أحبـــــك من صميم القلب

أحبك من صميم القلب حب الصادق الولهان
وانا من لوعه الفرقا يهل الدمع من عيني
الا ياصاحبي وينك احس بضيقه الندمان
ونار الشوق مابين الحنايا تصطلي فيني
فراقك غير احوالي فراقك ولع النيران
انا بصبر على الفرقا عسى ربي يقويني
يطول الوقت بالصاحب يذوق من الاسى حرمان
ودمعات المحب اللي على خده عناويني
الا ياوجد حالي من فراق الأرض والخلان
وصكات الزمان اللي بسهم البعد ترميني
وجود اللي يجي لبوه وبين اثنينهم سجان
ولايقدر على قربه ودام شهور وسنيني
مراسيم الخيال تصور الصوره على الاشجان
ولحن الشوق ثارت منها نيران وبراكيني