السلام عليكم بنات مدري عاد موضوع يكون هنا بمحله او لا
لان مالقيت مكانة اكتب فيه قلت بحطه هنا امـــــــــــــــــــــــــــــانة تكفووون اقروه مشكلتي
مشكلتي يابنات لي شهر متزاعله مع امي مانكلم بعض بسبب فلوووس
بنات انا ماابي امدح نفسي اعطيت امي كل شي وبالااخير تحلف انها ماشافت منى شي
طبعا مخطوبه انا وجاء المهر واعطيت امي 10 الالف لها من المهر وبعدها صار المهر عند امي وكل شوي تسحب منه وانا ساكته قلت مو مشكله عادي وجاني بعده حافز طلبت منه امي 500 ريال واعطيتها بعدها قالت ابي 1000 وصرت كل شهر اعطيها 1000 من حافز والالف الثاني اعطي اخواني واجهز ملابس
وكانت تقولي خليها عندي وبوكره اذا جاء زواجك باذن الله بعطيك اذا احتجتي وقت الزفهوالمشغل المهم هذا كلامها
احس طولت عليكم
والحين باقي 15 يوم على زواجي واقولها يمه اعطيني من فلوووسي عشان ارتب موضوع الزفه ومحتاجه اغراض حقت اول يوم تقول ماعندي لك فلوس روحي بلطي بحر وانا ماشفت منك فلوووس وانا دفعت من عندي عشانك وانا حطيت عليك فلووووس واشتريتي اغراضك اللي هو التجهيز اقولها يمه هذا من مهري بلفوووسي تسكت ماعندها رد وتدعي علي
من جد مقهوووره وربي بطق من الحره وربي يابنات اكتب ودموعي على خدي وصلت لدرجه قمت اتسلف الاف او الفين من اختى عشان حق التسريحه والمكياج والتصوير ومن اخوى حق الفستان وترجع تقول امي اتصلي على زوجك يعطيك حق المكياج والتسريحه
ابيكم تقلون لي انا على حق او غلط امانة بذمتك جابوووني بمموت
الله يتمم لك على خير وان شاءالله تفرحين امك بعيالك قولي امييييين
يا اختي حق الوالدين علينا كبير ومهما نعمل ونعطي نبقى مقصرين
لا تتهاوشين مع امك وانت في اوقات تحتاجينها تدعيلك اكسبيها وخليها تدعيلك
والله يا اختي كل شي مقدور عليه والحمدالله اخوانك سلفوك وان شاءالله الله يعوضك خير بزوجك وتسددين دينك وتعيشين معاه احلا ايام حياتك
كبري مخك وانا اختك ترا الشياب يبون قلب مايتعب ولا تنسين جنتك تحت ارجولها
الله يوفقك يارب ويتمملك على خير
افرحي تراها ايام ماتنعاد هالايام اللي انتي فيها وكثر ماتقدرين طنشي
الله يسعدك
- الله يوفقك بزواجك ويهدى أمك
لا تزعلي روحك ياقلبي تظلها امك المهم دبري روحك حتى لو تسلفتي ورجعيهم بالراحات من يجي معك المبلغ ومن دام فلوس يهون ورغم انها زعلتك فلازم تراضينها لان غضب الوالدين كبير
لا يهم المال استلفي ان امكن حتى تتمي اغراضك.و الله يعوّضك..اكيد امك ما تكرهي لكن ربما ضغوط الحياة هي التي تجعلها تتصرّف هكذا..
و كل يهون الا غضب الوالدين فهو يجرّ غضب الله..
ان شاء الله ربي يتمّم لك بخير و تنسين كل ما عانيته قبل الزواج..
شوفي الحديث المتداول انت ومالك لأبيك < تراه ضعيف
قال تعالى
(وَآتُوا النِّسَاءَ صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْساً فَكُلُوهُ هَنِيئاً مَّرِيئاً) 4 البقرة
وغلطتك تعطي امك مهرك المهر بيد البنت ولا في دليل ان الطاعة تحطي كل فلوسك عند أمك < واخرتها مقاطعة بينك وبينها
ادا قدرتي خديها بدون ماتدري
سويتي اللي عليكي واعطيتيها وجزائك عند الله كبير < وخربتي كل شي وضيعتي جزائك بمقاطعتك معاها
اعتذري منها وبوسي راسها انتي عارفة رضاها بالجنة والمرأة معروفة كفارة العشير
ادا كان زوجها تقوله مالقيت منك شي
مابالك بنتها؟
مجرد كلمة يمكن مش من قلبها
فوضي أمرك لله واحتسبي الأجر
ولاتتناقشي معاها عالفلوس خديها بطريقتك
والا اتفقي مع أخوك واختك يرجعوها لك
والله أعرف وحدة أمها رجعت كل ملابس دبشها واشترت دواليب مطبخ بالفلوس < مالقت الا مهر بنتها ؟؟؟
هي محتاجة المطبخ < بنتها مش محتاجة جهاز عروسة؟؟؟
تبغاها تروح بيت زوجها بدون شي علشان يذلها ويذلهم
وتانية عند باب القاعة وبنتها ماشية قالت مانتي طالعة لين زوجك يعطيني حق تربيتي لك
والله بنتها رمتها بكلمة < خلت بنتها تعقها بسبب طمعها.
مادري صراحة دي أمك أولا وأخيرا ماتقدري تنتقمي منها ولا تدعي عليها
ولاكن فوضي أمرك لله
كان تعطيها على قد حاجتها ماهو واجب عليكي كل فلوسك ترميها وانتي عارفة انك بترجعي تطلبيها
ترمي كل فلوسك لو كنتي أساسا ماتبغيها وتبغي رضاها < ويكون احسان منك مش واجب أو فرض.
ايش الفايدة لما ترجعي تتخاصمي معاها؟
خلاص اللي راح راح
مع كل سجدة قولي يارب لين قلب امي عليا واجعلها ترد لي فلوسي
واستودعي الله مالك اللي عند أمك < راح يرجع لك ادا أحسنتي الظن بالله وماعقيتي أمك علشان فلوس تتعوض.
الله يلين قلبها عليكي وترد لك مالك ويتمم لك على خير.
الله يهونها عليكي