السلام عليكم ورحمه الله وبركاته امممممممممم كيفكم ؟ طبعا تعرفوا كيف إنتهت الإختبارات وكدا="(وطلعت النتايج نسبتي صحيح مو بطاله مرآ يعني في التسعينات الحمدلله يارب 💔 بس أنا ودي أجيب 99 ونفسي أطلع التانيه أو الأولى على فصلي . . . أنا كل مرا أتحمس بس يقل حماسي أيام الدراسه انا الحمدلله هاديه في الحصه وما ازعج الأبلات ومؤدبه (هذا كلام الأبلات دايم عني) يعني شخصيتي في الفصل مره خجوله حتى اذا تكلمت وجهي يحمر واحس جسمي حار =(! انا ابغا طريقه تخليني شاطره ومتفوقه نفسي اجيب 99 وأطلع التانيه على فصلي أبغا طريقه كويسه للمذاكره سالت بعض البنات الدوافير في الفصل عن طرق مذاكرتهم وكذا بس مايردوا رد صريح أظن يخافوا من العين هههههههههههه للعلم (مقصدي عفوي بس ابغا فكره عن طرق المذاكره ولا حسد ما ابغا أحسدهم ) وسالتهم كمان اذا هما يذاكروا الدرس قبل ماناخذه في المدرسه بس يكون ردهم (لا) اذا كان كذا يعني اسلوبهم ما يفرق عن اسلوب مذاكرتي بس ليش هما ماينقصوا ماشاء الله >> ذكرت الله عشان ماتقولوا ليش حاسدتهم 😂😂😂 بس الشيءء اللي اعرفوا أن أجهزتهم تنحسب ؟ يعني هنا المشكله انا م ينسحب جهازي عموما تكفوووووون ردوا ردوووا ردووا ولا تقولولي اسألي الدوافير 😂😂 وصح نسيت شي أنا أفكر السنه الجايه احول مكان جلوسي في النص قدام السبورة لان أكتر المواضيع اللي دخلتها تشجع على الجلوس قدام في النص =")! للعلم انا مكاني قدام بس عند الجدار والحمدلله كل اللي اجلس معاهم نسبهم كويسه وهاديين يعني اكتر مجموعه هاديه و فيها بنات دوافير انا جالسه معاها (يقولوا الصاحب ساحب ) وادري هرجي كثير لا تفشلوني وصح نسيت اقولكم كيف اذا جيت اجاوب او إذا كلمتني أبله (خصوصا اللي تكلمك وعينها بعينك) أقدر أمسك نفسي بدون ما أخجل ولا جسمي يسخن و لا وجهي يحمر وبدون ما اتلعثم وكذا هههههههههههههههههههههههههههههههههههههههههههههههه وياليت اللي ترد تقول كم نسبتها او كم كانت نسبتها قبل ماتحط اسلوبها في المذاكرة