السلام عليكم يا بنات
انا صاحبه الموضوع
http://forum.sedty.com/t611625.html
وانا الحين انزل تفسير وتوضيح اكثر لان مافي حد ساعدني ولا فهم الموضوع
مع العلم اني في امس الحاجه لهذا الموضوع والي تفيدني وربي لا ادعيلها بكل صلاتي
بالتوفيق والي تبغى بعد
انا عندي مشكله الي هي زوجي يبي يجيب موافقه من الداخليه حق الزواج
وكان له عذر والوزير وافق عليه بشرط ان يجيب شهود لا يقل عن ثلاث اشخاص
حتى يتاكدو من صحه هذا الكلام والي هو طلب يد سعوديات للزواج به بس رفضو
لان نفس السبب
انا الحين ابي اسالكم عن اذا تعرفو كيف راح تكون الشهاده؟؟ يعني الشهود كيف راح يسون
الشهاده يعني وين بيروحون واذا الشهاده كان خارج المملكه كيف؟ وهل فيها حلف على القران بان زوجي تقدم لااخته او بنته فرضا؟
يا بنات انا سمعت ناس تقول لازم من المحكمه وناس تقول من الشرطه وبدون حلف
يا بنات ياربي تدخلون الجنه الي تردلي وماتبخل عليه اذا تعرف من جد انا في امس الحاجه
لهذا الشي لاني متت وابي اتزوج خلاصصصصص
وانا وصلت للموافقه وهي واقفه على الشهود
دخيلكم تكفووون يا بنات
للعلم هو في الرياض
حبيبتي ما عندي فكره
اتمنى البنات يساعدوكي
فهميني هالكلام الي كتبتة(تقدم لاختة أو ابنتة )؟؟؟؟؟هذي الكلمة مافهمتها
بعدين اذا فعلا صادق انة تقدم وخطب وأنرفض ليش مايحلف ان كان صادق !!
مايخاف غير الي """"""""!!!!!
والي رافضينه بنات بلده
وش تبين فيه
اكيد فيه عله
وعليكم السلام ورحمة الله وبركاته
ماعندي معرفة بهذي المواضيع بس حبيت أرفع لك الموضوع
شروط الزواج من مقيمه في السعوديه
عمر طالب الزواج لا يقل عن 25 سنه وان لا يكون موظف عسكري
وشروط طالب الزواج من بنت عربيه غير مقيمه في السعوديه
العمر لا يقل عن 35 سنه وان لا يكون موظف عسكري .. هذهي الشروط المعروفه في السعوديه بس حاولي تشرحين مشكلتك بشكل اوضح عشان اقدر افيدك
_____________________________
لا يا بنات انا اسال عن طريقه الشهاده في المحكمه كيف تتم في السعوديه وبس
عادي ياخذ اللي يشهدوا ويروحوا المحكمة العليا بالرياض
ويسجل شهاداتهم القاضي ويختمها وخلاص يعطيه ورقة يقدمها للوزاره
اما كيف يجيب الشهود يروح لاحد من اهله او من اللي راحوا معه في الخطوبه (بس ما يكون الام والاب والخوان )
ويقدمه للمحكمة الموضوع كله بالمحكمة
اتمنى اكون ساعدك بشي