السلام عليكم ورحمه الله وبركاته
أنا بنت جامعيه عمري 22 انخطبت كذا وفي كل مره ارفض ولعده اسباب..
هذه المره انخطبت و لما سألنا عن الرجال قالوا انه رجال خلوق ومحترم ومن عائله محترمه ومصلي وكل شي .. أحس لأول مره أنخطب فيها الاقي مواصفات تعجبني وتعجب أهلي. صليت استخاره ووايد مرتاحه للموضوع .<<<ويييييييين المشكله
المشكله انه اهلي قالوا انه الرجال راتبه قليل شوي وانه الرجال شوي دبدوب .. انا عن نفسي انصدمت انه اهلي يفكرون بهذه الأشياء لأنها ما تهمني ابدا ولا فكرت فيها..
أهلي يخافون انه يتغير مستواي المعيشي .. أنا في بيت أهلي معززة ومكرمه وكل طلباتي مجابه واحنا الحمدلله عائلتنا معروفه .. خصوصا انه الرجال ما عنده بيت لحاله فالسكن رح يكون عند اهله.. أهلي قالوا لي انه رجال حريص شوي يعني ما عنده خرابيط وما يلعب بالفلوس على اشياء تافهه ومظاهر .. انا عن نفسي اشوف انه هذا الشي احسن ويعطي الرجال ميزه.. بس ما اعرف والله اهلي خلوا القرار بايدي أنا وانه لازم اتحمل قراري..
ابغي رأيكم وخبرتكم في هذا الموضوع ..
اتمنى من الإداره تنزل الموضوع ضرووووووووووري
صلى استخارة اكثر من مره وربنا يوفقك
وعليكم السلام ورحمة الله وبركاته
للرفع ..
…
صلي استخاره بعدين من رضيتم دينه زوجوه لا منظر الرجال ولاراتبه هو المقياس لرجولته ولسعادتج معاه .. بعدين بنات الاجاويد ماعليهم خوف دايم سند وعون لرجالهم والبنت الشبعانه لاتخافين عليها من الجوع خافي من الجوعانه اذا شبعت هي اللي تبطر وتكفر اعوذ بالله وشوفي عن نفسيتج بعد الاستخاره اذا كانت بس هذي عيوبه اتوقع انها مو للدرجه هذي عيوبه تكون سبب لرفضه وانتي براحتج بالنهايه انتي اللي بتعيشين معاه شوفي عن نفسج واحكمي .. وربي يكتبلج اللي فيه الخير ويوفقج ياغلاهم..
حبيبتي صلي صلاه استخاره واذا حسيتي انك مرتاحه توكلي على الله
واهم شي الاحترام والحب والتفاهم في الحياه الزوجيه مومهم الماده
الماده تروح وتجي
(خذوهم فقراء يقنيهم الله )
والله يوفقك وييسر امورك
وانتي اذا تبين الستر وافقي عليه
انا الله يعلم بأمري عمري 25 بحياتي كلها ماقد انخطبت كل الناس تبي اختي و اختي كل مره ترفض باسباب تافه و ماتخش العقل والى الحين ماتزوجت و عمرها 29 و بصراحة انقهر لما اشوف بنت ترفض رجال عشان مظاهر و حاجات دنيويه و الله يوفقك ويسعدك
ادعوا لي بالزوج الصالح عاجلاً غير آجل
والله لو عجبك عااااااااااااااااااااااااااااااااادي اتزوجي
الله يوفقك ويسعدك