حامل وبدك دكتورة شاطرة ومتل أمك الثانية تفضلي هون

السلام عليكم أخواتي العزيزات ..
أنا صارلي والدة الحمد لله أسبوعين …
وقبل ما اولد كنت حاملة هم مين اللي بتولدني وبأي مستشفى …
والله جمعني بدكتورة والله العظيم متل أمي التانية .. وشاطرة كتير ما شاء الله عليها
حنونة وطيبة وتصبرك وانت عم تطلقي وتدعيلك .. يعني فعلاً ولا أروع من هيك ..
وأمي كانت معي وأنا عم أولد وكانت الدكتورة جايبة معها كتاب لأذكار الولادة وعطتها لأمي وصارت تقول لها انو اقرئي لها منو .. وروحي صلي وادعيلها ..
حتى انو وأنا عم أولد بعد فضل الله هي اللي ساعدتني في الولادة …
كان الحبل السري ملتف حول رقبة الجنين مرتين .. صارت هي تدخل يدها عشان ترخيه على رقبتو لأنو لو سحبت الجنين رح يرص زيادة ويختنق ..
لو كانت دكتورة جديدة كانت سحبت الولد وكان مات … بس الحمد لله بفضله ثم بعلمها وشطارتها ..
لأنها عندها خبرة ما شاء الله.. واستشارية ..
ولدت الحمد لله بمستشفى السعودي البريطاني .. خدمة ممتازة وراحة نفسية واهتمام ونظافة …
حتى انو الدكتورة نصحتني فيها أكثر من الحمادي لأنو قالت انو مرات لما بتكون عندها حالات ولادة في الحمادي من الزحمة ما بكون في سرير …
وفعلاً مستشفى غير شكل …
مستوصف الثميري ، الدكتورة فايزة
********************
عزيزاتي أنا جاهزة لأي سؤال أو استفسار عن الدكتورة أو المستشفى …
لكم مني أطيب التحيات
وتمنياتي للجميع بالتوفيق والصحة والولادة بالسلامة إن شاء الله …