السلام عليكم ورحمة الله وبركاتة
والله ياعزيزاتي ماكتبت مشكلتي الا بعد ماحرت فيها مشكلتي ومافيها هي زوجي الله يصبرني عليه تخيلو يابنات لي سنة ونص من تزوجته وطلع لي قرون من اسلوبه وتصرفاته الشينة مافي كلمة حرج واهانة الا سمعني اياها تخيلو اول ماتزوجته كل شوي يجيني يقول انتي معاك ريحة فم لا تحتمل انا انصدمت لان عمري ماحد قال لي هالشي وثانيا متأكدة من نظافة فمي وانظفه مرتين باليوم ورايحة لطبيب قبل الزواج عشان اسوي تبييض وهايجين واسناني ماشاء الله مافي منها . بعد كلامه قلت انا بنفسي يمكن معي ريحة وانا مااشمها وصرت انظف واتمضمض واكل علك واستخدم كل شي خيط مكشط غسول معجون تقريبا 6 مرات باليوم الين ماصار يطلع من فمي دم ورأيه على حاله ماتغير ان معي ريحة فم وبنفس القوة قلت له طيب خلنا نروح لطبيب قال لا ماله داعي !!!!! . المهم صرت اذا رحت لبيت اهلي اسأل اختي اقول لها تشمين معي ريحة شينه بفمي قالت لا وحلفتها على المصحف وحلفت وسألت صديقاتي وكلهم قالوا بالعكس والله عمرنا ماشمينا معك اي ريحة الا زينه . بعدها عرفت انه يكذب المهم صار يعايرني يقول ماتعرفين تلبسين ولاتهتمين بنفسك ولا عندك ذوق جتني صدمه اقوى واقوى مع ان كل اللي قاله كذاب والله اتروش يوميا واسرح شعري واحط مكياج واكشخ واذا من العمل الا انا وردة وسبحان الله كانه مايشوف ورأيه مستمر على اني مااعرف لا البس ولا احط عطر ولا روج . ويقول انتي وحدة مو نظيفة دايم البيت وسخ ومقرف وفيه ريحة مجاري (وانتم بكرامة) وهو كذاب بنص عيييييييينه ورب الكعبه انه يطلع من هنا انا اروح اكرف من هنا وبيتي يلق لق وريحته تجنن استخدم بخور وفواحات ومرشات اثاث وشموع بريحة يعني معقوولة مايشششششم!!!!!. والله ان شعري كان طوله اسفل ظهري اول ماتملكت عليه ولونه احمر طبيعي ويوم شافه بالملكه انهبل عليه يقول لاتقصينه ولاتغيرين لونه حتى خواته منهبلات عليه وبعد الزواج بشهرين صار شعري كخه وصار يسبه ورحت وقصيته وغيرت صبغته وزعلت علي امي بس وش اسوي عشان ارضيه وليته رضى الا كأني ماسويت شي راح يقول ياخساره الشعر الطويل والله حسيت انه مجنوووون كل شوي راي…!!!!!. وغير كذا اذا وداني لاهلي وجا ياخذني وركبت معه يقول اففف وش هالريحة كاانك طالعة من عطار عرفت انه يلمح لان امي تعالج وتستخدم اعشاب وكذا وهو كذاب اصلا امي اغراضها بغرفة مايجيها الا هي واذا صرنا عندها ماتستقبل ناس وبعدين صار يقول هالكلام بعد ماعرف والا قبل ماكان يقول .!!!!!!!!!!!!. والله يابنات ادري طولت عليكم بس من القهر اللي فييييييييينيييي 
ماادري وشلون اتعامل معه عجزت ارضيه وهو كل شوي طالع لي بطلعه والله احس بالسم يمشي في دمي من كثر السب والتجريح والاهانات والمعاير تكفوووون لاتنطشوني وردوا علي وش اسوي مع هالبني ادم اللي احرق دمي وانا في عز شبابي .
السلام عليكم
عزيزتي ،،باختصار شديد لكللللللللللل هالمشاكل
مع زوجك لديك حل واحد وبسيييييط ويتلخص في سؤال
واحد ومحدد
وهو تذهبين لزوجك وتضعين عينك في عينه وتسألينه بكل ثقه وثبات
ياابن الناس تريد نكمل حياتنا مع بعض بالمعروف والا نفسك طابت مني ؟
الكرامه كنز ثمين يملكه الانسان ولا يُعوض فقده كنوز الدنيا كلها ،، فأما ان تكون
العلاقه بين الزوجين بما يُرضي الله ويحفظ كل منهما كرامة الآخر وإما تسريحٌ باحسان
ان كان جواب زوجك انه يُريد ان يُكمل حياته معك بالمعروف ، فهذا حسن عندها اخبريه
اما ان يحفظ لسانه عن كل ما يُعيبك ويُهينك ويرضى بكِ كما انتِ او ان يجد مبررا آخر
لأسلوبه الفض معك فلا حياة للأنسان بلاكرامه ، ولكل انسان طاقه محدده على التحمل والصبر
وحياة الزوجين ليست عباره عن سباق وعلى احدهما الفوز فيها وليست ساحه للأنتقادات
وتوجيه الصفعات بالكلام الجارح لبعضهم البعض
بل هي حياة مليئه بالود والتفاهم والعشره الحسنه الطيبه ، حياة يجب ان تكون بصفاء السماء
لا يُشوبها كدر الحياة وبؤس المعشر ، والا كيف ستستمر طوال العمر وتسمى عشره؟
واما ان كان جوابه بالنفي وانه لم يعد يُريد هذه الحياة ان تستمر بينكم، فلا حول ولاقوة الاباالله
ويظل هذا الامر رغم مرارته افضل بكثييييييير من ان تعيشي بين طيات صفحات سوداء
لا تعلمين هل دونتي فيها رحلة ايام سعيده ام شقيه؟
فاذا لم يُراعي هو كرامتك ويصونها فاحفظيها انتِ فلا حياة لكِ بدونها
لا تسمحي لأي انسان ان يُزعزع ثقتك بنفسك ايا كان فأن ذهبت الثقه ذهب معها كل شيئ
له معنى بالحياة
وفي الآخير عليك ان تعلمي بأن هناك من تُعاني اكثر منك في حياتها ، وما انتِ الا
صفحه من كتاب ، فهناك الكثييييييير من الاسر تُعاني من مرارة انعدام التفاهم بين
الزوجين ،، ولكن يظل هناك الطاقه التي تختلف مستوياتها بين البشر فهناك من لديهم
الطاقه اللآزمه والكافيه للتحمل والصبر فتستمر حياتهم على هذا الاساس
وهناك من تقل لديهم مستويات هذه الطاقه فيختارون الرحيل بعيدا عن كدر هذه الحياة
فانظري عزيزتي انتِ من اي هذه الفئات ، ان كنتِ تكنين الموده والمحبه لزوجك ولديك
القدره والطاقه الكافيه على التحمل والصبر فاصبري واستمري في حياتك على هذا المنوال
فلقد صبرتي معه سنة كامله ونصف ولم يتغير خلالها وربما يكون طبع متواجد في داخل
شخصيته من الصعب ان يتغير، وعليك ان تندمجي مع هذه الحياة وتُحبينها كما هي
حتى لا تعيشي طوال حياتك وانتِ ناقمه وتكتمين الغيظ في نفسك فهذا دمار لكِ
ولكن بالمقابل عليك ان تُحافظي على ثقتك بنفسك ولا تفقديها تحت اي ظرفٍ كان
هذا ما لدي لكِ عزيزتي واتمنى ان اكون قد وفقت في تقديم ولو القليل مما يفتح لكِ
الطريق لحل مشكلتك مع زوجك
وربي ييسر امرك ان شاءالله
(
)
(
تقبلي صافي ودي وتقديري
اذا كاااان زوجك معه برووووود بيتجج عليكي باي شي وبيفهمك انه السبب منك ؟؟
واذا كاااان طبيعي يمكن حسد والله اعلم طيب وش راااايك تبطلين تكشخين وتهملين بشكلك
قولي كله واحد سوينا ماسوينا يمكن كذا يعجبك ؟؟
واذا مر اسبوع غيري وكشخي يمكن يحس بالفرق
صح كلام خيتوو أم حاتم
واضح أن زوجك يدور عليك العيب
ربي يساعدك ويسهل عليك ويصبرك
زوجك بختصاار ماعنده ثقه بنفسه
فيقوم يقللك ويعايرك وكذا لان في احد الا اكيد يعايره ومنقص من شخصيته فهو يستمد قوته يقوم يعايرك عشان يوهم نفسه انه مو هو بس اللي ناقص
انا اقولك شي ماعليك منه اذا قالك هالكلام سوي نفسك ماسمعتي شي
البسي اللي يعجبك انتي واكشخي الكشخه اللي تعجبك انتي وتعطري العطر اللي يعجبك انتي وسوي كل شي يعجبك وهو اذا قالك وش هالريحه ولا ماتعرفي تلبسي ماعليك منه استمري تسوي اللي يعجبك
وصدقيني لو سويت اللي يبيه وجلستي بس تلاحقينه وتعرفي اللي يبي بتتعبي وتضيعي وقتك لاتهتمي بكلامه لانه كذاب ولا عنده شخصيه ويمكن بعد اهله يقلون له كذا زوجتك ماتعرف تسوي شي ماتلب ورحتها كذا وكذا
بس نا اقولك انتي صيري زي ماانتي تبين شكلك يصير مو زي هو مايبي لااا
لان الرجال ماتعجبه الحرمه العجينه اللي يغير شكلها زي مايبي يبي حرمه ذوووق ذووقها كل يتجدد ع حسب شخصيتها مو هو يقولها سوي ذا وافعلي كذا يمل منها بعدين
كلام اختي ام حاتم صحيح 100%
وربي يوفقج ويسعدج بحياتج
حبيبتي طنشيه شوي لاتهتمي لحديثه بركي بيحس على دمو
بعدين اذا بدك السلاح الأقوى للمرأة هو الدموع (رأيي الشخصي)
أنا حاسة بفائدتها
أحكي معه واستخدمي دموعك شوي لحتى تعرفي وين بدو يوصل
وعليك بهذا الدعاء والله فائدته عظيمة(اللهم اني قد تبرأت من حولي وقوتي والتجأت الى حولك وقوتك حسبي الله ونعم الوكيل نعم المولى ونعم النصير)
ولا تنسي سورة البقرة
الله يهديه يااارب ويسخرلك ياه
تقبلي مروري أختك لحظة حزن
لا اله الا الله استغفرك واتوب اليك