خوفي من اهل خطيبي

السلام عليكم انا خاطبة انا في بلد وخطيبي ببلد وقرب عرسي المشكلة اني خايفة من اهل زوجي انا حماتي سمعت انها قوية كتير بس للامانة كانت معاملتها معي كتير منيحة ولديه 3 اخوات صراحةكل مرة كنت اشوفهم فيها كانت معاملتهم معي منيحة بس المرة الاخيرة اخته الكبيرة كانت متغيرة يعني كنت لما احكي اي كلمة تتهزأ علي انا ما بدي احكي مواقف لاني ما بدي اطول عليكم اختي قالتللي هيدا الشي عادي لانه قربنا نتزوج وهي دارسة ومش لاقية وظيفة وعمرها 26 بس انا مشكلتي انه كل يلي في بيتهم اي كلمة بتقولها بردوا عليها وخطيبي علاقته كتير منيحةمعها خايفة انه تتدخل بحياتي وتعملي مشاكل لما شفتها صارت بيني وبينها مشكلة الحمد لله خطيبي صدقني ولماكنت بدي اطلع من بيتهم عشان سافر سلمت على حماتي وكنت بدي سلم عليها فراحت دارت وجهها انا حكيت لخطيبي بعدين حماتي صارت تحكي انها هي كانت بدها تسلم علي بس انا لفيت وجهي عنها انا صراحة انصدمت كتير فيها وما صدقت لاني بحبها كتير خايفة ومش عارفة شو اعمل خايفة انها تعملي مشاكل وصارت قصة تانية تخانقت هي وخطيبي فبطلت تحكي معي اسفة على الاطالة

المشاركة الأصلية كتبت بواسطة أماني4 اتكلي على الله وعامليهم بما يرضي الله عز وجل ولكن جربي ما تختلطي فيهم كثيرا منعا للمشاكل وحاولي ما تشتكي لخطيبك وزوج المستقبل عن أهله أبدا حتى لا يتضايق لأنهم بالنهاية أهله ومش هيهون عليه وممكن يعمل فجوة بينكم استخدمي ذكائك بالوصول لقلوبهم وكسبهم وطول ما انت محترمة معهم وبتراعي ربنا بمعاملتهم فباذن الله مش هيصير أي مشاكل ولو حصل كبري دماغك وطنشي لتعيشي بسلام وربنا يكون معك ويوفقك وان شاء الله يعاملوكي كبنت لهم وواحدة من العائلة وعليك دائما بالدعاء

كنت ابي اقولج نفــس الكلام وآستخيــري لين يوم الزواج

عسى الله يسعدج