السلام عليكم ورحمة الله وبركاته
ما اعرف للمقدمات فراح ابداء اتكلم عن حياتي ومشكلتي انا واخواني
امي أتوفت وانا عمري 13 سنه الله يرحمها يٓ رب من يوم ما تركتنا بدأت المشاكل أتمنى من كل بنت ما تحب أمها ونصايحها وتزعلها تروح تراضيها
مافي زي الام والله :'(
المهم انا عمري 17 دحين في ثالث ثانوي اخر سنه ان شاء الله
بعد وفاة امي بسنه تقريبا ابوي ما كان قادر يتعامل معانا بذات انا كنت مقفله على نفسي عكس اخواني عندي اخوين وأخت وحده أشقاء كلهم اكبر مني
واحد متزوج وعايش بعيد عننا والثاني مبتعث وأختي عمرها دحين 22 في الجامعه
ابوي راح أتزوج وحده بعمر اختي او اكبر شويه حسبي الله عليها عوفتني هبشني انا وأختي ما يحتاج اذكر شي من الماضي لانه راح انا مشكلتي مع اختي الكبيره دحين
من يوم ما دخلت الجامعه اتغيرت 180 درجه
خرجاتها كثيره ما تجلس في البيت اغلب وقتها في بارتي او مع صحباتها
وأحيانا تجيب صحباتها يناموا عندها او العكس هي تروح
والله انا حزنت على حالها ما اعرف ايش اسوي وبما اني صغيره فمالي كلمه عليها
نحنا ما عندنا قوانين في البيت ابوي سفراته كثيره وزوجته ما نحتك فيها
ما عندنا احد يراقبنا او ينصحنا
الين دحين فأكره يوم جاتني تقولي عن حبيبها انا هنا انصدمت قدوتي في الحياه تكلم شباب :'(
وتقولي انتِ ليش ما تكلمي ايش عليكِ مافي احد داري عننا
ومن بعد ما جرحوها راحت حلقت شعرها وبهدلت عمرها مدري عاد دحين تحب بنات او لا ما ابغا اظلمها
اروح اكلم صحباتي عليها يقولولي اختك فله ليش تبغي تغيرها فلجأت لكم
ايش اعمل ما ابغا أخسر امي الثانيه طول عمري وانا اعتبرها زي امي ساعدوني تكفون ما عندنا احد اهل أبويه ما نشوفهم غير في المناسبات
وأهل امي قاطعونا بحكم اننا مو متربين ومفلوتين وما عندنا لا حسيب ولا رقيب
اعذروني كلامي ملخبط بس مني عارفه من في ابداء
والله مو عارفه ايش اسوي احس اني وحيده مالي احد في الدنيا غير اختي
امممممممممممممممممممممممممممممممممم *.*
حبيبتي مالج الا تلمحين لابوج
قولي له يبه ترا فلانة خرجاتها زايدة هالايام
و هو يتصرف وياها
او قولي لها يا فلانة ترا انا خسرت امي وما ابا اخسرج انتي بعد
الله يهدها ويصلح حالها
موفقة
استغفر الله العظيم الذي لا إله إلا هو الحي القيوم و أتوب إليه 
برايي اقعدي معها ونصحيها
حتى لو هي اكبر منك موغلط
انصحيهاا
واذا ما استجابت كلمي ابوكي او احد خوانك
قبل لا سمح الله يسر شي تندم عليه