اصحوا ياحبايبي من الوهم اللي عايشين فيه

السلااااااااااااااااااام ياحبيباتي
اليوم انا جايه وبقول لكم الصراحه والحقيقه العمياء الي كلكم مغمضين عينكم عليها

هالقسم اكثر قسم زحمه وليش ؟ لان ببساطه اكثر العضوات سماااااااااااااااااااان

ايه دببه ولا تطالعوني بنص عين <<<<<<<مصدقه ان جالسين سوا خخخخخ

والله انى احبكم بس انقهر لما اشوف الوحده تستهبل صراحه ليش تدورون وتتعبون نفسكم في قراءه المواضيع
الحل سهل جدا وهو خففي اكلك وسوي رياضه ولا تقولون مافي وقت مافي اي عذر والله انكم كذابين تهربون كالعاده من الحقيقه
كل الرجال يحبون الرشاقه والي زوجها يقولها غير كذا فهووووووو كذاااااااااااااااااااب
لاني نفس الشي كنت دبا بعد ولادتي بولدي الكبير وكان زوجي لما يشوفني امشي ولا مااكل يقول ليش عادي مو لهالدرجه جسمك حلو وووو من هالكلام وكان وزني 77 وبعدين نحف ورجعت وزني الاصلي 55 والله يابنات بعدها بفترة قالي جسمك يجنن صراحه كنتي دبه وجسمك مو حلو بس مابغيت اجرحك
هاااااااااااااااااااااااه وشرايكم بهالكلام ؟؟؟؟؟؟؟؟؟؟؟ جزاه الله خير الي محافظ على مشاعري لكن بعض الرجاجيل في وجه الوحده انحفي تراك دبه والاخت عديمه الاحساس مستمرة على البلع والاكل
طيب ليه وش تستنين ؟؟؟؟والله ان الدببه يفوتهم اشياء كثيرة في حياتهم
الملابس الكشخه اللعب الحركه الخفيفه المدح من زوجك ومن الي حوالينك والله حتى عيال الوحده يتريقون عليها يقولون ليه ياماما انتى دبه؟؟؟؟؟؟؟؟ اذا كل هذا وماهز فيك ذره من الاحساس فاسمحيلي اقوووووووووووول استمري على ماانتي عليه وخليك على كرشتك وثقلك وملابسك الاكس اكس اكس لارج وعرقك الي يصبصب كل ماتحركتي اي حركه والله يعينك على نفسك
يابنات ترى الحلويات مابتطير والمطاعم مابتقفل والله اصلا كل مالها تزيد من كسل الحريم
كله مطاعم مطاعم ماتملون ؟؟؟؟؟ اصبري وكافحي وراح تتفاجئين بالاحساس الي بتحسينه والله احساس عظيم مافي زيه في الدنيا كلها ونظرات الاعجاب وين ماتروحين كلها عليك وعلى كشختك ولبسك وطبعا الاهم من هذا كله صحتك والله تقدرين تلعبين مع عيالك وناسه يابنات والله اقول هالكلام لاني مجربه مو كذا جايه اتفلسف وبس
مافي اي عذر مااصدق اي وحده تتعذر هاذي ماتبي تنحف ولا هي ناويه والله يابنات ان ماعندي جهاز مشي وشقتي صغيرة وماعندي حوش ولا سطوح ومع كذا امشي في شقتي ادور رغم صغرها بس اقول في نفسي اهم شي اني امشي وبس
ولاتقولون فاضيه ؟؟ تراني متزوجه وعندي اطفال ولو ابي الاقي عذر عندي مليووووون عذر وعذر لكن ماابغى اضحك على نفسي واخرتها انا الي بتحسف محد ماكلها غيري
والله الرشاقه تصغر من عمركم كثيييييييييييييييييييير ماتتخيلون اخت زوجي ماشاءالله ولا قوة الا بالله عمرها فوق الاربعين والله ماتعطينها اكثر من 30 من جسمها يهبل ماشاءالله ان شاءالله انى مااضرها وتقعد وسط جاراتها وهم مثل عمرها بس والله كنها بنتهم من الفررررررررررق الشاسع لانهم وبكل بساطه دببه
والله الحريم يضحكون على نفسهم يبلعون ويقولون من الحبوب ولا من اللولب ولا من نفسيتي ياااي وش هالدلع؟
اسالي اي دكتورة في العالم بتقول لك اي مانع ماله دخل بالوزن بس تحبون تتوهمون عشان تستمرون في بلعكم
والله زوجه اخوي لها فترة كل مالها تزيد وكلنا مستغربين متعودين عليها نحيفه وهي على بالها من اللولب وحتى هي تفاجأت وكانت سااااااااااااكته ومرة قالت لي صراحه كنت اكل كل يوم صحن بطاطس مقلي قبل النوم !!!!!!!!!!!!!!
قلت قولي كذا قال ايش قال لولب ولا حبوب كلها اوهااااااااااام في اوهاااااااااااااام
وفي حريم برضو يتوهمون بالغده الدرقيه تقول انا عندي الغده وجالسه تبلع طيب روحي حللي وشوفي اذا عندك تعالجي واستمري مو عذرررر وبعضهم يمكن عندي الغده لاحللت ولا شي جالسه مستانسه مع صحونها حوالينها فاضيه

الحين بعطيكم نصائح للتخفيف <<<<<< ابي اسكتكم شكلكم بتقومون علي
اول شي لا تاكلين الا اذا حسيتي بجوع وشو له البلع على غير سنع وفي كل وقت
ثانيا وانتى تطبخين والله نص الاكل تذوقينه خخخخخخخخخ احسن حل حطي علكه في فمك عشان تشتغلين فيها
لما تنقلين الكبسات والحركاااااات اول شي ابدئي بصحن السلطه كلي نصه وحاولي تخلصينه وراح يسد نفسك كثيييير وخليها عاده يوميا السلطه في سفرتك وشكلي طبعا مو كل يوم نفس السلطه عشان لا تملين
ثالثا لا تشترين حلويات وكيكات ومغريات لاتطب بيتك نهائي على الاقل الين تتعلمين كيف تتحكمين في ايدك شوي
رابعا المطاعم ابعدي عنها فترة ولا تقولين اطلب سلطه لا قومي الله لا يهينك هزي جسمك وسويلك انتى في البيت
خامسا اهم شي توزنين نفسك كل اسبوع او 10 ايام عشان اي زياده تلقطينها ماتخلينها ابد
سادسا خلى عنك الريجيمات ريجيم مدري وشو تخفيف وبس واكثر الي نحفوا والله ماسووا ريجيمات كلها تخفيف
سابعا لا تعتبرين هذا التخفيف ريجيم حاد ومرهق بل خذيه على انه تغيير لعادات غذائيه غلط ولازم تتصلح قبل فوات الاوان
وترى طبيعي في فتره من الفترات يثبت الوزن حتى مع الريجيم بس ترى يرجع ينحف ولا تقولين ثبت وزني خلاص باكل
الله يهدي كل وحده ويعطيها القوة والاراده الي تخليها تنحف وتصير مثل اعلى للرشاقه