بنات انا زوجي طيب معي ومع امي وكل شي فيه زين الا انه بخيل وتعبت من بخله بالبدايه بيتي كان اخس بيت من اثاث ومن كل شي تزوجته عشان رضاء ابوي ولا كنت مابغاه بعد الزواج صرت احبه بس بعدين لاحظت لااسافر زي العالم ولا اروح واجي وبيتي كان شقه الله يكرمكم المجاري ريحتها ماكان احد يجيني كثير غسالتي تقعد 3 ايام خربانه وكنت عادي كان فيه بخل علي بس ابد ماكنت حاطه هالشي بالاعتبار كنت اقول عشان راتبه او شي ابد ولا عمري شكيت له لان طيبته تغطي على هالعيب بعدين ربي رزقني بوظيفه من بعد الوظيفه صار مايعطيني فلوس والله لو اطلب بطاقه شحن يقول هاتي فلوس لو ب10 واسكت واعطيه بيتي غيرته من الى بفلوسي وكل ماقلت شي قال كيفك بيتك والله كل شي غيرته لو انتظرته ماراح يدفع عندي منه ولد مايقصر عليه يجيب له ويشتري بس علي انا بخيل ليه مدري كل ماقلت شي انتي ادفعي ابغى اسافر عليكي الدفع تخيلن حتى البنزين انا ادفعه والله ودي اتطلق بس خايفه على ولدي وخايفه من اهلي لاني ابوي متوفي وامي لاهيه ببيتها يعني اخاف تتعب لو اتطلق وواخواني مراح يستقبلوني او يستقبلو فكره الطلاق اصلا مع ان عندي اختي من ابوي متطلقه وعايشه مع امها بس ناقلين همها هم شايفين هذا وعارفين اني انا ادفع كل شي ومره قالها لي اخوي ندري انك انتي الي تاثثين ببيتك وش اسوي والله مالي احد بعد الله الا انتم برايكم ولو اتطلق كلام الناس والله خايفه لا ن الناس ماترحم وتظلم وهذا الي يخليني ادفع وانا ساكته حتى لو ابي علاج يقول ادفعي وغسالتي خربانه لانها 6سنين ولا صلحها يعني تغسل بس ازعاج ومدري وش فيها ولما اقوله يقول مافيها شي تغسل تبين اشتري انتي والفرن انفجر مرتين والا الان يقول مافيه شي لاتشغلي العين الي تحت وخلاص وش اسوي يارب يامعين اعني
–
اقسم بالله انك مو انتي الوحيده اللي كذا زوجه خالي كذا
خلاص اختي
شهر اشتري غساله اتوماتيك بعد تغسل الملابس وتنشف من كيفها قيمتها تقريبا 1500 وفيه بالفين وفيه بثلاثه
وبعده اشتري فرن
احس تشتري الفرن اول عشان ماتعرضي لنفسك للخطر
وسافري وادفعي فلوس البنزين بعد ايش تسوي ؟؟
تخربين بيتك عشان تفاهاته
احمدي ربك انه رازقك ف وظيفه
وانك قدرتي تغيري بيتك من الى
منتي عجزانه عن الباقي
يمكن مع الزمن يتغير
وبعدين بيني وبينك
كيدهن عظيم
شغلي مخك وحاولي تكسبي جيبه قبل قلبه
ترى ربي اكرمك بكيد :")
مافيه شي بالقوه
كله باللين ودموع التماسيح وهيك :")
اما الطلاق م انصحك فيه ابد وشيليه من مخك
وبس^^
سلامتك
خليه يسجل البيت باسمك
الله يفرج همك
اختي نصيحه مافي هم اكبر من الطلاق بيتك محلك وولدك ابرك لك من اي شي صدقيني لطلقتي بيصير زوجك روعه بعينك من ذل والاهانه الي بتشوفينها اقعدي بيتك وعند ولدك وزوجك واحتسبي الاجر وش هذا زوج زوج دنيا ستر وغطا من فينا سعيد كل مهموم وكل عايش ظروفه كل شي تتحملينه الا الطلاق
استغفري كثيررر وادعي ربك والله يسخره لك يارب
ماكو الا انج تخلينه يسجل البيت باسمج لان باجر لاصار شي لاسمح الله بيطردج برا البيت ومابتاخذين وياج غير اغراضج وراح تتحسفين وتندمين لانج اثثتيله بيته بفلوسج؟ والله الريال البخيل ماينعاش معاه اكثر صفه كريهه بالريال البخل بس انتي ماقلتي هور راتبه يعني زين ولاضعيف؟وشمعنى يصرف على ولده وعليج لا! انا ماانصحج بالطلاق اختي ماشاءلله صارلج متزوحته فوق ال6 سنوات بينكم عشرة عمر وطفل فبعدي فكرة الطلاق من بالج وادعي ربج انه يسخره لج ويهديه مووفقه
حمدلله وشكر تقولكم بخيل شلون يكتب البيت بسمها حتى لو كريم مايرضا يسجل البيت بسم مرته
قولو كلام منطق تبي يشتري غساله وفرن مو واضي تقولون لها خليه يسجل البيت بسمك اختي ماعليك وكلي امرك لربك وتحملي كل شي وفكره طلاق شيليها من راسك نار زوجك ولا جنة هلك