أختي وفشلها في بيت الزوجية :'(

السلام عليكم

أتمنى خواتي كل وحدة تفيدنا ولها دعوة حلوة بصلاتي والله ♡

عندي أختي أصغر مني متزوجة وهي فديرة ثانية .. مشكلتها انها مهملة هي تزوجت وهي صغيرة 17 سنة .. بس طبعا برغبتها الكاملة

المشكلة كما ذكرت انها مهملللللللة كل مرة تطبخ تخرب الطبخ مع انها عندنا تطبخ تمام ويوم يجيبها تقعد عندنا تطبخ زين!! بس لما تروح بيتها وتطبخ يصور الطبخ ويطرشه لنا ويقعد يتشكى
جابها مرة وقعدت عندنا 4 شهور عشان نعلمها ولين تولد بعد .. وتمت طبعا حامل ونفاس ما نقدر نعلمها وهي ما تبي تسوي شي
هي تحبه والحين عندها طفل حرااااام والله
مر على زواجهم سنة وهاذي هي لا تغيرت ولا تعدلت
وأمس الرجال فااااض فيه وتعب يقول لي متى باصبر عليها إن ابوه قال له لازم بعد رمضان يدورون لهم شقة وما يقدر وهي مهملة .. هالحين بيجيبها اسبوعين يقول علموها !!! يقول حتى في اشياء غير الطبخ ماقدر اتكلم عنها !!!!!!!! مادري شمهببة

المشاركة الأصلية كتبت بواسطة أم عبادة السلفية السلام عليكم،، اتمنى ربي يوفقها و تحسن من وضعها ،، حبيبتي اول شي مشكورة عالموضوع لعله يكون عبره ودرس لكل مقبلة عالزواج،، المشكلة من اساسها زي مافهمت ان اختك مش متحملة مسؤوليه وواضح انها ماعندها نيه للتغيير ،، انتي ماذكرتي ردة فعلها من شكاوى زوجها،، شي غريب والله، هي تحبه ،، طيب ليش ماترضيه،، خوفوها انه رح يطلقها وهددوها بأنها حترجع لبيت اهلها وهذه المرة مو اسبوعين ولا شهر ،، ترجع للابد،، وكله عشان شي بسيط،، بعدين كيف عندكم تطبخ زين وعند زوجها لا،،، شجعوها وعلموها اكلات بسيطة وفي نفس الوقت حلوة وتقدر اطبقها ونتائجها مضمونه،، وخلي حد في العيلة شخصيته قوية يخوفها بجد ،، لأن الموضوع مش ساهل إذا وصلت حد الطلاق،، يعني بشكل عام اختك تحتاج اعادة تأهيل للزواج من جديد، اضربي لها مثل كيف الناس تقدر تغير واستعملو معاها اسلوب الترهيب والترغيب .. ارجوووكم لاتهملوها حرام صغيره وترد لحوش اهلها ومعاها طفل ايش ذنبه ! الله يوفقها ويردها لزوجها يارب ..

الله يسعدج على ردج يا عمري
تخيلي نهددها وكذا تقول عادي يطلقني بيعطوني شقة وبيمشون لي راتب والطفل بيتم عندي ما يقدر ياخذه :'( !!!!!
مدري شفيها شي غريب والله مضبووووط طبخها عندناا وهناك فاااااشل يا ني يا محروق يا كيكة كانها حصى
انا بحاول معاها وبخلي ابوي يتفاهم معها لأنها تخافه