الاسقاط الاول هل من الصعب ان يحدث حمل بعده
السلام عليكم ..بنات صارلي سنتين وثمان شهور متزوجة حملت اول حمل بعد سنة من الزواج وطرحت لأني حملت شي ثقيل والحد الآن بعد ما صارعندي سويت كل التحاليل والفحوصات ماكو بيه شي سليمه وهسه يكولون كثير من النساء اللي تطرح اول واحد بعد ميصير عدهه فهل هذا الشي صحيح منو صار هيجي وياها وحملت بنات افيدوني بتجاربكم 
السلام عليكم
كم شهر صالك من اسقطتي وبيا شهر وكم عمرك وزوجك سوه تحليل ؟
ومنو كالج هاي المعلومة يافهيم ؟؟؟؟؟؟؟؟؟؟
معلومة غط انا اسقطت الحمل الاول وصار عندي حمل بعد 7 اشهر
انا اسقطت المرة الاولى وحملت بعد ثلاثة اشهر فقط
حبيبتي سقطت بداية الشهر الثالث من الحمل ونزل الطفل شفته ونزلت قطع دم وكلولي لتنظفين رحمج نظيف هسه مضى على الاسقاط سنه وسبع اشهر وبعدني مصار عندي وزوجي سليم وعمري آني 23 وعمر زوجي 31 سنه
بنات وين الرد كهرمانة بغداد ردي هسه رجاءاٍ
حبيبتى انا مرت اخى بعد التسقيط باربعين يوم صار الحمل تخيلى يعنى مو سبب انه ما تحملى لو اسقطى اول مره بس حاولى تشوفى لو كان حصل شي انسداد بفتحه الرحم اثناء التسقيط معك لان صديقتى حصل معها هيك بسبب عدم عمل عمليه التنظيف موفقه حبيبتى
بس آني رحت للدكتورة سوتلي سونارات وتحاليل واشعة ملونة وطلعت سليمة بس احتمال عندي لخبطة هرمونات شنو هاي أتأخر الحمل هواي اذا متنظمت مسامعين وحدة عدهه لخبطة وحملت
ان شا الله ربنا يرزقج يار بالحمل السليم المعافى
عليج بالاستغفار حبيبتي فهو سر عجيب لجلب السعادة والامنيات
يارب تبشرينا بحملج بالقريب العاجل