كل ما يبيه ولو طلبته ..ماعطاني
شى جميل جدددددددددددددا