السلام عليكم ورحمة الله وبركاته
عزيزاتي عضوات المنتدى بداية اخبركم انا طالبه في السنه الثالثه من المرحله الجامعيه بقسم رائع ومطلوب ومعدل ممتاز
مشكلتي بدت معي من زمن ليس بقريب وياللأسف انهااااا دمرتني ودمرت شخصيتي ونفسيتي
كنت في المرحله المتوسطه ماشاءالله علي لسان اطول من بعض العجايز..صحيح مااغلط على احد بس ادافع عن نفسي بقوه ومااسمح لاحد يهينني لو مين مايكون >> شخصيه قويه ف الحق
دخلت الثانوي نوعا ما كنت اعقل بس محد يقدر يتجرأ علي..وصلت ثالث ثانوي ..حصت لي مشكله مع اختي الكبيره تافهه تصير بين اي اخوات مع العلم هي غلطانه..ابويه راعى اني توجيهي ف أنهى الموضوع بدون عقاب لأحد >> هالشي مايرضيها لازم انهان وانضرب مع انها هي غلطانه بس انا رديت لها الصاع صاعين
صرنا ماعد نتكلم مع بعض >>وهالشي من زمان مابيني وبينها سوالف بس هات وخذي لاكن كمان اختي اللي اصغر منها وقفت في صفها ماصارت تكلمني تخيلو..امي ششوي شوي تغيرت علي صارت قاسيه ومتعنده لي وهي من اول مافيها خير والله حسبي الله ونعم الوكيل
بس كان لي معلمه اكلمها بالجوال دائما كانت صديقتي واختي وامي وكل شي بالدنيا لي..لاكن برضه في فقد للام والاخوات من سوء المعامله
انا ماكأني موجوده بينهم.. يعني تخيلو يجيبون قهوه يتقهوون وانا موجوده محد يقولي تعالي.
يجون ناس يسولفون ويانا مايجيبون اسسسمي على لسانهم يحكونهم مواقف اكون انا موجوده فيها بس مايقولون فلانه معنا ولا كذا
طبعا اي شغل بالبيت لازم انا اشارك فيه بصياح وتهزيئ وتجريح حتى قدام الناس تخيلو يسفهوني ويحرجوني انا اتصرف تصرف سليم اقول كلام عادي لييش تسفيهي بهالطريقه
تخرجت من الثانوي ودخلت الجامعه تخيلو والله العظيم ماوحده فيهم قالت لي مبروك ولا سألت عني
ف الجامعه البنات اجناس وانا صرت اشوف كيف يوم عن يوم شخصيتي لللأسوأ ..كل يوم تضعف اكثررر..اخاف اتعرف عالبنات مع اني جميله جدا جدا جدا بشهادة الجميع..وشكلي وذوقي وملابسي والله من اغلى واثمن الاشياء..الجميع يشهد لي بالذوق والجمال بس مدري ليه ماعندي ثقه في نفسي
احس بفقد الاهتمام والحب..انا لما اشوف اي دكتوره عطتني نظرة اعجاب او لفت انتباه اجلس ايام واسابيع افكر فيها..مالي علاقات حب مع البنات بس مع الدكتورات يحبوني حييييييييل وانا مدري ايه احس اني ألقى اللي فاقدته عندهم
امي متدري عني اطلع الصبح وارجع العصر ولا تسألني كيف يومك يابنتي
اختباراتيي كلها عصريات حريم بيتنا مايفضى وخواتي عناد فيني يختارون هالاوقات
محد يسأل عني ولا يهتم امي ماكأنها أم اجي من الجامعه هلكانه تعب وجوع وهي على طول تخاصصمني يافلانه قومي رتبي ونظفي قبل يجي العشاء وتنامين مااخذتي شغلك
حتى بالاكل ماتسوي لنفسها انا اقوم اسويلها>>ادري مافيها شي بس هي بعدها شباب لما اكون تعبانه ومداومه لاتجهزلي اكل بس أقلها تاخذ قهوتها هي وبناتها
مره مره احس بالتعب والفقد >>الآن انا في فترة تدريب عملي للجامعه طبعا كلهم موظفات وحريم يوم اسمعهم يتكلمون عن بناتهم وكيف علاقتهم فيهم بسطه واهتمام وكيف دايم يمدحوني ويحبوني وكيف امي تتكبر علي ولا تتنازل تطالع فيني بعين الأم
شخصيتي ضعيفه احد يضايقني مقدر ارد بالعكس ملامح وجهي كلها تنقلب ويصير وجهي احمر وشفايفي ترتجف بس لو احد قالي كلمه اهانه لي..معرف ادافع عن نفسي وربي بلاني بصديقه غيوره شغلها الشاغل تنتقصني وتنتقص قبيلتي وانا احاول ارد اتكلم بس معرف اسكتها وجهي وحالتي تنقلب واوصل البيت ابكي والله
حسبي الله على كل ام ماتخاف الله في بناتها ولا تؤدي واجبها كـ أم
بسم الله الرحمن الرحيم
حبيبت قلبي راح الكثيررر ومابقى غير القليل .. شدي حيلك واتركي كل المشاكل على جنب لانها لن تزيد الطين الا بله ..
فنجاحك هو وسيلتك للخروج من جو الهم هذا ..تتخرجين وتتوضفين وتقل اوقات تواجدك معهم
امك ثم امك ثم امك .. فقط لاجل ان الله يرزقك ويسهل امورك .. ولتشعرين بالرضاء انك لم تقصري معها ابد ..
الله يوفقك في دراستك ويثبتك على حبه وطاعته وعلى نجاحك الدائم ..انا لو في مكانك ستكون نفسيتي فوق السحاب ولله الحمد والمنه لاحول ولاقوه الا بالله …
قوي من نفسك ولايهمك احد ماقهووك قومي وخوذي كاسه مو فنجال كاسه وصبي لنفسك قهوه
تصرفات تافه لاتشغل قلبك وعقلك ..تتوظفين وتصرفين على نفسك وتدلعينها بعد وبتقومين بامك وتحطك على راسها وتنقلب الموازين لصالحك ..
|
المشاركة الأصلية كتبت بواسطة شماليه كفو
 بسم الله الرحمن الرحيم
حبيبت قلبي راح الكثيررر ومابقى غير القليل .. شدي حيلك واتركي كل المشاكل على جنب لانها لن تزيد الطين الا بله .. |
[size="7"]فعلا كفو هذا الكلام الصحيح
وما عندي اي اضافيه
سوى الدعاء لك
الله يوفقك يا رب ويصلح حال امك واخواتك
استغفر الله العظيم يا اختي مافي بنت او ولد يقولو في والدتهم حسبي الله ونعم الوكيل حراام والله سبحانه وتعالى امر بطاعة الوالدين وخصوصا الام مهما كآآن هذي والدتك وواجب عليك تطيعينها وتحبينها مهمآ فعلت فقط "" في غير معصية الخآآلق .
وترى مشكلتك موجوده بأغلب الاسر في مثلك يعني دأئمأ اتوقع في الاسره يكون في شخص هو المظلوم او المهمش والي كلهم ضده اتوقع كذا يعني انتي اهم شيء دراستك ووطآآآآآعتك لأمك مهما كان صدقيني في نآس تتمنى انه عندها ام مهما كان تعاملها اهم شيء انه فيه ام موجوده بالأسره ولها نفس .
الله يالف بين قلوبكم ياااارب ولاتنسي الدعاء والاستغفار
ي عزيزتي
تحملني
الي بأهلك ترااااااااااااااااكمات سنين وسنين
انتي تقولين لساني طويل وزي العجايز
قد ايش شالت النفوس منك
وان الاوان انها تطفح
مااتحدت العايله ضدك الا لان الجرح واحد
محد منهم قدر يدافع عنك لانك مسوده القراطيس مع الكل
يعني كلامك عن اهلك صعب شوي
ماذكرتيهم بأي حسنه ولا طريتي لهم جميله
وهالجحود موب طيب
اصبري علي …. ممكن الى هنا دمك فار شوي ……… صح ؟
ي عزيزتي
الي يسونه اهلك عتب فعلي … عقاب حتى تتعدلين
الي اشوفه فيك الغطرسه
هوني شوي
اهلك لوهم مثل ماوصفتيهم
ماكان انتي جميله جدا جدا جدا وانيقه ولبسك بمستوى
كل هذا خير اهلك
ي حبيبتي الاضطهاد يذوي بالجمال ويذهبه
شوفي البوسنيات كيف ؟؟؟ هذا مجرد مثل
الجمال اطلال بوجيهن مع انهن ملكات للجمال من المأسي
اهلك لو مثل ماتوصفين ضيقوا عيشك وماقدرتي تلبسين زي ماتبين ووووو
كد قيل احذر لسانك لايلدغنك انه ثعبان
وجرح اللسان انكى من جرح السنان
هذي مقدمه وتحليل فقط
ي حبيبتي الان اشيري باصبع الاتهام لاي احد
للشاشه قدامك اش حصل ؟
اصبع واحد يشير للشاشه وثلاثه تشير عليك
صح ؟؟
اذن ي عزيزتي الحل
عالجي اخطائك
ولايعترف بالخطأ الا القوي بالحق (مثل وصفتي نفسك)
اشتري هدايا لطيفه لامك ولاخواتك
واعتذري لهم عن اخطائك
وانها صدرت منك من جهاله وصغر سن
ولو بخواطرهم شي يسامحونك وافتحوا صفحه جديده
كلها محبة وسماحه واحترام
وترى الدم حنيّن
كتابتك للمشكله دليل وعي واحساس ورغبة بالتغيير
انا منيب مع اي شخص يفقد ثقته بنفسه او تهتز شخصيته بسبب تصرفات الغير
او ردود افعال الغير
الانسان يكون على حق ويثبت ويتوازن
بس اهم شي يكون على (حق) ومايتعدى على احد لابلفظ ولا بفعل جارح
ويمضي بحياته لا ضار ولا مضرور
روحي ارمي نفسك بحضن امك وقولي الله لايحرمني من هالحضن وراعيته
وشوفي سيل الحنان الجارف الي يجيك
حاولي تبنين علاقات حلوة مع اخواتك والمجال واسع بحكم التقارب
وخلك ابنه واخت ودوده حبيبه فيما بعد
بس اجلي وازيلي تراكمات السنين عن الخواطر بالاول
اسفه لكل كلمة ممكن تكون قاسيه
بس الله يعلم وش هدفي منها
اسأل الله لك الحياة الاسريه الهاديه المريحه
ولاتنسين الانسان ضعيف بنفسه قوي باخوانه
الله يجمعكم بالالفه والرحمه ويألف بين قلوبكم
ياساتر انت كلك مشاكل الله يفرجها عليك يارب