السلام عليكم ورحمته الله وبركاتو
انا ام لاربعه بنات وولد الله يحفضهم لي
تزوجت وانا صغيره عمري كان 13سنه وحملت ببنتي الى عمرها الان16وكانت اصعب ولاده لاني كنت صغيره سحبوهاباجفت 
اتخيلو وربي كنت طفله
المهم راح ابدا المشكله الحمدلله اننا عايله محافضه واخاف على بناتي بس في يوم من الايام الله لايعيدهاراحوبناتي عند اهل زوجي وانامارحت كنت تعبانه ووصلهم عمهم الين بيتي وكانو معاهم بنات عمهم وهما مره ناس متفتحين جات بنتهم الكبيره تقولي خلي البنات يجو عندنا وانا مارضيت وزوجي مارضي صاريبكو ويقولو كلكم تكرهوننا ليش احنا بنات مو كويسات ومن دا الكلام ليين زوجي رضي يخلي البنات يروحو عند عمهم المهم كانو البنات جالسين على الاب توب وبنت عمهم جالسه على ايميلها نامت وخلت الاب توب مفتوح والايميل شغال المهم وكانت بنتي على ايميلهاتكلم صحباتها المهم جاءاخو البنت طلب من اختو شاي وبنتي ردت على الايميل وقالتلو اختك نايمه انا بنت عمك الي هي بنتي المهم اتكلمو مع بعض وهوصغيرعمرو18الهم قالها انا احبك وهاتي ايميلك وبنتي ماصدقت اعطتو ايميلهاومن بعدها وبنتي متغيره عليه طول وقتها مسرحه وجالسه بسريرها ومعاها دفتروقلم او يكون عندها الجوال كم مره اكلمها تعصب او تسوي نفسها نايمه مع انو بنتي كانو يضربو فيها المثل من ادب واخلاق وكانو يقولو البريئه زي كانها طفله
وفي يوم رحت افتش دولابها لقيت رساله لولدعمها وكاتبه حبيبي انا ماقدراكلمك عشان اهلي وادا تبغى شي كلمني على جوالي اوايميلي خلاص انا انصدمت ولقيت روايه هي كتبتها وهي البطله وولدعمهامعاهايعني الفت قصه رومنسيه عنهم والله انا مره مصدومه مع انو والله جوالها اكتر الاحيان معايا ولايميل اقدرافتحو
وهي جات تقولي بعدماراحتلهم بشهر وقالتلي ماما ماقدر اخبي شي عنك وقالت انو كلمهاعلى ايميل وانهامسحت ايميلو
بس حكايةالورق وانها متغيره جديده وربي اني مره مهمومه قلت لزوجي
وقلي اسحبي منها الجوال وامسحي ايميلها
بس الين الان احنا ساكتين ماني عارفه ايش اسوي
الله يستر على بناتكم ويوفقكم اعطوني الحل الله يخليكم
يا اختي انا متزوجه ولكن ماعندي اطفال بس لاحظت ماما لما تخاصم اختي المراهقه كنت اروح واخذها بحضني وتفضفضلي ليش ما تكوني صديقه لبنتك عشان اي شي يصير معاها تقولك على طووول ….. ما اقدر افيدك اكثر دعواتي لك بالتوفيق ولي بالذريه الصالحه
ياقلبي خليك موبس ام خليك صديقه الها ولا تحرميها من الجوال او اللاب لكن فتشي بعد كل فتررة بجوالها وانصحيها
وواذا ما فاد فيها اسحبي الجوال واللاب منها وعلمي ابوها
انتبهيلها قبل لايوقع الفاس بالراس
السلام عليكم انا مشتركه جديده بالموقع واحب اعرفكم بنفسي انا فاطمه من مصر عمرى 21 سنه و مخطوبه ادعولى اتزوج و حبيت اشارك معكم فى مشكلتك هو اكيد عاداتكم وتقاليدكم مختلفه شوى عننا فى مصر بس انا مريت بمرحله المراهقه بس امى عرفت ازاى تحتوينى و تصاحبنى بالاسلوب اللين و الحنان و انا كنت صادقه معها جداااااا و هى الصديقه المقربه لى انت ممكن تحاولى تتقربى لبنتك و تصاحبيها و تتقبلى اى كلام هى تقوله و لا تجزعى منها بس فى نفس الوقت تنصحيها ضرورى و تحاولى تحكيلها قصص عن العلاقات الى من هذا النوع و كيف بتفشل و مش بتكمل وان السن ده طبيعي انه يحصل فيه كده اعجاب او حب زى ما هي شايفه بس مش بيكون حقيقى لان المشاعر والتفكير بيكون لسه فى حاله تكوين و مش بيكون حب حقيقى وانها لما تتزوج زوجها يحبها اكتر لما يعرف انها لم تعرف احد قبله و الكلام ده و الله يوفقك فى تربيتها و يحميها و يحفظها من كل شر و يهديها ليكى
الحرمان مو حل,,مردها ح تكبر وح تحصل جوال وبتقدر تعمل الي نفسها فيه
حاولي تتكلمي معاها وفهميها انو لو كان في ظنها هذا الشي عادي ف هو جداً غلط,,
وبمجتمعاتنا الرجال مايقبل ياخذ بنت كلمها قبل,,
ويصير مايثق فيها
ومع الايام هيى راح تكتشف كل هالاشياء
يارب تفرج همك,,وتستر على بنات المسلمن جميع
خليك دايما مع بنتك صديقه صدقووني هذا افضل اسلوب لتعامل مع البنات وخصوصا المراهقات
اما اسلوب التوبيخ والاوامر بالعكس يزيد عناد البنت وكرهها لأهلها وبتالي راح تعاند كلمهم وماتسمع لنصيحتهم وتسوي اللي براسها وبس
والحرمان فعلا مو حل لك بالحوار والاقناع والصداقه بين الام وبنتها يكون كل الامور واضحه
بنتك صغيره وهي تمر بتجربه عاطفيه طبيعيه تصير مع كل البنات بهذا السن لا تلومينها لكن انا انصحك لاتتركينها لوحدها وخليها تخبرك بكل شئ او بأول عشان مااحد يلعب عليها
وبين وقت واخر راقبي جوالها وجهازها بس بدون ماتحس فيك عشان ماتتضايق وتكرهك وتترك علاقتها فيك
والله انا تمنيت ان امي تكون معي صديقه وتسمع لي لكن للاسف هذا الشئ انحرمت منه وانا جدا متضايقه لكن الله يعوضني خير
وصار ربي سبحانه هو اللي يحمينا بمواقف تحصلي كثير بس ربي يسترها سبحانه والحمد لله عديت هالسن ومراهقتي على خير بفضل الله سبحانه
ياربي لك الحمد
اللهم استرنا فوق والارض وتحت الارض ويوم العرض
السلاام عليكم خاله انا بنت عمري 17 وعندي 3 خوات وانا اكبرهم والحمدلله تربية امي لنا كان احسن تربيه ..
خااله انا انصحك تتقربين من بناتك اكثر واكثر وتحاولين تكونين من اقرب صديقاتهم ودايما تكلمينهم عن اهمية الشرف وان البنت مثل الورقه البيضه اي نقطه سوده ماتنمسح وراح تظل الزله معاها طول حيااتها انا والله ياخاله امي من اقرب صديقات ودايما تتكلم عن الشرف وان البنت ممكن تموت عشاان شرفها ومرات تقولي قصص عشان ناخذ العبره منهااتمنى اني اكوون افدتك والله يهدي بناتنا وبنات المسلمين…
والله حبيبتي الاخوات ما قصرو صادقي بنتك وخليها تحكي عن مشاعرها تجاهه وبينيلها انك مقدرة مشاعرها لكن في اصول ودين في حياتنا واحكيلها ان ابن عمك يندل بيتكو لو عاوزك صحيح ييجي ويخلي الامر رسمي وصدقيني لو بنتك بعدت عنك رح تروح تشكي لصاحباتها الي ممكن يدلوها على الف طريقة غلط تمشي الي في راسها خليها تقتنع بكلامك افضل والله يهديلك اياها يا رب ويستر عليها في الدنيا والآخرة