أختي اللامبالية

السلام عليكم ورحمة الله وبركاته
أخواتي أنا أعاني من برود أختي وتصرفاتها اللامبالية
يعني عادي جداً أنظف الصباح المجلس أصحى العصر أشيك عليه قبل يوصلوا الضيوف ألقاها حايسته ولما أكلمها تقولي يوه عشان حركت كم خداديه ورميت قرطاس عادي شيليهم!
ولا ممكن جداً أعمل فطور على قد الناس اللي صايمة تجي تشيل منه كمية لصاحبتها وتقولي خلاص هذا يكفيهم أنا ماشلت كثير!!
ولا تآخذ أغراضي وبعد فترة أسأل عنهم تقولي مدري فين حطيتهم خلاص مو لازم هي شوفيلك أي شئ!!
كثيير وربي كثيير مواقفها خلاص ما أقدر أستحمل مستحيل تعترف بخطأها لو ايش دايم انه هي نسيت أو ما انتبهت أو انه عادي .. كل عذر إلا إنها تطلع غلطانة أو أقلها تقولي آسفة بس ما أبغى أكثر من آسفة
أختي أكبر مني بالعشرينات هالصفة مغطية على كل شئ حلو فيها وأنا انسانة هالوضع مرة ما يناسبني أحيان أحاول أتصرف زيها بس مرة ماتضبط معاي مدري هي كيف تسوي كذا اقتراحاتكم كيف أتصرف معاها؟