السلام عليكم ورحمة الله وبركاته
صبايا
سيدات
ابي منكن خدمة تكفون للي تعرف
ابي اقدم على ماجستير عن بعد اللي هو التعليم عن بعد بس مو عارفة اشلون
اللي تعرف الطريقة والجامعة اللي فاتحة مجال لهالشي ياليت تفيديني وتعلمني اشلون وكم رسومهم
الجامعات طبعا جامعات السعودية والجامعة العربية المفتوحة اللي بالبحرين والكويت والدمام . ابي اعرف وش شروطهم وكم رسومهم ومتى التسجيل واشلون وكيف وليش والخ هههههههههههههههههههه
انتظركم لا تطنشوني
اختي الغاليه انا نفس مشكلتك بس انا مو ظروري تكون دراستي عن بعد مستعده اسافر ومع ذلك مافيه جامعه
انا حابه اكمل الماجستير ونسبتي 72 % واغلب الجامعات شرطهم جيد جدا والموازي جيد مرتفع والرسوم مرتفعه جدا ويشترطون اختبار قدرات وبعضهم توفل عقدووووووووووووني المشكله بالنسبه اللي مافيه جامعه بالسعوديه تقبلها كم نسبتك (ملقوفه)
افتحي موقع جامعة الملك سعود وجامعة الامام اتوقع التسجيل للموازي للحين ماانتهى اتاكدي
انا سمعت بجامعة مكه المفتوحه بس ماعندي معلومات كافيه عنها
اتمنى الاخوات يفيدونك ويفيدوني لان كنت بنزل نفس موضوعك اسال عن الماجستير
وشكرررررررررررررررررررررررا
انا شفت بجامعة المدينة العالمية بس ماش الشهادة معتمدة من وزارة التعليم العالي الماليزي حسيتني اجنبية خخخخخخخخخخخخخخخخ هذا غير دفع الرسوم بالدولار او بالعملة الماليزية مدري وش يحسون فيه
انا ماعندي مشكلة اختبر توفل توفي حلا اي شي المهم اني اسجل في التعليم عن بعد لاني ما اقدر اسافر وهيك ضروف زوجي بالعمل ما تعطيه فرصة يسافر على كيفة بحكم انه بالقطاع العسكري
ابشوف الجهات اللي ذكرتيها وبشوف الجامعة العربية المفتوحة انا اهم شي عندي هل هي معتمدة من التعليم العالي عندنا او لا ومن ناحية شروطهم هي تعجيزية تعجيزية الله المستعان انا قلت في نفسي ان ما حصلت هنا ابتجه للاردن
نسبتي 74
اختي الغاليه جامعة المدينه العالميه اتصلت عالرقم اللي بموقع الجامعه طلع خطاء اذا عندك رقم للجامعه ياليت تحطينه لاني بتصل عليهم
انا ادور بسجل ماستر بس مابقى غير الجامعه اللي قلتي عنها
وانا اذا الجامعه هذي ماظبطت معي ناويه على الاردن انشاء الله
والتوفل انا اختبرته بالاردن ورسبت صعب جدا والرسوب فيه كثير
خطط في ماء واقبص في حيد