تجربتك الشخصية شلون صارت ام زوجى تموت فيك ؟؟؟

من كثر مااسمع عن المشاكل الزوجية وان السبب الرئيسى لاكثرها هو الخاله حبيت احط تجربتى الشخصية الى جعله خالتى تحبنى وتموت فينى لعل وعسى ان ينتفع بها

الى كل زوجة الله الله بخالتك (ام زوجك)حبيها وحترميها لانها هى الى جابت الغالى واذاملكتى قلبها رضت عليك حتى زوجك والله انه يزيد غلاك عنده ويفرح اذا أمه مدحتك قدام أهله.والله اذا حبتك خالتك ماتشوف
عيوبك وبع دتوقف معاك ضد ولدها اذا زعلك

اما اذا كرهتك لوتسوين كل شى مايبين بعينها وبعد تحرش ولدها عليك وتذمك قدام الأهل وتمدح عند زوجك البنات الحلوات علشان تحرك

تدرون ليش خالتى تحبنى وتموت فينى؟؟؟؟؟؟؟؟؟؟؟؟؟؟؟؟؟

لانى والله العظيم سويت اشياء من قلبى وعلى حسن نية والحمد الله انها تذكرها دايم وتمدحنى عند الأهل

وانا أضحك وقول سبحان الله أنا نسيتهم وهى تذكرهم

هذه بعض الامور التى جعله خالتى تموت فينى:

@ العصر اسوى قهوتى وقعد عندها اخليها تسولف لى عن سوالف اول(ايام الشباب,زواجها,ولاداتها)والله انها تضحك وتستانس على هذى الذكريات – ماشاء الله على هذي الزوجه كذا ولا بلا –

@ اتذكرها بهدية بالمناسبات بخور عطور قماش خاتم وغيرها – حلووو

@ اذا عاتبتنى او عصبت عليه اقول لها والله انك صادقه انا غلطانه والله لو تمسكين عصى وتضربينى مااقول
شى انتي حسبه امى ولما تهدا اوضح لها الموضوع والله انك تكبرين بعينها – ماشاء الله ياقوي أعصابك –

@ اذاكنت بطلع اتمشى اقول لها يالله معانا الطلعه ماتحلى الا بوجودك والله انها تفرح -نادر وجودك أيتها الزوجة –

@ اذا رجعت من السوق احط الاكياس قدامها وقول لها شوفى شنو شريت والله انها ماتفتحهم – الله الله خالة محترمة –

@ مااقول قدامها زوجى (ودانى -عطانى-جابلى) لان هذا يضيق خلق الخالات لان فيه تعب وخساره لولدها – حبيب قلبها ولدها –

@ اذاعطتنى هدية جلابية البسها (حتى لو مو حلو)والله انها تطير من الفرح ولدها بعديفرح

@ اذا لبست لبس جديد اعلق عليه مثلا (شنو هذا الزين غزال)احنى يدها وهمز رجولها – ماشاء الله يعطيك العافية –

@ كنت اذا شفت شى وصخ بالبيت انظفه بنفسى اقدم الطعام ارتب (اجهز لرمضان بهارات-صبار-تمر وغيرها) -سنعة –

هذى بعض الامور والله حتى لو كانت الخالة عصبية نكدية بهذى الامور وربى تلين بس سويها من قلبك
علشان على الاقل يذكروك بخير سوى الى عليك والباقى على

ربك مرة مرتين ثلاث لاتملين وربى راح تتغير الخاله حتى زوجك يموت فيك ارجو ان يحوزالموضوع على رضاكم

وارجو منكم التعليق عليه وشكرا على المتابعة

-جزاك الله خير ماقصرتي نصائح ذهبية ياليت كل الزوجات مثلك-