السلام عليكم ورحمة الله وبركاته
اخواتي في الله
أكيد تعرفون كريم طبيب الشعر اللي انتشر في الآونة الأخيرة
أنا كنتاستخدم قبله لبنتي كريم صانسيلك البنفسجي والله يجنن يجنن يجنن
لكن …. فجأة انقطع في السوق
وبحثت وبحثت وقعدت أجرب كريمات على شعر بنتي بس ولا واحد ناسبها غير طبيب الشعر
والحمد لله اني لقيته
المشكلة هي ……
إن يطلع ريحة خايسة في شعر بنتي
أنا هذا اللي أحس فيه .. ريحة متخمرة وما تعجبني
بتقولوا يمكن أخليه يومين .. لا هذي الريحة تطلع في نفس اليوم
ما عندكم حل ؟
يعني أخلط شي مع الكريم علشان الريحة تروح ؟
أنا استخدمته كان عادي مافيه ولا أي ريحه مو زينه
بس ماطولت في استخدامه
بنتي الثانية إذا حطيته في شعرها ما تطلع فيه ريحة
جربي حطي معه مخمريه
يبيعونها في محلات عبد الصمد القرشي وهي تصلح للجسم والشعر
وريحتها جنان في الشعر
تحياتي
شكرا خيتو وإن شاء الله في القريب العاجل راح اشتريه
ما اعرف هالكريم ولا عمري سمعت عنه
ممكن تدلوني وين ينباع ولوتوفرت له صوره أرجوا منكم وضعها
بصراحة شعري حيل تعبان وباهت وخشن ويتساقط بشكل فظيع
(ارجوكم ردوا علي)
اختي هذا هو الكريم
لكن مو هو الحل الصحيح لشعرك
شوفي أختي أنا شعري مثل حال شعرك
تساقط بشكل فظيع وألحين قمت استخدم زيت جدايل لتقوية الشعر من عبد الصمد القرشي
مابعد أشوف نتايجه لأن توي بس يوم استخدمته وهو يستخدم مرتين في الاسبوع
والزيت راح تلقيه في الصيدليات والكريم في محلات التجميل وبيع العطور
يسلمووووووووو حبيبتى