مستشفى خالد الجامعي بالرياض
السلام عليكم
أنا ولدت بمستشفى خالد الجامعي بالرياض
والحمد لله قمت بالسلامه أنا وبنيتي
أنا ببداية ولادتي ماكان يعورني مكان إلخياطه
بس قبل أسبوع جاني ألم قوي مررره وحكه لدرجة بقى شوي وابكي
جلست يومين يمكن وبعدها طاح خيط. وأمس رجع نفس الألم
أنا باقي غرزتين ماطاحت وحده داخليه والثانيه مكان الخياط المنتفخ
لألمسته أحس بالغرزه وقاعده احط كريم ميبو ثلاث مرات باليوم
في أحد صارله زيي لها شهر وغرزتين ماطاحو
الله يخليكم بموت ??ن الالم بالذات الغرزه اللي برا جننتني.
لاتقولون لي روحي أكشفي الدكاتره دفشين مره مايتعاملون بخفه
علموني ?? أسوي.
وعليكم السلام ورحمة الله وبركاته
ان شاء الله المتزوجات يفيدونك ..
للرفع .
ــــــــــــــــــــــــ
اختي الغاليه
الحمد لله على سلامتك انت وبنتك
الحكه شيء طبيعي لأن اللحم بدأ يلتئم وتنشد معه الخياط فيسبب الألم
اذا استطعتي ان تغسلي المنطقه بمنقوع المر او تجلسي فيه لمدة 5 د يكون احسن في
انزال الخيط وايضا الجلوس في ماء دافيء به ملح خشن
وفيه مرهم في الصيدليه اسمه fucidin عليه خط اورنجي فاتح جدا مفيد
شفاك الله
البنات مايقصرون .
روحي عند دكتورة تشوفك انا كنت مهتمه غسول البيتادين ومرا وملح
بس جسمي ما تقبل الخيوط التام الجرح بس ما طاحت الخيوط
وسببت لي التهاب والدكتورة هي اللي فكتها وعقمت
لي الجرح وعطتني مرهم و غسول وانا ولدت بخالد مثلك
روحي للدكتورة ليلى مستوصف حي السلام انا رحت عندها مرا حبوبه
و ما تعطيك شي الا انت تحتاجيه وما قدامك ان شاء الله الا العافية