السلام عليكم حبيباتي انتم عارفين ان ضحيه طلاق الوالدين هم الابناء وانا احد هم تطلقوا والديني منذ نعومه اظفاري ونشات عند زوجه اب الله لايسامحها المهم كبرت وتزوجت الحمدلله خلفت عيال مشكلتي هي اني احس اني ضايعه ماعندي اسرة اذارحت لايبوي في الاجازة لازم مشاكل من زوجته واخواني اللي هم اولادها لدرجه دوب يسلمون ع اولادي اقسم بالله اني ماقصرت معاهم باي شئ بالعكس كنت لهم خادمه في الصغر كل شئ تتخيلونه اسويه لهم وصرت اجلس اولادي بغرفتي اللي عند ابوي مايدخلون اي مكان حتى المطبخ بس الحمام الله يكرمكم وهم بسم الله عليهم هاديين وصاروا مايحبون الروحه عند بيت ابوي 
حبيباتي ماانتهت المشكله
نجي لبيت امي اللي يبعد عن ديرة ابوي ثلاث ساعات هي متزوجه وعندها اوالاد وبنات الحمدلله وزوجها ميت الله يرحمه المشكله اخواتي من امي بوجهين والله يابنات اذا زعلوا مني امي تزعل واذاشغلت المكيف ع اولادي قالت الكبيرة زاد علينا صرف الكهرب اقسم بالله يابنات انها مرة رمت علاج بنتي بالشمس ولسبب ان ريحته مااعجبتها وبنتي معاقه الله يشفيها والله اني ماكذبت يوم قلت لامي شوفي وش سوت بس سكتت والله تعبت ولازم بالعيد اروح اعيد عليهم انا ساكنه بمدينه تبعد الف كيلو والله العظيم اني اموت بامي وابوي وذا سافرت من عندهم اقول خلاص ماراح اجيهم الابعد فترة وصرت كل واحد اجلس عنده يومين وارجع يابنات الله يسعدكن اعطوني حل او كلام يطيب خاطري والله اني جهزت شنطتي وخبيتما عن اولادي لانهم راح يبكون اذا عرفوا اننا مسافرين بكره ونسيت اقول ان ابوي اخذني بعد الطلاق وعمري ثلاث سنوات عشان كذا هي شوي معي وابوي كان حنون معي بس يراعي زوجته واخواني يلرب رحمتك لااله الاانت سبحانك اني كنت من الظالمين
اصبري وادعي من ربكي انو يصبركي على اذاها
ولكن لا تنسي
( يمهل ولا يهمل )
تحملي وهي كلها زيارة كم ساعة والحمد لله تنتهي , وبتصبري وتاخذي اجر صلة رحم امك وابوكي اهم شيء , ودائما عامليهم بالحسنى حتى لو اخلاقهم اسوا ما يكون تكوني اتبعتي الرسول صلى الله عليه وسلم , والرسول اذوه , واكيد نحنا كمان , انتي اتفائلي بالخير ويا جبل ما يهزك ريح ومردهم بالتعامل بالحسنى يتغيروا باذن الله
اتمنى لك التوفيق يا قلبي
انا بحكي بما انه رب العامين انعم عليك بالإستقرار اقضي وقتك مع اولادك وزوجك ، وبالنسبة ل إمك وابوك في المناسبات زوريهم ، وظلك اطني عليهم بالتلفون ، بكرة اولادك بيكبروا وبتحسي بجو العيله معهم
الله يهدي بالك يا رب ^_^
الله يصلح الأحوال
اسمعي بحركة منك تخليهم يحطوكي ع راسهم
يعني جيبي هدايا لهم
و الله بعينك ع المصروف
اقعدي مثل الضيفة
حدثي اخوتك
بعرف صعبة و رح يسمعوكي كلام
بس يلا انتي صرتي ببيت زوجك
و يا رب يكون زوجك احسن منهم
تقبلي مروري
الام أكيد ماتكره أولادها بس بما إنك ماعشتي معاها واخواتك من أمك هما اللي معاها دوم حتفضلهم أكثر..
وأبوكِ كمان لازم يراعي زوجتوو عشان هيا اللي معاه بالبيت هيا اللي تقوم فيه..
حبيبتي أنتي لاتفكري كثير وأهم شيء إنك تبرينهم عشان ربك..
سوي اللي عليكِ أتحملي…وحاولي كمان تكلمي أولادك وتقولي لهم أهلي ولازم أزورهم وكذا با اسلوب حلو ويفهموا..
وربي يوفقك ياقلبي ..ويحنن قلوبهم عليكِ..