الى هنا ويكفي ياناس الحقوني قبل اكل سم وارتاح

بنات انا اكلمكم وانا دموعي على خدي خلاص ماابغى الدنيا ولا أبغى ملذاتها ابي الموووووت ابي افتك من أمي ادري بتقولون هذي أمك خلاص خلاص انا والله ضحيت تركت الوظيفه عشان أمي ولي 4 سنوات على هالحال جتني وظيفه وتركتها عشان ماعندي نقل اختي اللي أكبر مني موظفه وأمي تحبها عشان تعطيها فلوس وانا وربي اكرف وانظف وماشوف بعينها معروف وربي ابوي مايجي من الدوام الا البيت نظيف ومبخر والحلا والموالح جاهزه ابوي صار يكافأني بمبلغ والحمدلله لكن قهر أمي تقول انتي ماتستاهلينها وبقول لابوك يقطعها عنك. طيب ليييش.

أمي الله يسامحها أحيانا تكذب وتقول أشياء حرام وماتهتم وانا إنسانه صريحه وأخاف ربي يعاقبني وانقهر وأقول ليش يمه تقولين كذا حرام تظلمن فلأنه وتبدأ بالصراخ والدعاء علي وورربي قهر مااقدر أشوف الكذب والظلم وأسكت واحيانا تعيرني بعمتي ومستحيل تعيرني قدام ابوي

وانا قد انظلمت من أقاربي بشرفي ويشهد الله ان مامسني رجل واحد واليوم لما تهاوشنا ع موظوع قالت لي. صدقوا الناس فيك ياااااناس قهر والله قهر
هذا كلام أمي كيف كلام الناس عني

ورب الكوووون بديت اكرهها أعوذ بالله واليوم تهاوشنا لما قلت لاختي غسلي الحمامات قالت اختي لا قلت ليش انتي نايمه الصباح كله ورجعتي تنامي كل العصر والمغرب تلعب قالت أمي لا تشتغل خليها تذاكر قلت يمه طول الوقت تلعب ولما قلت خليها ترتب قالت لا. وتناشبنا وللأسف قالت لي انتي ماجلستي الا للمشاكل وربي انهرت كل هذا ومشاكل وربي انوم حول 2 كله ترتيب للبيت واخرتها كذا وأقوم الصباح وارجع أرتب لين العصر واخرتها انا مشاكل

وغيرها. ياناس ساعدوني ابي أتجنب أمي مابي اجلس معها كثير عشان ماتقلب علي عشان أقفل على نفسي بااااب

تخيلوا طلعت الحوش ابكي تدرون وش قالت لي ااااااه. قالت الحمدلله ع العقل يمه يكفي قلتي انتي مريضه نفسيا وصبرت الحين تقول الحمدلله ع العقل يعني انا مجنونه
وربي ان شعري طاح ونفسيتي تعبانه توي عمري 24 واللي يشوفني يقول عجوز ليش كذا يمه
مره كانت تتوعد أخوي تهاوشه وأخواتي يشجعونها قلت يمه لاتسببين مشاكل ماينفع كذا والله والله والله لما هاوشته وصرخت عليه قالت لي انتي اللي حرضتيني والله الذي نفسي بيده قلت لها لاتسببين مشاكل واخرتها تنقلب علي. ليش حظي كذا

وربي انا متخرجه من أحسن الأقسام ومبدعه ونشيطه لكن للاسف كسروني كسروني كسروني. صرت خجوله صرت أعيش ع الخيال صرت أتخيل لي ام ثانيه تدلعني صرت اكره الاجتماعات اخر زواج حضرته قبل 7 سنوات حتى زواج عيال عمي وخالتي مااحضر

صرت أخاف الناس صرت اوسوس صرت انتف شعري من جذوره والله هذا الواقع وووووبي انا كنت اشجع خواتي كنت اكثرهم إبداع انا اللي اختار لهم الملابس انا اللي متفوقه لكن للاسف سلبوا كل شي فيني اختي اللي وكلتني …… وهي أصغر مني 5 سنوات مو هذا شي يقهر وانا ادرسها واخرتها كذا .

ااااه بالقهر بس ياناس ساعدوني ابي أتجنب أمي خلاص ماعاد ينفع كل يوم اجلس اتقهوى معها واخرتها كذا خلاص ابي أصير مثل اختي اللي أكبر مني كل وقتها ع ألنت ثم ترتب ساعه ثم تروح الدوام ولاتحتك مع أمي وأمي تحبها. ابي أصير مثلها أرتب واجلس ع النت خلاص مابي أسولف مع أمي كثير يمكن مشاكلنا تخف

يمكن انتي تهونييين "(

اقول اهجدي ي بنت لا سم ولا غيرة بتروحين نار
هذآ انتحآر

1. الحل انك ترجعين تتوظفين