يئست من العيشه

في يوم من الايام كنت انا واخواني كذا صراخ ومضاربات احيانا من قوة الضرب يسقط اخوي مغشي عليه!

وكل ذا بصراحة بسبب بعدنا عن الصلاة وقتها وتهاونا فيها * الحين احسن حال والله يهدينا جميع*

طبعا كنت بالمتوسطة عمري 14 او 15 واخوي الكبير يكبرني بسنتين بعمرك تقريبا واخي يصغرني بثلاث سنين

كنا طباين بمعنى الكلمة .. اول شيء كلنا كنا مراهقين وكل واحد يكره الثاني او يفكر ابوي يحب فلان اكثر مني جاب له وماجاب لي او امي تحب فلان وماتحبني يعني تفكير بزران وقتها !

امي الله يسعدها وين ماتروح الله يصب عليها النعم صبا صبا واخواني وابوي وياكم يارب واهلكم

كانت يوم تصلي تدعي يارب اصلح بعلي واولادي يارب اهديهم يارب اصلحهم لي

وكنت اصلي جنبها اقول يمه اشبك تطولين تقول يا بنتي انا ادعي كل يوم لكم ان الله يهديكم

هنا حسيت بقيمة حقارتي وقتها .. شلون تدعي لنا واحنا كل يوم نتهاوش ونضيق عليها وننكد

وكانت تنصح اخوي الكبير انت الكبير وانت لا تسب ولا تعلم اخوانك اللي اصغر منك كذا بيقلدونك ويصيرون مايسبون ولا يضربون

وفعلا والله كنت اشوف مهما انغص عليه او ما اسمع كلامه مايكلمني صرت اقلد وما اكلم اخوي اللي اصغر مني وهو كمان يسوي مثلنا الى ما خفف الحمقية اللي بيننا

وكله دعاء وصلاة واسترضاء من امي

ما اقولك والله خلاص ما نتضارب بس نادر جدا بالشهور مره ومضاربه كلام وتكون لسبب ونرجع نتصالح بنفسنا خلال ساعات

انتيي حاولي وقت ما اخوانك هادين اللي اصغر منك ناديه وفضفضي له عن شيء بخاطرك او خطة وقولي له عشان اخوي او اختي وانا احبك واحترمك واقدر رايك اشتكي لك يمكن ما تنجح من اول مره او ثاني مره صدقيني بيجي اليوم اللي هو فيه يقولك فيه عن اللي بداخله وتتوافق افكاركم وتقولين ليه كاقتراحات مثلا
* انتبهي تستخدمين اسلوب الامر مع اخوانك دايما اقترحي واذا لازم الموضوع اامري .. الاقتراح يخليه انه واوو بس الامر تكسرينه فيه *

كاقتراح قولي ايش رايك بالعيد نجيب لامي ورده او ابوي تهدونهم شيء او اليوم تسسوون عنهم شيء مثلا تطبخون عنهم الغداء تخططون لخرجة للعائلة يعني كذا ترتبون البيت وهم برا كمفاجأة لهم

شيء بسيط على قدكم وجميل

واخوانك الاصغر راح يقلدونكم شوي وشوي يشوفون الحب الاحترام والاهتمام يقلدون ويسوون مثلكم اصبري ومع الايام كل شيء يتحسن

الناس تحب احد يبين لها قيمتها و اهتمامها مثلك تبينهم كذا لك .. عشان كذا انتي عوديهم عامليهم باللي تحبين راح يعاملونك باللي احسن

سوي لهم شيء يحبونه اكله او العبي معهم لعبه يحبونه يعني اتفنني بحدود قدرتك او اذا احد تعبان لاسمح الله خليه التوب انتبهي له وكذا

صدقيني الناس رقيقة وتدخل الناس بقلوبها بسرعة بس شويه قيمة واهتمام