السلام عليكم ورحمة الله وبركاته
انا وحده اخاف ربي ومتربيه واسمع كلام الكل ومحبوبه للجميع ولا مره غلطت بحق احد
مشكلتي اني مو نفس البنات
يعني غرفتي مو نفس غرف الناس وحتى ملابسي ماتقولون اني بنت ثانويه وانا لله الحمد
ادري انه غيري لابس خيشة بصل الحمدلله على النعمه
بس انا يعني مدري شقول بس
عندي اخت تغار مني اهيا من ذوي الاحتياجات الخاصه تقول انها تحبني وجذي بس اهيا تغار مني
لأني طويله واهيا قصيره ولأن الكل يحبني عشان اسلوبي واهيا لا لأنه بالاساس ماعندها اسلوب
وتخيلوا قالتلي ذاك اليوم اذا تزوجتي والله العظيم لا اخرب زواجج
قلتها ليش يعني
تقول انا ؟؟؟اغار
اول شي انا اتزوج بعدين انتي
قلتها انتي مايصير تتزوجين لأنه ظهرج ومو زين بس ماكو فايده
وانا اهلي مرات يظلموني
واختي بعد
اذكر قبل عطتني كف وتفلت بوجهي لأن عبالها اني اكلم شباب وانا ولا مره كلمت
انا بنت حلوه ما اقولكم لا
واذكر اني نجحت هالسنه هاذي تخيلوا محد قالي مبروك ولا فرحوا فيني
تدرون شقالوا
ليش جايبه هالنسبه وليش ضعيفه بهالماده
انا زين نجحت بالفيزياء والكيمياء ومو جايبه مدرسات لهم
ومشكلتي ماعندي ملابس سنعه ولا لوشنات نفس البنات ولا اكسسوارت سنعه
ولا شي تخيلوا حتى شباصات
اختي الي من ذوي الاحتياجات الخاصه كل شي عندها ولا مره فكرت اني اغار منها بس اهيا مادري ليش تغار مني معا العلم اني متحملتها ودايم تشكيلي واسمعها وتتهاوش
وجم مره الناس قالولي بتدخلين الجنه على صبرج
انا نوعي اصبر واصبر وادعي
والله كريم
وحتى حظي مو ماشي وياي
والله انا تعبت
الاختبارات قربت بعد وانا تعبانه نفسيتي ماطلعت كلهم طلعوا وانا قاعده بالبيت والله مرات اكون مستانسه مرات متضايقه
مدري وش اسوي
اهلي حيروني وايد وايد
مرات يحبوني ويخافون علي ومرات لا
انتي ليش تعاملين اختك كذا ؟؟ كييف تجرحينها بإعاقتها ؟؟
احنا ما نتحمل أحد يعامل ذوي الاحتياجات الخاصة بقلة احترام ،، فكيف اذا كانوا اخواننا ؟؟
حبيبتي مادام مثلماقلتي من أصحاب الإحتياجات الخاصة يعني لاتزعلي منهاوأهلك أكيد يراعوها لهالسبب
انا ولا مره زعلتها ولا جرحتها ودايم تقولي اسرارها وكل شي بس تغار مني
وانا ولا مره غرت منها وحاطتها على عيني وراسي بس اذا اهلي اشتروا لي شي حلو لو ملابس تبجي تبي مثله او تأخذه مني
وياما فضحتني عند الناس
لو اقولها اسراري تخيلوا فضحتني عند بنات خالتي وطلعت بعد كلام من عندها
تبي الناس يعتبروني نفسها
اهيا اسلووبها زفت وكل شي وماتحترم الكبير وتشرب زقاير فوق هذا وانا استرها
وتكلم شباب
ولمن تصير مشاكل تقارني فيها والكل يقول انه انا غير عنها
عآدي أنا مثلك بالضبط يوم كنت بالثنوي والمتوسط
تخيلللي أختي الكبيرة طلباته أوامر وأختي الصغيرة عاد القعدة ما أج يقرب له
وأنا الوسطية مآلي أهتمام وأذا قلت لأبوي أبي مشغل جلس يهاوش علي وخواتي عادي
ولا يشرون لي حاجة مع أن أبوي حالته المادية ممتازة
بس يوم دخلت الجامعة صارت لي مكافأة من الدولة يعني صرت أعتني بنفسي ولا أطلب من أحد
والحمدلله ماشاء الله أنا شاطرة وأجيب نسب عالية ولا أحد يتفاعل معي..
ومرة قلت لأهلي وش راح تعطونن أذا جبت نسبة عالية مرة تدرين شنو قالوا ؟!
قالوا أذا نجحتي نجاحك لنفسك . ماراح حنا نستفيد …
بعد كذا بديت أشد على روحي لأني عرفت ما أحد نافعن إلا وظيفتي بالمستقبل
والحمدلله هذاي من نجاح إلى نجاح اللهم لك الحمد
ودايم أقري عن سير العظماء تلفينهم بدوا من القاع وبظروف صعبة جدا ثم شوفي لوين وصلوا…
ولاتنسين الدعاء والأستغفار والصدقة
المشكله اني مسكينه حيل لو تشوفون شلون بنات خالتي وعمتي وانا شلون اتوقع ماتتحملون
عادي عادي
الله كريم ومشكووورين