بسم الله الرحمن الرحيم
خواتي بدخل في الموضوع على طول لاني متضايقه وقلبي محروووق
ومدري شسوي
انا الان بالمستشفى ربي رزقني بحمل بعد 5سنوات
اول ماجيت قالوا في الدم طلع هرمون حمل بس بالسونار مو شايفين شي
ولازم تنامين عندنا لسلامتك ودخلت المستشفى وقلت على الله
ومن دخلت تخويف وتخريع واللي يقول حمل مو طبيعي واللي يقول خارج
الرحم مافي الا سحب دم وتحاليل اول شي قالوا نسبة الهرمون 1400
بس تزيد شوي حملك طبيعي وانتي في البدايه طيب سويت تحليل ثاني بعد
يومين صار 1740 وفرحت بس الدكتوره قالت لا ارتفاع الهرمون بطيء
قلت بطلع على مسؤليتي قالت ماتطلعينيصيدك نزيف ولا الرحم ينفجر
تطيحين وتموتين وتنامين وماتقومين بذمتكم هذا اسلوب وقلت لها اجل ماراح اطلع
ونزلوني اشعه مره ثانيه عند دكتور وفرحني الكتور قال حملك توه في البدايه
وشاف كيس الجنين وطمني وارتحت قال شلون يخرعونك كان ممكن تروحين فيها
وقلت الحمدلله وتجي الدكتوره وتقول بنعيد تحليل الهرمون وعادته ارتفع
الى وزياده عليه واللي حطمتني اليووم تقول الحمل مو طبيعي
ولازم تنزلينه لازم الهرمون يرتفع بشكل مضاعف وتبي تعطيني ابره عشان
اجهضه وانا مو داعيني قلبي احس مو مطمنه فيدوني الله يجزاكم خير
وعلى فكره ترى مستشفى الولاده والاطفال اللي بالدمام فامه على الفاضي
والله لاعنايه ولا اهتمام يعني انتي تروحين برجلينك للتهلكه ,,,
والله تعبانه ايماني بالله كبير بس مابي اخسر جنيني ومو عارفه شسوي
تحياتي
الله يهون عليكي حبيبتي بس فعلا ادا نسبة الهرمون ماتضاعف كل 48 اسنة يكون حمل خارج الرحم بس الله واعلم سبحانه يغير ما في الارحام صبري شوي وعيدي تحليل مرتين وشوفي النسبة والله يرزقك الدرية الصالحة المعافات حبيبتي وبنسبة للمستشفى دوري مستشفى زين
اختى لو الكيس باين والهرمون بيرتفع مافى داعى للقلق وباذن الله الله يقر عينك بيه هو الخوف لو كان حمل خارج الرحم بعيد عنك يارب وعن كل المسلمين فلازم تتاكدى انه خارج الرحم لانه اذا كان كده لاقدر الله لازم عمليه تنضيف والا هتتاذى والله يجعله حمل صالح وادعى الله وهو المعين وبه نستعين وقولى يارب يسرلى الحمل الصالح والله يحفظهولك يارب ويقر عينك به
غاليتي…
لاتتسرعين وتوافقي تنزلينه اصبري وان شاااء حمل سليم..
في بناات من أهلي صاار لهم مثل ماصار لك والله انه طلع
حمل عاادي وولدتها بعد 9 شهور لا توافقي ياقلبي قبل
ماتتأكدين عشاان ماتندمي …
لا لا لا لا
لا لا لا لا تنزلينه ماعليك منها خليها تبربر على نفسها 
لا تنزلينه
مهما كان ماجاك الحمل وبعينك القطره اصبري واتبعي اللي اقولك عليه
واذا طاح او مات
من نفسه اعرفي انها رحمه من ربك اول شي اكثري من الاستغفار بنيه انه ينجي ضناك
ولا تتركين صلاه الليل لو تسليمه وحده ويوميا اقري سوره البقره لو تتعيجزين فرقيها على ثلاثه
ايام وابشري بالخير ياحلوه 
والله يحفظه لك ياما قالوا لغيرك انه حمل مو طبيعي وجابو اطفال سليمين
وبشريني ايش يصير معك بس داومي عند دكتورتك عشان تطمئنين واستخيري اذا اصروا عليك
تجهضينه والخيره فيما كتبه الله وادعي بكل خطوه لك بسلامه جنينك وودعيه الله 000 وطمنينا عنك
حبيبتي……………….لا لا تنزلينه..الله يتمملك ع خير…موفقة
شكرا لكم حبيبات قلبي لمروركم وردودكم المطمئنه
وانا طلت من المستشفى ورحت لطبيبتي في مستوصف السلام وكشفت علي وقالت كيس الجنين موجو بالرحم
هذا معناه في حمل ماراح نستعجل ونزله وعطتني حبوب فوليك قالت داومي عليه
الهرمون ان شاء الله يتعدل وعطتني موعد بعد 10 ايام نعيد التشخيص والتحاليل
دعواتكم لي اخواي في الله
يالله يتمم علي حملي ويرزقني اياه سلم ومعافى ويرزق كل محرومه ومشتاقه للامومه
امين يارب العالمن
خلاص اذا هرمون الحمل يرتفع ماعليك منهم وكلي امرك لله عز وجل