السلام عليكم ورحمة الله وبركاته
مو عارفه من وين ابدأ مشكلتي .. لكن شي كبير بقلبي وودي اقوله.. يعلم الله اني اكتب لكم ودموعي على خدي..
انا بنت عمري 20 سنه الحمدلله ذكيه ومتفوقه وعلى قدر من الجمال.. لكن فيني انكسار فضيع وثقتي في نفسي معدومه
وهذا يرجع لأشياء كثيره اولها معاملة اهلي وعشان ما اكون ظالمتهم انا حساسه اصلا .. من صغري وانا اشوف التفرقه بين
الذكر والانثى بعيلتنا.. امي تفضل اخواني علينا بدرجه كبيره تدعي علينا وتزعل منا على اتفه شي.. واخواني لهم
كل الاحترام والتقدير و(الخدمه).. نعم الخدمه! كل شي يبونه لازم تنفذينه والله يا بنات ما ابالغ لو اقول لكم اني احس
بأني (شغاله) ببيتنا.. وفوق كل هذا ما نلقى احد يقدر تعبنا.. ومره واحد من اخواني اتهمنا بشي انا واختي احنا بريئات منه
امي صدقته بدووون نقاش وجات تهاوشنا وتدعي علينا.. ولد اختي اللي عمره 5 سنين يرفع صوته علي وتوقف معاه
لانه(ولد) وانا(بنت) يعني بقاموس اهلي (البنت=ولا شي).. غير ابوي اللي عايش بعالم ثاني.. ماسك على فلوسه
حتى المصروف صار غصب يعطيني.. مايسأل عن دراستي الا بـ(الصدفه!).. وزمان كان على طول هواش مع امي
لدرجة صرت معقده من شي اسمه زواج .. واخواتي اللي يتهموني بالمبالغه في ردة الفعل والحساسيه الزايده!..
والله يا بنات انا من عوايدي إذا بأبكي أبكي ولا اكلم احد من اهلي لانو ادري ما بألقى الحضن اللي يحتويني والاذن
اللي تسمعني.. ومع كذا يستهزءون بحساسيتي مع اني ما شكيت لهم!.. واخواني اربعه ما اتكلم واسولف الا مع واحد بس
الباقين عايشه معهم مثل الأغراب حتى السلام ينعدم بيننا بعض الأحيان!!.. بالمختصر اهلي بعيدين عني كل البعد..
وهالشي أثر فيني لدرجه فضيعه وسلبيه جعلتني ايقن اني(مريـــضه نفسيـــاً و فـاقده حنان).. عندي فراغ عاطفي كبير
خلاني اتعلق بمعلمه بالثانوي لدرجه جنونيه و(مرضيه) لاحظها كل اللي حولي!..ولما طلعت للجامعه صرت ادخل الشات
واسولف مع شباب وحبيت اثنين..وتعلقت فيهم.. بس اخر شي اكتشفت ان هذا كله بسبب الفراغ العاطفي الكبير اللي فيني
بس ربي يشهد علي اني ما كلمت واحد منهم بالجوال او اعطيته ايميلي بس بالشات وعارفه ان هالشي غلط.. والحمدلله تركته
اصبحت حياتي (جحيم لايطاق).. كل سنه اسوأ من اللي من قبلها.. حالتي تتدهور..اعيش في عزله وانطواء بعض الاحيان ودي اموت بس
لما اتذكر ذنوبي استغفر .. مابي اتعذب بالدنيا والاخره.. الحمدلله ربي منعم علي باشياء كثيره ومابي اجحد النعمه
بس اهلي ومعاملتهم وشخصيتي الحساسه تدمرني يوم بعد يوم.. انا صرت احقر من نفسي لاني تربيت على مبدأ
(الرجل كل شي والبنت ولاشي).. احتاج لمعالجه نفسيه.. احتاج لحضن يحتويني.. احتاج لشيء يجعلني اغير فكرتي
عن الرجال..لاني صرت اكره شي اسمه (رجل)..احتاج للثقه لان ثقتي بنفسي منعدمه تماماً
ادري طولت عليكم لكن ابي المساعده منكم بعد الله.. الرجاء عدم اهمال موضوعي..وشكراً
بصراحة ماادري وش اقولك ساااااااااااامحيني كلامك عور قلبي ورجعني لشئ ضنيت اني نسيتة اتمنى البنات يفيدونك بصراحة ماني قادرة اكتبلك حل لمشكلتك
والله مادري وش اقول غير الله يفرج همك …. انيــــــــــن
وعليكم اسلام وارحمة والإكرام
لا اله الا الله
ماشاء الله عيك 20 سنة وعاقلة .. ومدركة وين غلطك ولخصت المشكلة وعممت كل شيء
هذا يدل إنك متزنة مو مريضة نفسياً يا قلبي
أحب اطمنك امك تحبك وكل الأمهات كذا بالتربية وانتي بعد لما تكبرين بتكوني كذا مع بناتك
والبنت حساسة بطبيعتها وعلىاي شيء تبكي لا تحزني راح تاخذي شوية وقت .. وتعرفي هذا مع الزمن
ربي يسعد قلبك يالغلا.. إبوك ملزوم فيك كلميه وطلعيه من عالمه الثاني بالنهاية الأب يحب أحد من عياله يسأل عنه و يحس انكم ترعونه وبحاجة له لأنه هو برأسه أن امك بعدتكم عنه أو أنه ما عنده عيال بيسألون عنه الا يبون فلوس وبس .. وهذا مو صحيح حسب ما فهمت منك ..
أما مسأل الشات والخرابيط هذي ما عجبتني أبداً وأستغفر الله لي ّ ولك يالغلا
أنتبهي على نفسك وصونيها تراك غالية جداً وأغلى من أي ألماس موجود بالدنيا كلها
اعرفي قيمة نفسك عند الله ربي أكرمك وخلقك انسان خلقك انثى مو معناها انك ضعيفة أو عيب
خلقك لتكون مصانة ومكرمة عند نفسك قبل اي كائن كان
غاليتي معاك حقك جميل أن تجد من يتفهم مشاعرك واحساسك وأن يترك لك مجال التعبير
ابتدائي من الآن بالتغير وربي يوفقك بدراستك ويحقق لك كل أحلامك .. إنتي ازرعي الإحترام بقلب من حولك
سلمي حتى ان ما ردوا السلام ابتسمي بوجه الكل لأنها مفتاح تصالحي مع امك .. وما فيه أسهل من فتح قلب الأم صدقيني ..
ربي يسعدك أي خدمة أنا حاضرة باذن الله
السلام عليكم
ياقلبي والله حاسه بيك … ربي خلقنا من اجل عبادته ولم يخلقنا لشئ غيررره … ليش تزعلي علي الدنيا ووهي ماتسوووي عند الله جناح بعووضه
لالاتبحثي السعاده ووالحب من البشرر ابحثي عنها في الصلاة وقراءة القران والدعاء .. هل تعرفي لماذا ؟؟؟ لان رحمة الله ووووسعة كل شئ …. هو ارحم من امك وابوك عليك …
راح اعطيك حلول في نقاط ويارب تستفيذي منها:_
1_بالنسبه لحب والدايك والفراق بين البنات والشباب اغلب العائلات هكذاا ووهذاا بسبب جهلهم بالشرع
2_وبسبب جهلهم انتي واضحي لهم (
لساتك صغيره حبيبتي
والعمركله يارب
بس انتي لا تهزي ثقتكــ بنفسك
وخلي أملك با الله كببير
ان شاء الله يرزقك الزوج الصالح الحنون فيكــ
الله يوفقك اختي
اتمني لكٍ السعآآآآآدهـــ
راح اعطيك حلول في نقاط ويارب تستفيذي منها:_
1_بالنسبه لحب والدايك والفراق بين البنات والشباب اغلب العائلات هكذاا ووهذاا بسبب جهلهم بالشرع
2_وبسبب جهلهم انتي واضحي لهم (ياامي ليش هذا الفرق البنت بشر مثل الرجل ياامي انتي الست امراءه مثلي )
3_لالاتفكري انك اذا خدمتي اهلك اناك شغاله لالالا والدايك لهم حق عليك ووهذاا واجب عليك اذا احتسبتيه لله ربي يأجرك عليه لالاشئ مع الله يذهب هباء كل عملك وووتعبك تجديه في ميزان حسناتك
4_حبي نفسك وطلعي نفسك منهذا الحزن والبكاء الذي لن يحل مشاكلك انتي لما كتبتي مشكلتك هذه اول خطوه انك تبي تغيري من نفسك وووهذاا شئ طيب
5_لالالا تكلمي شباب هذاا حرااام ماراح تستفيذي شئ غير الحسره لو كان فيه خيررر كان جلس يصلي او يقراء قران ووولايكلم ويلعب علي بنات الناس
ضعي هدف في حياتك واذا كان عندك احلام خليها تتحقق بعزيمتك وووصبرك
مثلا انك تحفظي القران وتحسني صووتك في القراءه ااوو مثلا خذي دورات بالتطريز او اشغال يدويه او تشتغلي بحاضنة الاطفال
بسم الله الرحمن الرحيم
أختي الغالية انا عمري أيضاً 20 سنة وحاسة بكل كلمة تقولينها هنا .
أحب أريح قلبك غاليتي .. أنها ما ضاقت إلا لتفرج ..
فعلاً أحيانا الأهل يكونون بالطريقة هاذي وأحياناً أخس ,,
ليشش ماتفكرين معاي بالمشكلة وعقدها ..
أول عقدة : تفضيل الأولاد عالبنات ..
طيب لو فكرتي بطريقة ان الشعب السعودي بشكل عام يعتمدون عالولد بكل شي تقريباً .. وصدقيني لو سوينا إحصائية بتلقين نسبة كبييييرة نفس الشي . عندهم الولد غير ..
طيب أكيد هالشي يقهر بس ليش ماتقابلين هالشي بابتسامة .. ممكن بعد تكسبين أخوانك بأسلوبك . وقتها راح تكونين بالصورة غصب .. خلي أخوانك يحسون بوجودك .. حسسيهم أنك مفتخره بوجودهم وانك تحبينهم وتعتمدين عليهم .. ترى الرجل أحب شي له أنك تحسسينه برجولته ..
ولاتنسين الأسلوب أهم شي الاسلوب ..
نجي لثاني عقدة : دراستك حتى لو ما احد سألك عنها ترى دراستك لك … ولا نكذب على بعض ونقول لاهلنا ولا لأحد .. كل هذا لك .. يعني خلي من اليوم ورايح أنتي المتحكمة بحياتك انتي الوحيدة اللي تقدرين تكتبين قصتك .. صدقيني أنتي اللي تقدرين .. خليك واثقة من نفسك .. فكري بينك وبين نفسك أنا عمري 20 سنه كبيرة وعاقلة تجاوزت سن الرشد .. انا فاهمة وضعي وعارفة اني قوية وقادرة أتحكم بحياتي في ظل هالظروف..
أرضي ربك ثم والديك ثم نفسك ..
حتى لو أهلك ما أرضوك .. أنتي سويتي اللي عليك .. وبوضعك هذا عيشي حياتك باستقلالية .. وبعدين ماشاء الله انتي قلتيها " على قدر من الجمال " يعني كم سنة وانتي عروس .. لاتتضايقين ولاتخافين من فكرة الزواج .
لأنك مو مثل أبوك ولا مثل امك .. أنتي فاهمة وعاقلة وباين من أسلوبك أنك بنت تتمتعين باحساس وذوق .. هالشي لو تستغلينه بتتغيرين .. أنتي بس حاولي تركزين على نفسك أنتي وبسس ..
ارسمي طريقك وأكتبي قصتك بنهاية سعيدة .. ابتسمي يا عزيزتي حتى بأصعب الأوقات . فما وضعها الله لك إلا لأنه يحبك و يريد مجازاتك على صبرك واحسانك .
اسأل الله العظيم في كتابه الكريم أن يفرج همك ويسعدك في الدنيا والآخرة وان يجعل ابتسامة مشرقة ترسم محياك من حياتك الدنيوية الى خاتمة أعمالك ..
أختك : Q.MeMa