افكار ازاي تهتمي في الاكسسوارات

اول موضوع ليا في هالقسم واتمنئ اكون بدات بالفايده ههههههه

كلامنا المرة دي هيكون عن موضوع بيشغل بال الكتير من الستات والبنات في كل الدنيا… كلامنا هيكون عن الاهتمام بالإكسسوارات….

وده لأن الإكسسوارات محتاجة إلى عناية من نوع خاص جدا علشان تحتفظ بلمعانها وجمالها لأطول فترة ممكنة وكل ما تلبسيها تبان كأنها جديدة وكأنك لسه جايبها….

الذهب أولا لأنه الأغلى

أول نوع من الإكسسوارات هنتكلم عليه النهارده هو الذهب وللأسف بالرغم من إن الذهب تمنه غالي جدا إلا إننا ممكن بعد فترة نلاقيه فقد الكثير من لمعانه ولونه بيكون مطفي زي ما يكون قديم على الرغم من إنه لسه جديد…

فرشاة الأسنان للحصول على اللمعان المطلوب

وعلشان تتخلصي من المشكلة دي وترجعي للذهب البريق واللمعان بتاعه يبقى انقعي أي قطعة ذهب عندك في مزيج من فنجانين من المية المغلية المضاف إليها "أمونيا" اللي هي "النشادر" ودي هتلاقيها عند العطار، وبعد كده ادعكيه بفرشاة أسنان ناعمة علشان يلمع وبعد كده اشطفيه بالمية الدافية.

فيه طريقة تانية علشان تلمعي الذهب بتاعك وهي إنك تدعيكه بلبانة الخبز "قلب العيش الفينو أو البلدي" وبعد كده تدعكيه بفرشاة أسنان ناعمة وبعد كده تشطفيه بالمية الدافية.

لا لمساحيق التنظيف في تنظيف الذهب

وإوعي تسمعي كلام حد يقولك إنك ممكن تنظيفه بأي مسحوق من مساحيق التنظيف الموجودة عندك في المنزل؛ لأنها مضرة جدا للذهب وده لأنها بتكون طبقة عاملة زي الغشاوة على الذهب بتقلل من بريق ولمعان الذهب ده غير إن المساحيق دي بيكون فيها مواد كيمائية بتتفاعل مع الذهب وممكن أنها تقلل من عدد الجرامات اللي فيه، وبالتالي لما تيجي تبيعيه تلاقي إن عدد الجرامات اللي فيه قلّت.

لكل قطعة ذهب علبة

نوع خاص جدا علشان تحتفظ بلمعانها وجمالها لأطول فترة ممكنة

يا ريت تشيلي كل قطعة من الذهب اللي عندك في علبة وبلاش تحطيهم كلهم في علبة واحدة وده علشان مفيش واحدة تتجرح من التانية وبالتالي تلاقي إن كل مجوهراتك بقت زي ما تكون قديمة.

ولو ماعندكيش علب كتير يبقى ممكن إنك تشتري أكياس قطيفة وتحطي فيها الذهب بتاعك.

للمعان الفضة الليمون ومية سلق البطاطا

وكل ما تلبسيها تبان كأنها جديدة وكأنك لسه جايبها…. الذهب

زي ما فيه ناس بتحب الذهب فيه ناس تانية بتحب الإكسسوارات الفضة بس للأسف ساعات كتير الفضة من كترة اللبس لونها بيروح وبيبقى شكلها زي ما يكون قديم…

وأحسن علاج للمشكلة دي هو أنك تحطي الخواتم والأساور المصنوعة من الفضة في إناء فيه مية سخنة وعصير ليمون وتدعيكها بقطعة من الشمواه.

أو ممكن أنك تستفيدي من مية سلق البطاطا، وذلك بغمس قطعة قماش فيها ثم دعك الفضة بها..

ومقوي الأظافر كمان مفيد

أولا لأنه الأغلى أول نوع من الإكسسوارات هنتكلم عليه النهارده

فيه نوع تاني من الإكسسوارات بتتباع في المولات وعادة الإكسسوارات دي بيكون تمنها رخيص بس شكلها بيكون شيك جدا، وفيه ناس بتحب تلبسها على سبيل التغيير بس للأسف بعد لبس الإكسسوارات دي مرة على الأقل بتلاقي إن لونها راح…

وعلشان تحافظي عليها لأطول فترة ممكنة يبقى يا ريت أول ما تشتريها تدهنيها بمقوي الأظافر لأنه بيعمل طبقة عازلة بتساعد على الحفاظ عليها لأطول وقت ممكن.

الساعة لو مش هتلبسيها يبقى شيليها

هو الذهب وللأسف بالرغم من إن الذهب تمنه غالي جدا

بالنسبة للساعات وخصوصا الأنواع الغالية منها بفضل دايما إنك لو مش هتلبسيها يبقى تشيليها في العلبة بتاعتها.

وبالنسبة للتنظيف بافضل دايما أنك تنظفي الأسورة منفصلة بعد فكّها من الساعة وأنك ماتحاوليش تنظيفيها بنفسك حتى لو كانت من النوعيات المقاومة للماء….

لا للعطور على الإكسسوارات

إلا إننا ممكن بعد فترة نلاقيه فقد الكثير من لمعانه

لو كنت فعلا عايزة تحافظي على لمعان الإكسسوارات لأطول فترة ممكنة يبقى يا ريت إنك ما تجيبيش عليها أي عطور أو أي نوع من أنواع الاسبراي…

لا للإكسسوارات على الشاطئ

ولونه بيكون مطفي زي ما يكون قديم على الرغم من

بلاش تلبسي الإكسسوارات الغالية وإنت على الشاطئ لأن التعرض للماء المالح والرمل يؤدي إلى تآكلها وتجريحها وكمان ممكن أنها تقع ويبقى من الصعب إنك تلاقيها.

نظارة الشمس حمايتها في جرابها

إنه لسه جديد… فرشاة الأسنان للحصول على اللمعان المطلوب وعلشان

طبعا الحفاظ على نظارة الشمس دي مشكلة كبيرة لأنها بتكون غالية وكلنا بنكون حريصين إننا نحافظ عليها من أي خدوش.

وعلشان كده يبقى لازم لو مش هتلبسيها يبقى تحطيها في الجراب المخصص لها، وبلاش تحطيها علي شعرك أو على هدومك؛ لأن ده ممكن يعرضها للخدش، ودايما قبل ما تلبسيها وبعد ما تقلعيها تمسحيها بالمناديل المخصصة ليها وبلاش تستخدمي المناديل الورقية في تنظيفها؛ لأنها بتكون خشنة عليها.