السلام عليكم عزيزاتي الطيبات
انا تزوجت منذ 4شهور والآن حامل ب3 شهور ولله الحمد
وقبل اسبوع تعبت وسويت عملية الزايده وكان عندي صديد وكانو يقولو احتمال كبيرالجنين يتضرر وافقده وكنت حزينه وابكي ولما تمت العمليه عرفت ان الجنين سليم وحي وكنت فرحانه كثير لدرجة اني نسيت آلام العمليه
وضليت خمس ايام بالمستشفى على مضادات حيويه سايله اخذها عن طريق الوريد ولما كتبلي الدكتور على خروج وصفلي على مضاد حيوي عن طريق الفم اسمه كلافكوس
وانا ملزومه اشربه لمدة سبع ايام وقريت بالورقه انه لاينصح تناوله للحامل
وانا الحين خايفه جنيني يتشوه او يموت والله اني حزينه وتعبانه
تعرفون وحده سوت عمليه وهي حامل وتناولت المضاد وماتاثر جنينها
ارجوكم علموني
حمدلله على السلامة غاليتي
وعلى هذا الموضوع ماعندي خلفيه ..
ارجعي لنفس الدكتور وسأليه أو اتصلي عليه وهو راح يفيدك أكثر منّا ..
لأن حالتك مو مثل حالت غيرك ..
وربي يسهل لك الحمل والولاده ..وتشوفيه بين يدينك ..
ولله مادري بس حبيت امر وادعي لك
الله يرزقك بالذريه الصالحه ويشفيك
ويرزقك بجنين معافى ان شاءالله
والله يسهل عليك ولادتك ان شاءالله
الله يحفظلك الجنين يارررب بس انا اقول روحي للدكتور واساليه عنهم وانا اذكر يوم كنت حامل صار معي الاتهابات وصديد بالبول الله يعزك وصرفلي الدكتور مضاد خفيف يقول بس للحوامل واكلته والحمد لله ماضر الجنين
الله يوفقك ويشافيك ياررررب
الحمد لله على سلامتك ..
بس دائما قولي (اللهم اني استودعتك جنيني , اللهم اجعله سليما معافا) و روحي لاستشارية نساء وتوليد واشرحي لهم حالتك
وان شاء الله ما عندك الا العافية
شوفى حبيبتى اولا توكلى على الله
ثانيا لاتشغلى بالك كثير واستودعيه الله كل يوم
واذا ربى كاتب انه يجيه شى لا اعتراض على حكمه
باحكيلك قصتى كنت اعانى من المراره كل يوم وانا فى مستشفى
كل يوم حبوب شكل تخيلى لمده 7سنوات واخيرا قرر الدكتور عمليه استئصال المراره
وافقت على طول طبعا قبل العمليه بسااعه الدكتور شاف الملف قال مافيه تحليل حمل
قمت انا قلت جتنى الدوره الشهريه قال خلاص على غرفه العملياات
وبعد العمليه تعبت تعب وهم مضااااااادات وحبوب وطبعا العمليه منظار مافيه مكان فى بطنى الا وفيه فتحه
وخرجت من المستشفى وتعبت ورجعت للمستشفى قال تحاليل واشعه سويت التحليل ورحت اسوى اشعه قالتلى لالالالالالالامافيه اشعه التحليل فيه حمل وكنت بسقط بس اخر شى اتوقعته انه بيعيش والحمد لله طلع بصحه وجمال ماشاء الله والحمد لله الحين يدرس بالصف الاول توكلى على الله حبيبتى ولا تفكرى كثير
تسلمون على الدعاوي الطيبه الله يسمع منكم
انا سألت الدكتور بس ماحسيت ان رده يريحني
رد الاخت احلى دنياي اولادي طمني كثير مشكوره
توكلت على والله يصبرني ست شهور اشوف مولودي بصحه زينه
والله لايوريكم اي مكروه
تذكروني؟
خسرت الجنين ..
ودخلت بمشكله ثانيه
مدري اكتبه هنا ولا بموضوع جديد