السلام عليكم
ياريت قبل لاتقراون موضوعي تحطون ببالكم انه كل الناس تخطي وانا اخطات خطا كبير حيل بحق نفسي وحق اهلي
واطلب منكم النصيحه بعد توكلي علي رب العالمين
انا طالبة كنت بجامعه ومختلطه وتعرفت علي شاب وحبيته استمرينا خمس سنوات ونعرف بعض حق المعرفه والشيطان خدعني وضعت
بنات قبل كنت اخاف واحاول ابتعد عنه لاني احس انه غلط بس لما اشوفه انبسط ومرات اذا تعاركنا اسكر الفون واخليه واهو يتصل اكثر من مره
وتقدم لي وابوي رفض بسبب الاصل غير وماعطاني خبر بالخطبه هذا من كلام اللي اكلمه
لكن بما انه انتهت الدراسه ومانشوف بعض صارلي سنتين تقريبا و هذه الفتره تغير علي 100 درجه مايسال عني وخطه كله مسكر و مايكلمني وعذره كله عنده ناس و بطاريه الهاتف عطلانه و اكتشفت من ايميله لان الباسورد عندي واعتقد انه ناسي انه معطيني رقم الباسورد انه شرا هاتف نقال من سنه تقريبا وموجود بالايميل انه طلب من موقع وخلال هالفترة كلها ساكت وحسيت الموضوع انه في وحدة ثانيه في حياته الان واخذته مني
وممكن يكون معاها
المشكله اني اريد انهي العلاقه بيني وبينه واخر عراك بيني وبينه قال لي اسود يومك اذا ماضفتيني علي الواتس اب لاني سكرته بلوك ورجعته لاني خفت
واهو عنده صور لي معاه وقت الدراسه وانا ابي اتوب بنات وعيوني تدمع
لان احس انه تغير ويلعب علي الحين واهو مجنون اخاف ينشر صوري
ويعرف ارقام اهلي وانا عندي رقم بيت اهله وكان عندي رقم ابوه بس ماسحته بنات انا خايفه ينشر صوري في النت او عند اهلي
والله ابي اتوب هذا اول واحد اعرفه والله بنات انه تغير علي
وعشره خمس سنوات اخرتها بيهددني وقبل لما اتعارك معاه وارجعله
يقول انا اهدد لاني احبك وماابي اخسرك بسس انا خلاص ماقدر اتحمل
تغير علي 100 درجه مو اهو اللي عرفته من سنين
اتصل علي من رقم غريب مارديت كان يختبرني وقالي انه فونه بطاريته متعطله مايقدر يكلمني ورقم الغريب لصديقه لااتصل عليه
ارسلته مسج بلحظه غضب كانت عرفت انه شريت فون من ايميلك
وماقلتلي كل هالمدة واعتقد هذا الرقم الغريب لك
وماارسل شيء لان فونه مغلق
بنات الحل ابيه ونصيحتكم انا ابي اترك هذا الشخص
واكيد بيكذب يقول اشتري الفون لاخته او اي عذر
ابي رايكم بنات ابي انقطع عنه وابي اغير خط الفون
بس المشكله اذا هدد في صوري ونشرها مافي هئيه في دولتي
اخاف ينشرها واهو كان قبل يحبني بجنون واخاف ينجن ويسويها
وماابي اخبر احد من هلي اخاف والله اني قرات البقره واستغفر
واتعوذ من ابليس بنات ابي الحل يعرف عني كل شيء وانا اعرف عنه كل شيء
هل حلي صحيح انه اغير الفون مع العلم يعرف بيتي واعرف بيته
وهل بينشر صوري وانفضح ادري غلطت وانا ابي التوبه
بنات ارجوكم الحل والنصيحه يارب يحقق لكم ماتتمنونه بمساعدتي
كوني صادقة مع الله
وراح يخلصك منه
الله فوق كل شيء الله فوق كل شيء
الهيئة ما تسوي شيء اذا ربك ما اراد انتي معاك الله وبتتوبين توبي استغفري بطلي الذنب وابكي على سجادتك ربي راح يسااعدك ايش تبغي اكثر من كذا ؟
كرري وصلي وتوبي ولا تيأسين او يلعب على راسك ابليس واتركيه في حال سبيله لا لحظة غضب او غيرو
انتهى كل شيء ابدا صفحة جديدة ونظيفة مع ربنا ،، والله يستر عليك ،،!
يمكن الحل اللي بقوله صعب تنفذينه بس اعتقد لازم حد من اهلج يكون عنده علم بالموضوع عشان يساعدج … و برأيي انج تفاتحي أمج بس بأسلوب ما يخوفها يمكن تتصرف وتخبر حد من اخوانها ( خوالج ) ويوقف هالشخص عند حده
الله يستر عليج وعلى جميع بنات المسلمين ياااااااااااااااااا رب
موفقة
استغفر الله العظيم الذي لا إله إلا هو الحي القيوم و أتوب إليه 
و ممكن بعد تروحي لبيت اهله وتخبريهم بالسالفة يمكن ما يرضيهم باللي ولدهم يسويييه … بس اهم شي لا تروحي بروحج روحي و وياج حد ثاني تثقي فيه
استغفر الله العظيم الذي لا إله إلا هو الحي القيوم و أتوب إليه
الحل بيدك ارجعي الى الله احسني الظن به اخلصي في توبتك
وكلي امرك لله ونامي وانتي مرتاحه
الله من فوق سبع سماوات بيحفظك منه
وعليك بسهام الليل فأنها لأتخطي (الوتر)
..
الله يحفظك
اخلصي انيه بالتوبه الى الله تعآآلى
الي كآآتبه ربنا راح يصــير ,, توكلي على الله وواكثري من الاستغفار
الله يستر عليكي وصلي مقااام الليل
استغفر الله العظيم واتوب اليه 
اتركيه بدون تردد و خوف حبيبتي
و هو بس يستضعفك عشان ترجعي له
و طالما هو بارد و ما يسأل خلك انتي ثلج
و خذيها فرصه لتتركيه تلفونه قافلنه جعل ما يفتحه
خليه بحطته ..
بس انتوا الله يهداكم اول ما يهدد خلاص ترجعون و تستسلمون
قولي مافي نصيب بينا يا اخي اريحك و اريح نفسي من الربطه
طالما من لسانه الحكلام طلع:"انه خطبك من ابوك و ابوك رفض"
شو تباني اجلس اسوي بعد؟
و قولي لا عاد تسال عني و لا اسال عنك
كلا بحاله يروح شوف نصيبك مع غيري واشوف نصيبي الجاي من الله
و ان جاك و هددك قولي بطيب ابعد عني و بدون شوشره
و خلك اقوى منه
و ان استمر فالتهديد مالك الا رجال من اهلك تثقين فيه
يتدخل بالموضوع فاسرع وقت بعد
|
المشاركة الأصلية كتبت بواسطة سحايب ماطره
 اتركيه بدون تردد و خوف حبيبتي
و هو بس يستضعفك عشان ترجعي له و طالما هو بارد و ما يسأل خلك انتي ثلج و خذيها فرصه لتتركيه تلفونه قافلنه جعل ما يفتحه خليه بحطته .. بس انتوا الله يهداكم اول ما يهدد خلاص ترجعون و تستسلمون قولي مافي نصيب بينا يا اخي اريحك و اريح نفسي من الربطه طالما من لسانه الحكلام طلع:"انه خطبك من ابوك و ابوك رفض" شو تباني اجلس اسوي بعد؟ و قولي لا عاد تسال عني و لا اسال عنك كلا بحاله يروح شوف نصيبك مع غيري واشوف نصيبي الجاي من الله و ان جاك و هددك قولي بطيب ابعد عني و بدون شوشره و خلك اقوى منه و ان استمر فالتهديد مالك الا رجال من اهلك تثقين فيه يتدخل بالموضوع فاسرع وقت بعد |
