بسم الله ،،
صباح/مساء الخير عليكم ،،
مين غير مقدمات ومن غير ما انطول عليكم ،،
انا مشكلتى هيا عملى وأطفالى ، أنا امرأة عاملة من 6
سنوات وزوجي من نفس مكان العمل
بعد سنتين حملت وجبت بنتي وطبعاَ عارفين بعدها إجازة وضع
واخذت إجازة بدون مرتب 3 اشهر وتم عدت للعمل
فى هذا الوقت كانت ام زوجي هى المسئولة على بنتي فى
غيابى+ اخواته لين صار عمرها سنتين ومعها اشهر
وبعدها حملت بولدي وإجازة وضع + 6 أشهر بدون راتب
و الإجازة تنتهى اخر الشهر هاذا وساعت دوامي 5 ساعات
دائما افكر انقول انهم غير مسشولين بيا وبى اطفال وبــــ عملى
يعنى ما نبيش انتعبهم او نضايقهم مع انهم اهتموا ببنتي
الفترة اللى قبل ما اولد بولدي بصدر رحب .
اقترحت على زوجي اننا نحطو بنتي فى روضة
المشكلة هي ان ولدى مش زي ما كانت بنتى هادية ،
متعلق فيا وفى ابوه وانا منبيش انتقل على ام زوجي واخواته
زوجي قالى عادى الولد يتعود وانا متلخبطة
مش عارفة كيف نتصرف مع الموضوع ؟
بينى وبين نفسي نفكر انحط ولدى فى حضانة مع انه
مستحييييييييييل زوجي يقبل لأنه عمره 8 شهور 
ساعدووووووونى كيف نتصرف اللى عنده فكرة
او اقتراح او تجربة يفيدنى طلبتكم ما تخيبوش ظنى فيكم .
وأخيراً من فرج عن اخيه المسلم كربة فرج الله بها
كربة من كرب يوم القيامة .
في أمــــــــــــــــــ الله ـــــــــــــــــــــــان ….
حبيبتى ربنا يحفظهم ليك يارب
والله انا شايفة ان مادامو اهل زوجك مش مضايقين وهيراعوة كويس يبقى لية تفكرى فى حضانة
وجربى حبيبتى مش هتخسرى حاجة ولو اتضايقو منة وقتها تفكرى فى بديل لهم .وبالنسبة لابنك اكيد فى الاول
هيتعبك وهيتعبهم انما بعدها هيتعود عليهم وعلى انة يكون فى وسطهم خصوصا انة لسة صغير يعنى سهل يشغلوة بحاجة دة رايى وممكن الاخوات يفيدوكى اكتر
ربنا يوفقك ان شاء الله
لاكن انى نوعيتى انفكر دائما فى الاخرين قبل نفسى حتى وان كانو راضين والله انى مش مستريحة دائما انقول ليش انتعبهم معاي
جازاك الله كل خير اختى
اختى والله انا كمان زيك كدة ومش بحب ان انا اتعب حد حتى لو كان هو راضى بكدة
بس انتى مضطرة وهم بالتاكيد امناء على ابنك
ولو انتى مضايقة من كدة ممكن تشوفى بيبى سيتر( جليسة اطفال )تكون قريبة منك
وتكون كويسة وبكدة هترتاح نفسيتك وتطمنى على ابنك معاها اكتر من الروضات
بالتوفيق
شكراااااااا ليك ياحنين تسلمي على اراءك وحلولك هذا من لطفك حبيبتى