السلام عليكم ورحمة الله وبركاته
بنات مشكلتي بدت من بدايه زواجي يعني من سنه وجم شهر
اول ماتزوجت اكتشفت ان زوجي عصبي جدا لدرجه تصل الى الضرب
تحملت اول شهرين وقلت ان اطباعنا تختلف ولازم هالاختلاف
لكن استمر الوضع وصار كل مايعصب يبدا يضربني ويكسر اي شي قدامه
واللي زاد الامر سوء اني حملت بعد شهرين وكنت جدا تعبانه
ولكن هالشي مارحمني منه حتى وانا حامل كان يضربني
ويشدني من شعري وحتى استخدم الركل على الظهر 🙁
والكل يعرف الركل شنو يسوي بالجنين
صار معاي نزيف ولكن الحمدلله ما اثر ع الجنين
صارت اقامتي معاه غير مستقره يعني اسبوع عنده واسبوع في بيت اهلي
وتخيلو الوضع ما اطول عنده اكثر من اسبوع ومر على هالحال سنه
حتى ملابسي من اول ماتزوجت واهم في شنطه ما احطهم بالكبت او الدولاب
لاني عارفه ومتاكده اني بيرجع لبيت اهلي وبترجع مأساتي
كل ما ارجعله واسامحه ويحلف انه مايضربني يرجع يمد ايده
والحين عندي بنت عمرها شهرين واخر مره قررت اني ما اردله
طلبت الطلاق لكن اهو مارضى حتى ابوي كلمه ولا راضي يطلق
يقول انا شاريها !!!
في الحقيقه اهو مستعبدني مو شاريني
وبيني وبينكم بنات انا احبه موت وتزوجنا عن حب
وما اتخيل نفسي مع غيره ولا اتخيله مع وحده غيري
لكن …
كرامتي اهم من حبي ولا حبي اهم؟
ساعدوني ولاتبخلون علي بنصايحكم 🙁
شنو اسوي ؟
اروح المحكمه واخلعه ولا اردله؟
المشكلة بالكرامة ولا بالالم.؟؟
الله يهديكم
والله عورتي قلبي 🙁
والله عجيب امرك
شلون تحبين واحد يضربك بقوة وانتي حامل ؟
الحب لما يوصل لهالمرحلة يسمى مــــــرض
الله يصلح الحال بس
طبعا حبيبتي اهم شي عند الأنسان كرامته
وبالتوفيق
|
المشاركة الأصلية كتبت بواسطة حب بغداد
 المشكلة بالكرامة ولا بالالم.؟؟
الله يهديكم |
بالاثنين يا اختي
|
المشاركة الأصلية كتبت بواسطة غــرور
والله عورتي قلبي 🙁
|
يسلم قلبج بس قلبي يعورني اكثر
|
المشاركة الأصلية كتبت بواسطة شيهااااااااانه
طبعا حبيبتي اهم شي عند الأنسان كرامته
وبالتوفيق |
اذا طلبت الطلاق بتأذى وبحوس بالمحاكم
لان اهو مايبي يطلق من نفسه
اقل شي بقعد 5 شهور معلقه ع ماتمشي القضيه