متى اطلع من هالسجن ؟
السلام عليكم بنات
اول شي ابي اقولكم عن معاناتي
بإختصار اهلي حارمين علينا الطلعه والجية
اخوي متحكم فيني خصوصاً اختي اكبر
مني الحمدلله انها تزوجت وطلعت من هالسجن لكن انا
عمري قرب على الثلاثين واختي تزوجت وعمرها 28
الحمدلله بس انا جوني ناس خطبوني ورفضوهم
بحجة ان خوالهم مو نفس مواخيذنا وانا شدخلني بخوالهم ما دامهم
نفس اصلنا بناسب ولدهم ولا خوالهم اخوي بصراحة مو معقول واحس اذا تزوج بينكد على زوجته وبيوريها نجوم الليل بعز الظهر وانا خايفه لا اتعدى الثلاثين وما اتزوج
وانا مو لهدرجة ميتة على الزواج
بس ابي اطلع من هالسجن الله يرحم ابوي اللي صارو اخواني يتحكمون فينا انا وامي واحنا ساكتين هذي مشكلتي وفضفضت لكم والسلام عليكم
الله يفرج همك يارب جربي تتقربي من اخوكي وتكسبي لصفك
بالكلمه لحلوة ان شاء لله كلشي بصير
الله يعينج على مابلاج ………. بالنسبة لااخوج مااعتقد ان له حل الا اذا تزوج لانه اذا تزوج بتفتكون منه لانه بيلتهي بزوجته ……. مالج الا تدعين الله وتقرين سوره البقره اربعين يوم بنيه الزواج
وان شاء اللهه تتزوجين وترتاحين منه
مايجوز تقرين البقره بنيه الزواج تخصصين هالسوره بدعه اقري ما تيسر من القران ادعي ربج والحي بالدعاء وعليج بصلاه اخر الليل والله يرزقج يارب بالزوج الصالح والذرية الصالحه يارب العالمين
ماعليه ياقلبي اصبري الصبر زين انا مات بابا وعانيت بعده كثير ظلم عشان الورث وكذا ومحاكم وقلق مرت علي ايام سوداء وربي عوضني بزوج طيب
اكثري من الاستغفار ((وما كان الله معذبهم وهم يستغفرون))
الله يفرج همك يارب
الله يفرج همك
ويرزقك بزوج صالح
نفس مشكلتك يالغلا بس في حل وريحي بالك وربي