آآآآه يالقهر وش اقول ولا وش اتكلم
انا بحرينيه والخاين زوجي لبناني الاصل لكن ابوه لجده انولدوا في البحرين
تزوجته عن خطبه طبعا وماسمحت لنفسي بيوم اني اتزوج عن حب لاني كنت خايفه لو تزوجت عن حب يكثر الشك بيننا و يمكن يلجأ لبنت غيري
كنت بالبدايه سعيده بحياتي معاه كان عكس ازواج خواتي كان يمشيني و نطلع سوا نروح المطاعم وكان يفاجأني بتذاكر لاماكن حجزها بالبحرين نحتفل فيها سواء بمنافسه او لا
ظلينا على هالفتره سنتين وبعدها جاتني صدمه لان كلشي تغير بدون تمهيد ومره وحده تغير وقلب علي
حاولت قد ما اقدر اتقبل الموضوع واسكت واكتفي بالسنتين اللي عشتها كانها دهر
صار يبتعد عني بالفراش و كنت دائما اتسوق مع اختي واتشرى اكثر الملابس اغراء و اكشخ له لكن كان يقولي تعبان بنام والاقيه نايم بالصاله بالصبح ولما اساله يقول لي لا انا صليت الليل ونمت بالصاله و كان قليل من الشك يصيبني بذيك اللحظات
كنت اتسوق وياه نتشرى احتياات المنزل الحين صار يتسوق بنفسه و يجيب الاغراض ناقصه ومره بالغلط نسى الفاتورة اقسم اني شفت بالفاتوره اشياء مو بالاكياس
شفت مسجل شبسات و جواهر علب و نوتيلا واسكريمات و اشياء كثيره يمكن تتعدى 25 دينار بحريني يعني 250 ريال سعودي
صارحته بالموضوع وكذب وقال انه راح لدار الايتام و عطاهم كهديه و ماتشوفون شلون فرحت لكن عاتبته ليش ما اخذني
انا كنت اشك انه يكلم بنات و ساكته وصابره و ادعي ربي يصرفهم عنه
قبل اسبوع بالتحديد الخاين كان رايح المول وانا ببين اهلي وكنت طالعه مع بنات عمتي وماخبرته لان تلفونه مغلق و طبعا علاقتي مع بنات عمتي استغفر الله بس غيره و غرور مع بعض ونتبادل الشعور ومعانا خواتي طبعا
صدقوني اني شفته مع بنت صغيره يمكن عمرها 17 سنه و ماسك يدها ويتمشون والوضع عادي
وكانت معاي بنت عمتي وهي الوحيده اللي شافته وماقالت لاحد لكن كل ما يذكرون سيره زوجي ودلعه لي تضحك باستهزاء و تبتسم ابتسامه تصصصهر القلب من القهر
رحلت لبيت اهلي و هو يترجاني ارجع له و قالي انه بيترك علاقته مع البنت وانا خدعته ومن هالكلام الفاضي
يااااه كم كذبه قالها وصدقته و المشكله كذبه يكن يرتبط باشياء في الدين واصدقه
و ابوي مايبيني ارجع له وامي تقول لي لاتصيرين مطلقه و هو يتزوج بعدج و يستانس ورجعي له
انا كرهتتهههه خلاص شكله مقزز صار بالنسبه لي
كل ما اشوفه مثل الشبح اتخيله بقميصه المفتوحه ازرته الاوليه و شعره الطويل اللي صدقني اول سنتين من زواجنا كان مخفف ووسيم و انيق بكل شي لكن الحين مادري مادري
هي صعبه بس اختي ما دام رجع وبدو ياكي وراح يتركـ البنت فرجعيلو
ولا تخربي بيتكـ على شان بنت ما بتستاهل
بس ,, مو بسهوله ترجعيلو افرضي عليه شروط على شان ما يعيدها او يكررها ,,,
توكلي على الله وربي يسهلك اموركـ
استغفر الله العظيم واتوب اليه
الله يعينك اختي و الله حاسة فيك الخيانة كثييير صعبة بس مدام إجا و اعتذر ليك خلاص لا تخربي بيتك ارجعلوا بس بالشرووووط مشااان ما يعيدها تاني. و الله يفرجها عليك و علينا كلنا يا رب.
حاولي ترجعي وضعي شروط لرجعتك ومن بينها يغير مظهره ويرجع مثل اول
ادا شفتيه نادم ويتعامل معك مثل اول الله يوفقك ولو حسيتي انه ماتغير ومازال يكدب وووو اتركيه
لاتهتمي لكلام بنات عمتك طنشيهم وعيشي حياتك
الله يوفقك
– السلام عليكم ورحمة الله وبركاته "
– الخيانة مرره صعبة أختي لكن مدام جاء وأعتذر أقبلي أعتذاره وأشرطي أنه ما يكلم بنات ثاني "
– والله يرجع لك زوجك الأول اللي يحبك وتحبنه ولا يجيب بينكم المشاكل "
– وبالتوفيق ياقمر "
انا اقوول استخيري
واجلسي في بيت اهلك فتره اطول وشوفي حالته هل راح يسئل عنك ويداريك ام بيطنشك ويعيش حياته
وانتي بعدها
قرري
لحظة لحظة
عمرها 17 !!
وانتي كم عمرك !!!
خيييييييير تسلمين بيتك وزوجك لمراهقه
ياربيه اكره الزوجات الضعيفات
طيب خانك اوكي لكن واضح متمسك فيك
انتي لو مثلا جاك عدو بياخذ ارضك تسلمينه ولا تحاربينه!
طبعا تحاربينه هذا اذا كنتي جبانه هذا شي ثاني
ياختي قسم بالله مرتفع ضغطي مراهقه تسلمينها زوجك وتجلسين بالبيت مطلقه !!! انتي واعيه
يعني تراك امراه مثلها وين كيد النساء !!! ماعندك
انتي زوجك تعرفين مفاتيح قلبه واكيد في اشياء دوريها بنفسك ليش تركك وخاصه بالفراش <<< لان قلتي هاجرني
ارجعي لبيتك ارجعي لحظنه غصبن على الكل
مو تبكبكين علشان بزر ونونو عمرها 17
يعني بالله عمرها 17 جابت راسه وانتي !!!ماتقدرين!!!
اقولك نصيحه صلي ركعتين استخاره وارجعي لزوجك
وابدي اشتغلي بذكاء
لاينام برا الغرفه لو ماصار علاقه لان هذا اكبر غلط لو تروحين معه الصاله لان بيسبب مسافه
وشوفي انتي نفسك من ناحيه العلاقه متوسعه او عندك التهابات اي شي روحي لطبيبه ضروري
وروحي لمقالات ناعمه الهامشي شوفي زوجات ازاوجهم خونه ومع 20 بنت كيف قدره الزوجه تقيد زوجها وتجيبه له وتنتصر على الاعداء وعلى زوجها وعلى نفسها وصار مثل الخاتم
وانصحك اطلعي على بوصله الشخصيه وادرسي شخصيه زوجك والبنت المفضله له طبعا هذا بموضوع الدكتوره ناعمه الهاشمي
لان الحين العاشقات يدرسون اي رجل يبونه ويتعرفون على المراه الي بعقله ويطبقونه وكذا يسرقونه
سسسمعتي لاتكونين ضعيفه تحبينه وهذا زوجك مو زوجها هذا حبيبك مو حبيبها تسلحي بالصبر والحكمه وادرسي شخصيته ومفاتيح قلبه
وشوفي نفسك داخليا وخارجيا ضروري
وبدايه زواجك شوفي الاشياء الي كانت تعجبه وماصرتي تسوينها
وعليك الدعاء ثم الدعاء
لاتكونين غبيه تسلمين بيتك وزوجك لطفله
+
اطلعي على قصه (( ام بسمه مع الدكتورت ناعمه الهاشمي وكيف قدرت ترجع زوجها لها بذكاء وبصبر وتنتصر على العشيقه))
للعلم
ترا احيانا الرجل لايخون ولا يبدا به
قد تكون المراه الخبيثه تخطط عليه وتدرسي شخصيته والمراه التي يحبها وتسحبه له
وتكون زوجته ناقصه الغنج او الاهتمام او اللبس او ريحتها او مهمله نظافه شخصيه بالعلاقه مو مثل ببدايه زواجه منها !
ويقوده نفسه والشيطان لها
وتجي الزوجه الغبيه تسلمه لها على طبق من ذهب
واول خطا ارتكبتيه تركتيه ينام برا الغرفه
اول خطوه اذا جاء اعتذر اشرطي عليه مايخرج برا الفرفه
وعاد ابدي شغلك جيبي ورقه وقلم وشوفي الاشياء الي يحبهازوجك فيك وبعدها صرتتي ماتهتمين فيها!!
وروحي لطبيبه نسائيه شوفي نفسك اذا عندك الالتهابات او شي دام قلتي يبعد عنك او ريحه فمك وكذا
واعلمي اشتغلي بثقه ( انك واثقه فيه انفخيه قولي انا اثق فيك لاني كذا رجعت لك وعززيه نفسيا لان كلماتك بتجلس بقلبه وعقله )
تراه يحبك دام يبغاك خليها باذنك
ﻻن اسهل ماعند الرجال الطلاق والزواج
خليك ذكيه حبيبتي
ثم عاد ادرسي شخصيته من بوصله الشخصيه والبنت الي يحبها
واقوى سلاح الدعاء الدعاء واكثري من الاستغفار
اقري البقره ببيتك كل 3 ايام بنيه التصحين والموده
وش يدريك يمكن عين حاسده بعدكم بالفراش واهمل نفسه كل شي جائز فانتي اعملي بالاسباب واستعيني بالله
خليك ذكيه حبيبتي واذا حابه تتواصلين خاص
واسال الله ان يجمع شملكم ويحفظكم