ذب العباه عن الذهب والماس والقطـن السميـك

عليك عيني بارده مـن عينـك اسـم الله عليـك
كـل العيـون اللـي تشوفـك يكفـي الله شرهـا
النـاس مشتاقـه تشـوف الله يرحـم والـديـك
ور البشـر مـن ماتميـز بـه عليهـا ورهــا
حي الحضور الله يمدك عمـر واسمـاه تحميـك
واحباب قلبـك سرهـا واعـداء عيونـك حرهـا
الحفل,والجمهور,والفرقه,وقـوفـا تحتـريـيـك
سر الكفوف اللـي تصفـق لـك تفاعـل سرهـا
اللعـب يلاعبـك الجمـال ويبتدييـك وينتهييـك
ورقص شياطين الحلا ولحـون سحـرك جرهـا
ذب العباه عن الذهب والماس والقطـن السميـك
وارم القناع عن الورود الحمر واكشـف سرهـا
وفل الجديل اللي شعوره لـو ماتقصـد تبتلييـك
وفك الأزره عـن نحـر ثوبـك لاعـاد تزرهـا
خل أسفل الفستان شابك وانت واقف في ايدييـك
وهز الخصـور اللـي تقـول اقـواس لله درهـا
ثن القوام الخيزرانـي مـر هيـك ومـر هييـك
وقدم رجـل وافهـق رجـل ويصفقـون وكرهـا
ويكـرر الجمهـور يافنـان وبـرافـو علـيـك
وتشـوف عيينـك مايفـل حجاجهـا ويسـرهـا
لاتعطي الشهره وجهه واهرب عن الأضواء تجييك
وارفـع شعـارات التحـدي والبيـارق شـرهـا
الذنب مالك ذنب ذنب الناس ليـش تمـوت فيـك
وانـت علـي والشاهـد الله ماتحـب تضـرهـا
لكن بليت النـاس مـن بلـوه جمـال مبتلييـك
ودك تسر الناس مـن طيبتـك وانـت تضرهـا