انا مو مستعجله على الزواج ولا شي
لكن صار عندي احساس اني بشعه درجه اولى
الحق ينقال اختي الي اصغر مني احلى مني بيضا وبشرتها صافيه تقريبا وجسمها مرسوم
انا مشكلتي بشرتي تعبانه وجسمي نحيييف مرأ لكن شعري احلى منها
طويل وكثير هي متعبه شعرها بالقصات والصبغات
انا تاركته على طبيعته اسود وناعم
ملامحنا زي بعض تقريبا اللهم الجسم يفرق
معقوله الشعب السعودي للحين يحبون المليانات
مع العلم اني افهم منها بامور البيت واغراض المطبخ
انخطبت اربع مرات وانا مره وحده بس
ولله اكتئبت كثير وتضايقت هو مو قصة غيره منها بس انقهر ليه يعني مو شايفيني انسانه وعندي مشاعر يجون ويخطبون اللي اصغر مني وانا صفر على الشمال مع انها للحين تدرس وانا خالصه جامعه ومعاي دبلوم حاسب يعني مو قصة تعليم وثقافه
انصحوني تكفون وش اسوي 
ي قلبي السالفه سالفة نصيب لااكثرر
فيه شباب يحبون البنات النحاف وفيه
من يفضل البنات المليانات ..!!
وبعدين ي قلبي لو اللي خطبوها شافوها
اقول ممكن انخطبت اختك ع شكلهاا ^^
لكن مثل م قلت لك النصيب اللي يحكم لا جمالها
ولا جسمها ولا بياضها يحكم …!!
لاتستعجلين ع نصيبك والله بيرزقك
وترا الوقت هذا عادي سارن البنات الصغار
يتزوجن قبل الكبار يعني لا تتحسسين من هالموضوع ابدااا خليك ايزي …!!
ومثل م ربي جاب لهااا نصيبهاا ربي بيجيب لك نصيبك
ونصيب كل بنت ب هالدنياااا ^^
لاتتضايقين ادري ان السالفه كلها مو سالفة
لاغيررره ولاحقد كل السالفه سالفة حساسيه لااكثر …!!
ربك كريم ي عممري وربي يسسعدك ويسعدك كل بنت
و يرزقهاااا ب الزوج الصصصصصالح ي ررررب ^^
لاتتحسسين من الموضوع عاادي كله نصيب يالغلاا
الله يرزقك ويرزقني الازواج الصالحين يارب
كل انسان ياخذ نصيبه الرزق من الله
ياقلبي الرازاق بالسماء وهذا كله نصيب قبل ماتطلعين على الدنيا مكتوب مين نصيبك واختك مكتوب مين نصيبها يعني كل شي مكتوب عند الله من الولاده للممات بس محد يعلم الغيب الا الله وترا كل هذا خيره ماتدرين يمكن الرجال الكفؤ باقي ماجاك استني وربي يرزقك ياقلبي
يا حلوه لاتخااافين والله بتزوجين في اليوم الي مقدره رب العالمين بعدين انتي مشاء الله تبارك الله متعلمه وفاهمه ان الدنيا رزق والزواج قسمه ونصيب يعني الحين اذا ماتزوجتي لاسمح الله تكرهين نفسك وحياااتك وش دراك يمكن انتي ملاك ويجي احد مايستاهلك فديتك لاتزعلين ابد وانشاء الله تنزفين قريب يااااارب وتصيرين انتي واختك الصغيره احلى عرايس وشوفي انا لما الحين ماتزوجيت وعااااادي اصلن يالبى العزوبيه
ياعمري ادعي لها بالتوفيق وهذا نصيبها وربي اللي كتبه وكثري من الا ستغفار وراح تشوفين ان حالك بيتبدل من حال الى حال وربي يوفقك ويوفق اختك
الله يوفقك ويرزقك الزوج الصالح وكل بنات المسلمين