قصة اختي رحمها الله

بسم الله الرحمن الرحيم

السلام عليكم ورحمة الله وبركاته

هذي قصه اختي الي بعدي على طول(الله يرحمها)

يوم ما اتولدت كان الخير بوجهها ماشاء الله وربنا رزقنا العز

والنعيم من يوم اتولدت وكانت سريعة الحفظ عمرها 4سنوات وهي

مخلصه جزء عم وكانت ممتازه في المدرسه ومحبوبه بين الناس في يوم

من الايام كان عندنا مناسبه وهي ماشاء الله عليها كانت جدا جميله

وراحت مع امي ويوم جا وقت العشاء جلست واكلت بنفس مفتوحه

ماشاء الله وصابتها عين ووقتها كان عمرها حوالي3 سنوات

ومن يومها وهي معدتها تعبانه الين ما ماتت ويوم كانت تنازع

انا و الوالد والوالده كنا جنبها وانا ما اول مره اقابل حاله زي كذا

وماادري انها تنازع وقاعده تقول لامي انا عروسه ليش ماتخلي توفي

تسوي لي مكياج قصدها علي انا لاني اسوي مكياج وانا مافهمت قصدها

ويوم تفوق تقول انها تبي تصلي وتقعد تشكرنا على اساس هي تعبتنا

معاها وبعد معاناه مع الم المعده ماتت

وكان وجهها منور وشعرها طول وصارت جدا جميله حتى ابوي

يقول ايش حطوا لها في وجهها خلاه كذا منور سبحان الله ماتت

عمرها 16 سنه ولم تبلغ يعني طفله لا تحاسب من عصافير الجنه

وشكرا على مواساتكم لي