السلام عليكم
عمر زوجي 33 عمري 28
انا تم العقد علي من شهر وزواجي قريب
مشكلتي زوجي انه اهتمامه بالكوره كل تفكيره بالكوره
مسوليه مايفكر فيها ابدا وانا اتنمى لو يفكر بمسؤليه
يعني لو اقول لكم كيف الى الان مااعرف عنه اي شيء
اعطيك الكلام تخيلو يوم حفله خطوبتي تاخر عن حضور الى القاعه
ولما اسألته اخته ليش تاخرت المفروض تجي قبل ساعتين جاوب اتابع المباره
لما عزمته يجي بيتنا جه وقت مبكر تعشى ومشى حتى جلوس ماجلست معاه ولما سئلته قال بتابع المباره
اتصال لو تدرون بس 5 دقايق ولاه ممنوع اتصل عليه لانه يتابع المباره
اخترت غير وقت المباره يقول انا بالاستراحه اتابع المباره مع الشباب لا تتصلين انا اتصل عليك
حسيت انه مغصوب يتزوجني او انا مو مهمه بحياته احتاج اتكلم معاه لانه ماباقي شيء على زواجنا
واللي صدمني اكثر ترك وظيفته علشان يتفرق يتابع المباريات الاجنبيه بالذمه هذا اسلوب او هذي مسؤليه
ولما اكلمه اقول له ابقي اعرف عنك شيء يتكلم بكلام يستفزني علشان اسكر بسرعه
وفي اليوم اللي ماتكون عنده مباره بتصل عليا مشتاق وكلام حب ولا كنه مسوي شيء
انا كلمته قبل اسبوع انه المفروض يخصص وقت لي مو وقته كوره وسئلته اذا مغصوب على الزواج
جلس يحلف انه يحبني ويبقيني بس مايقدر هو يعشق الكوره مايقدر اذا ماتابعها وتابع الاعاده طبعا
لما قلت له ابقي تخصص وقت تكلمني فيه حدد لي وقت وقال هذا فاضيه فيه تدرون اسبوع وانا انتظر منه اتصال
ولا يتصل واتصل قبل يومين يتعذر انه مشغول توقعت انه توظف فرحت بس صدمني انه رايح عند صديقه اسبوع
وتوه راجع وماخذه الحماس انه تابع معاه مباريات واستمتع بوقته معاه
انا ماعصبت ماعلقت بس لما انتهى اتصال جلست اصيح من الحسره اني برمي نفسي عند واحد مهمل
انا ماعندي مانع يتابع هواياته بس اطلب منه اهتمام
انا ابقي اهتمام لي حتى لو نص ساعه
لو اعرف عنه شنو يحب او يكره اعرف عنه شيء لانه انا معاه قدامنا مسؤليه
لو تعرفون اني جالسه اخذ دورات من الملكه الى الان دورات الحياه الزوجيه هو لما قلت له انه ياخذهم
قال الزواج مايبقيه شيء انتي بتفهمينه يوم عرسنا هذا كله خرابيط
لما اطلب انه يفهمني يقوم يقول لي تبقين كلام رومنسي يقول لي كلام خط احمر مافيه ذره من الحياه
مايراعي انه ماتعودت عليه او صار بينه كلام لانه حد المكالمه بس خمس دقايق ويسكر اما يبقي ينام او يتابع اعاده المباره
انا اللحين بدل ماتصير مسافه تقربني منه صارت مسافات تبعدني عنه
ودي اصارحه اخر مصارحه اما يستمر معاي او نترك اذا هذي البدايه صعب اكمل الى النهايه معاه
ابقي نصايحكم ويش اسوي معاه
اخخخخ مشكلة الكورة مشكلة..ما انا شايفة اخوي وسلفي بس مش زي خطيبك..الحمدلله انا زوجي ما بيحب الكورة ابداااات بالمرة واا حتى كأس العالم..انا برايي هاي المشكلة مسالة تعويد وهواية وما رح تتغير بسرعة
هآي المشكله بتلاقيهآ عند اغلب الشبآب .. ولكـن خطيبك مزوزهآ شوي ولكـن نرجع ونقول احسن ماآ يكون شيء تآني
والاغلب الشباب بتيجي فتره هوس بالمباريات ولكن بعدين بيقل اهتمامهم يعني هذه المشكله موقته بأذن الله انت ِ لا تحكي مع خطيبك بهذه الموضوع لانك حكيتي وما تغير شيء لحآلو راح يترك هذه الشيء عند ما تتزوجو بصير عندو مسوؤليه وعيآال وراح ينتبه بنفسو على هذه الشيء
ربنآ يسعدكم ويتمملكم على خير
استغفر الله العظيم واتوب اليه
صلي استخاره
وقبل كذا خاولي معه
اذا ماشفتي منه امل
صلي استخاره واللي ترتاحين له سويه
لان بصراحه الاهتمام والتفاهم هي اهم نقطه في الزواج
اختي الغاليه لازم تصارحيه وقوليله مو مستعده اكمل وياك لا وظيفه ولا اهتمام بعد الوظيفه مهمه ولا شلون بتعيشون لازم يهتم بيكي لان هذي مو حياة يوم ويومين المهم تتصلي بيه تعزميه يجي البيت ومن يجي لازم تصارحيه بكل يلي بداخلك بس المهم يكون بكل هدوء عشان لا تصير مشاكل والله يسخركم لبعض
لا تدقين عليه ولا تسألين عنه واذا دق ردي ولا تسولفين خلك ساكته وكل ماسألك عن شي ردي له بجواب بسيط لا تاخذين وتعطين معه
خليه يحس ع نفسه ولو سألك شفيك متغيره
قولي مدري افرح انك لقيت لي وقت ولا أزعل لإن اكيد شوي او بكره بترجع تلتهي بالكوره ولا سألت عني وخلك كذا كلميه بالهدااوه عن تفكيرك .. حاولي ما تمشين الموضوع لين يلقى له حل
اولا استخيري مره واثنين وثلاثة اذا م ارتحتي انهي كل شي بينكم
وكلميه وصارحيه لو م عدل وضعه وتوظف انك ما تبغيه
كيف تتزوجي واحد مو متوظف ؟ ولا فوق هذا ما يهتم فيك ومو راعي مسؤولية
الأمور ذي مو لعبه والي تقولك بيتغير بعد الزواج كذب الي يعشق الكورة
بهالجنون مستحيل يبطل يحبها والي مو راعي مسؤولية عمره فحياته م راح يتحمل مسؤولية
والي م يهتم فيك من الحين م راح يهتم فيك بعدين
هذا رايي الشخصي والله يوفقك بحياتك