السلام عليكم جميعا
باختصار ارجوكم ساعدوني لحل هذي المشكلة
اخوي الصغير قبل تقريبا نوينا نزوجة وهو موافق
المهم عرضنا عليه بنت حلال
وقالنا موافق
وقال اهم شيء تكون بهذي المواصفات
قلتاله ان شاء الله
المهم اتصلنا وخطبنا البنية واهلها بعد فترة وافقوا
بعد كم شهر اتزوج اخوي البنت
المهم طلعت البنت بعد الزواج ماهي بنفس المواصفات اللي يبيها
وبصراحه انا خنته وقلتله البنت بنفس المواصفات اللي تبيها وهي ماهي بنفس اللي يبيه
والله ان اخوي في مشاكل كثيرة معها وغير مهتمة ببيتها وزينتها ولبسها
المهم دائما اخوي يقلي اني ضحكت علية وماني بصاحبة امانة واني غشيته
ارجوكم ايش الحل والتفاعل
وشكرا
وعليكم السلام
عزيزتي
اللي فهمته من كلامج
ان انتي من قبل لا يتزوجها و انتي عارفه ان مو ع المواصفات اللي يبيها ,, صح؟؟؟
هذا غلط راح و انتهى و مانتاقش بالماضي
جان بتكسبين اجر فيهم و تكفرين عن غلطتج
امسكي حرمة اخوج و علميها شلون تهتم بنفسها
و قولي لها ان شباب هالايام يعرف السنع و اللبس من التلفزيون و هالبنات اللي فيه
لا تخلين عينه تزوغ بره
خرعيها من هالناحيه
و حوالي تنصحينها تغير من شكلها بين فتره و الثانيه
و انصحيها ان تسنع بيتها و تقوم بواجها و قولي لها ايات و احاديث عن الرسول عليه الصلاة و السلام
ان الزوجه لازم تكون مطيعه لزوجها
و ان لا زم رضاه عليها
و انصحيها و انا اختج
عديها اخت لج و قولي لها
ما يصير جذي لا تخربين بيتج بإهمالج
موفقه يا الغاليه :):)
اختج ام فطوم من من الكويت
السلام عليكم
رأي من رأي أختي أم فطوم
تحياتي
لولا الامل
من راي اختي فاطمة كلميها وقنعيها ان تحافظ على زوجها ترا البنات وش كثرهم
اشكركم جميعا على الرد
لكن المشكلة في علاقتي مع اخوي انها بتخرب معاي دائما
والادهى انه زوجتة تنصحينها اليوم بعد شوي تنسى
ودمتم بخير
راى فطومة هو الصح تقبلي مروري وكل سنة وانتي طيبة
كان المفروض انج تصارحينه من البدايه لان فعلا انتى اخفيتى عنه اشياء يمكن
كان من المهم انه يعرفها وهاذى صارت النتيجه الحين مافى غير انكم تتكلمون
مع البنت وتفهمونها بطريقة سلسله وبدون تجريح انها لازم تغير من طباعها اذا
كانت باقيه على حياتها . الزوجيه وعلى زوجها … لازم تخلى زوجها يتعلق فيها
مو تنفره منها .. اذا ما حسيتوا بتجاوب منها ..كلموا اى احد من اهلها وله كلمه
عليها عشان يعقلها و تحاول انها تكسب زوجها مره ثانيه … ان شاءلله ان البنت
بتعقل وبتهتم فى نفسها وزوحها وربي يوفقهم ويسعدهم مع بعض .
شكرا لكم جميعا
لكن والله حاسه بالذنب