السلام عليكم القصة منقولة مانى الا ناقلة ترويها صاحبة الموضوع
ازيكم انا عماله اقرى مواضيع فى القسم بتاع الفضفضه وبعدين فيه موضوع كده قريته قشعر بدني ورجعنى للزمن من 3 سنين وافتكرت حاجه كنت عملتها وفضلت مخبياها طول السنين دي عشان مش يضيع ثوابها وتفضل سر بيني وبين ربنا ويظلنى ربنا يوم القيامه تحت ظل عرشه لما الواحد يتصدق با ايد والايد التانيه متعرفش انو اصلا اتصدق كان من 3 سنين كنت لابسه اشيك ماعندي واتفقنا انا وصحباتي نتقابل فى مكن محدد عشان هنخرج جوا البلد وبعدها هنتعشى فى بيتزاهت وبعدين نزلت من التاكسي قبل المكان الى اتفقنا عليه قلت امشي رجلى شويه واشم هوا ربنا فا وانا ماشيه لقيت ست عجوزه بتعيط عالرصيف ومعاها اكياس كتيركانت مش فقيره ولا حاجه يعني معقوله والناس تبصلها كده وتمشي ولا حد وقف يشوف مالها الناس قلوبها بقت حجر انا بقى دموعها هزتنى قووي وبلعت ريقي وقربت منها قلتلتها خير يا طنط بتعيطي ليه فيه حاجه ضاعت منك؟ قالتلى لاء يابنتي قلتلها امال ؟ وادتها منديل تمسح دموعها الاول بصتلى كده بحزن وخدته مسحت وشها واتنهدت وقالت بقالى ساعه بوقف تاكسي محدش راضى يروح الحته الى عايزاها والحته بعيده وانا معييش غير 2 جنيه بس وفتحت فى العياط جامد وصعبت عليها نفسها اووووووى طبطبت عليها قلتلتها استني وقعدت اوقفلها تاكسي وكل ما اقوله المكان سواق التاكسي يرفض لانها زي قريه كده بس قريبه من المحافظه الى انا ساكنه فيها فا وقفت اخر تاكسي وقررت انى مش اسيبه يمشى الا وهي معاه فا قلتلته المكان قلى بعيد يا انسه قلتلتله خد ادي 5 جنيه ووديها قلى لاء برضه مش حكايه الفلوس دى حته مكسره وهتبوظ العربيه قمت بقى قلتله الدنيا يوم ليك ويوم عليك اعتبرها زي امك دى حاله انسانيه مبقاش فيه رحمه ؟ خدها وربنا هيديك من وسع واديته ال 5 جنيه وساق التاكسي ذهل من كلامي زي ما تقولوا كده فاق ونزل كلامي على دماغه زي الصاعقه وفعلا اخدها ووافق وقلتلتلها تعالى يا طنط وشلت معاها الاكياس وركبتها وفتحتلها الباب وركبت وفضلت تدعيلى وتعيييييط وسواق التاكسي عنيه دمعت وقالتلى روحي يابنتي الاهي ينصرك على الى يظلمك وفعلا بسبب الدعوه دي كل الى يظلمني ربنا يديله عقابه والله بسببها وبعد ما التاكسي ما مشى فضلت تبص وراها ومطلعه ايدها من الشباك وتعملى باي وتدعيلى وفرحاااااااااااااااااااااااااااانه وانا بقى مشيت فى الشارع اعيط من فرحتى لانى فرحتها وبعيط من حالتها ازاى الناس قلوبها بقت حجر كده واشتريت ميه اشرب عشان اهدى ورحت لصحباتي وخرجنا وفضلت الست دي فى بالى ومقلتلش لصحباتي مالى ومرضتش اروح اتعشى معاهم قلتلتلهم عايزة اروح وروحت عشان اصلى واشكر ربنا على النعم الى اداهاني … يا بنات والله الصدقه القليله ليها اثر فظيييييييييع فى حياتي ياريت تفرحوا اى حد ولو بكلمه ولو بطبطه صدقونوا انتوا بتفكروا انكم انتوا الى بتساعدوهم ؟ بالعكس هما الى بيساعدونا لان بسببهم بنحس بأروع احساس وسلام نفسي رهيييييييب والله جربوها وانتوا الوحيدين الى قررت احكيلكم الموقف ده اولا لانكم مش تعرفوني ولا اعرفكم وثانيا عشان لو فيه اى فرصه قدام اى حد انو يساعد مكروب على طول ينتهزها وبسررررررررعه وافتكروا التجاره مع الله دايما راااااااااااابحه
ربنا ييسر لها كل امر عسير ويسعدها سعادة الدارين ويجعله بميزان حسناتها ويجعل مثواها الفردوس الاعلى اللهم امين اللهم بلغت اللهم فاشهد على ما اقول 
ماشاءالله تبارك الرحمن عليك
جزيتي خيرا لهذا العمل
مشكوره اختي جزاك الله خيرا
فعلا حتى لو بالكلمه الطيبه صدقه
راااااائع حبيبت قلبي الله يجزيكي كل خير و يجعلها في ميزان حسناتك يارب
عمل رائع اختي الفاضله
جزاك الله خير
بارك الله فيك اختي نفيسة
ياحبييتي الله يجزيكي كل الخير. يارب
الله يجزيكي كل خير حبيبتي في ميزان حسناتك يارب