انا في مشكلة مع ابنتي ارجو المساعدة ضروري جدا
حبيباتي السلام عليكم خواتي العزيزات والله انني في مصيبة لايعلم بها الا الله وحده ما عرفت وين اطرح مشكلتي وقلت خليني اكتبها هنا المهم انا من سكان الاردن ومناهجنا التعليمية صعبة جدا فوالله انا في كتيير من الاوقات مابفهم الدرووس وما بعرف احل الاسئلة انا عندي بنت في صف ثامن يعني ثاني متوسط او ثاني اعدادي والولد الكبيراول متوسط يعني سابع والولد التاني صف ثالث ابتدائي ، بنتي السنة هاذي للاسف راسبة في اربع مواد في الفصل الاول وابني راسب في مادة والمواد التانية ناجح فيها على الحفة والصغير ماشاء الله معدله 94 ، بنتي حساسة جدا بالاضافة الا انها بطيئة جدا في كل شيء يعني الواجب الواحد بقعد معها ساعتين ثلاث فبالتالي بتصير الساعة 11 بالليل وهي مش مخلصة مابتفهم الاشي بسرعة من اول مرة وبتلاقي صعوبة كبيرة في الحفظ وبتخاف كتير يعني احيانا في الصف بتكون عارفة الجواب بس بتخاف جوابها يطلع غلط وبتبطل ترفع ايدها او انها بتنحرج تسال معلمتها عن الشي الي مش فاهميتو خوفا من نظرة صديقاتها او استهزاء معلمتها في انها مش فاهمة المشكلة انو الوضع هاد كلو عمل عندها رد فعل عكسي على اساس انها حترسب السنة هاي وصديقاتها راح ينجحو ويطلعو على الصف التاسع وهي راح ضل في نفس الصف تعيدو وصارت تحكيلنا انا بكره المدرسة وما بحبها انا قررت اترك الدراسة والمدرسة وبدي اياكم تطلعوني من المدرسة ولما حكينالها انو التعليم عنا الزامي يعني مابنقدر نطلعك انجنت وصارت تحكي انا بكره المدرسة ومابيطلعلهم يجبروني اكمل وانا اصلا ماراح اقدر انجح لاني اساسا مابحب المدرسة هاد الموضوع صار من اربع ايام وانا مش عارفة احكي لمين ولا اتوجه عند مين علشان احل هالمصيبة الي احنا فيها ، وبالنسبة لابني المهم عندو يطلع على المدرسة علشان يضل مع اصحابو الهاملين الضايعين لابرد علي وتاخير بعد المدرسة وكذب لابعد الحدود وللاسف بحلف دائما بالله كذب لابحل واجباتو ولا بدرس واذا اجبرتو بحط الكتب قدامو مجرد منظر، انا مش عارفة يا اخواتي المشكلة وين ولا مني ولا من الاولاد هل انا فاشلة في تربايتهم لهدرجة تعاملهم مع بعض جاف جدا مابحبو الخير لبعضهم عندهم انانية مش طبيعية ابني الكبير الي بضل عاملي مشاكل لابحترمني ولا برد علي ولا معبرني اساسا بشلح اغراضو برميها في البيت اكل شيبس او اي اشي بيرمي على الارض ومابتفرق معاه في المقابل بيحاول دائما يظهر لامي ولااختي اني ظالميتو واني قاسية عليه وانو كل الامور الي بيعملها كلها كذب يعني لما بنزل عند امي انا والاولاد بيصير اي شي مش مرتب في بيتها بيصير يرتب بيصر يحكي لاخوتو لاتنعفو البيت واحكو مع بعض منيح بضل رايح جاي على امي ويحكيلها بدك اشي ياتيتا اعملك اياه بتحبي اشتريلك شي ناقصك شي ونفس الشي بيعمل مع اختي فبالتالي بطلع انا قدامهم كذابة وهو الصادق يعني بيمثل عليهم تمثيل علشان يكسبهم في صفو ونفس الشي بيعملو مع كل الناس الي بره البيت، انا بصراحة وصلت لمرحلة بطلت اعرف شو بدي اعمل ادمرت نفسيا مش عارفة كيف اتعامل معهم كيف اصلح حالهم والمشكلة الاكبر انو ابوهم مش متدخل باشي بحجة انو بروح على الستة المسى تعبان ومش حمل يحل مشاكلهم يعني بالعربي حلي عني انتي واولادك بالله عليكم دلوني شو اعمل
ان شاء الله برجع ارد عليك لاني داخلة من المبايل وبحاول انقل موضوعك الى قسم افتحي قلبك لانك هناك ستلاقي ردود البنات ونصحهم
جزاك الله خير اختي نونو وسوسو بتكسبي فيا اجر الله يرضى عليكي شكرا الك
ارجو من المشرفة دلع نفين نقل موضوع الاخت الى القسم المناسب
السلام عليكم
شوفي حبيبتي بالنسبة لبنتك اجلسي معها جلسة مودة ومحبة اظهري حبك لها وانصحيها بان البنت لازم تكمل دراستها وتكون مثقفة ويفيدها هذا بحياتها اليومية وفي المستقبل يفيدها بان تكون شريحة نافعة بالمجتمع
وان لا تخجل من المدرسة والبنات اذا مافهمت شيئ بالعكس عليها ان تسأل عن اي شيئ لم تفهمه وان تشجعيها على ذالك حتى اذا تتطلب منك ان تذهبي لمعلمة بنتك وتقوليلها عن ظروف بنتك وكرهها للدراسة يمكن تشجيع بسيط من المعلمة راح ترفع معنويات بنتك وتشجعها على الدراسة ساعديها بالدراسة بالي تعرفيه اوسويلها دروس خصوصية
الصبي ايضا نفس الشيئ وياريت الاب يتكلم معه ويحذره بالعقاب اذا رسب هذه السنة لانه من كلامك واضح انه مي يخاف منك او اذا كان يتاثر ويحب جدته وخالته اطلبي منهما يقومان بالنصح والاهتمام بالدراسة ويتكافئ اذا نجح بالهدية الذي يريده هو
كوني صارمة معهم حتى لا يتركو المدرسة
وبالنسبه لكذب ابنك ورمي الاوساخ في البيت عوديه على النظافة واذا لم ينفع اتركيه على حاله لانه بفترة حساسة من العمر
واخيرا اتمنالهم الخير ويكونون اولاد بارين لكم والله يصلح حالهم ودائما ادعيلهم في صلاتك موفقة اختي
جزاك الله خير وشكرا الك على جميع نصائحك اختي نونو وسوسو وان شاء الله راح اشتغل فيها على الاولاد واطبقها وباذن الله الاقي نتيجة طيبة كل الشكر لكي حبيبتي
اولا : لا تكوني تتكلمي عليه قدام الناس لانه راح يزيد يعذبك اكثر كوني امدحية في اشياء هو لما يسمعك تمدحية راح يتغير ويبدأ يعمل الاشياء الي مدحتيه فيها
ثانيا : حاولي انك تكلميهم بخصوص الدراسه انو ماراح يفيدهم غير شهاداتهم
ثالثا بالنسبه لبنتك شجعيها وممكن تستخدمي معاهم العطاء الي بيعمل كذا اعطيه كذا راح يداومو على دراستهم
رابعا : انتبهي توعديهم بشيء وما تنفذيه لانهم راح يعندوا اكثر ويهملوا مرة ثانية .
اتمنى اكون افدتك بشيء ..
تحياتي والله يهديهم
الله يخاليهم لك اولاً
وبعدين كلهم يمرو بهيك ضروف يعنى انتى حالياً لازم تشجعيهم